મહેસાણા: રસ્તાઓ પર રખડતા ઢોરના ત્રાસથી શહેરીજનો પરેશાન, વાહનચાલકોને મોટી મુશ્કેલી

મહેસાણા જિલ્લામાં રખડતાં ઢોરનો ત્રાસ જોવા મળી રહ્યો છે. મહેસાણા શહેરમાં રસ્તાઓ પર રખડતાં ઢોરનો ત્રાસ દિન-પ્રતિદિન વધી રહ્યો છે. શહેરના મુખ્યમાર્ગો પર અંડિગો જમાવીને બેઠેલા ઢોરને કારણે વાહનચાલકોને ભારે મુશ્કેલીનો સામનો કરવો પડે છે અને ટ્રાફિક જામની સમસ્યાઓ સર્જાય છે. રસ્તાઓ પર રખડતાં ઢોરને કારણે અકસ્માતોની સંખ્યા પણ વધી રહી છે, ત્યારે શહેરીજનોએ તંત્ર પાસે આ સમસ્યાનો ઉકેલ લાવવા માટેની માંગ કરી છે.

ઉલ્લેખનીય છે કે દર વર્ષે નગરપાલિકા બેઠક કરે છે અને તેમાં રખડતાં ઢોરના ત્રાસને દુર કરવા ચર્ચા પણ થાય છે, આ માટે કમિટી પણ બનાવવામાં આવી છે. પરંતુ આ કામગીરી માત્ર કાગળ ઉપર અને વાતોમાં જ રહી જાય છે. તેનું યોગ્ય અમલીકરણ કરવામાં આવતું નથી.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો