સામાન્ય રીતે નવરાત્રીના પર્વમાં મહિલાઓ સાથે છેડતીના વધુ બનાવો બનતા હોય છે, ત્યારે અમદાવાદમાં મહિલાઓની સુરક્ષા માટે તૈનાત છે મર્દાનીઓ. આ મર્દાનીઓ એટલે મહિલા પોલીસની SHE ટીમ કે જેઓ નવરાત્રીમાં છેડતીની ઘટનાઓને રોકવા એક્શનમાં આવી છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
દૃશ્યોમાં ટ્રેડિશનલ ડ્રેસમાં ગરબા રમતી આ યુવતીઓ કોઈ સામાન્ય યુવતીઓ નથી. પરંતુ SHE ટીમની મહિલા પોલીસ છે, જે શહેરના વિવિધ વિસ્તારમાં લોકો વચ્ચે રહીને મહિલાઓની સુરક્ષાનું ધ્યાન રાખી રહી છે. નવરાત્રીના તહેવારમાં ભીડ વચ્ચે કોઈ રોમિયો મહિલાઓની છેડતી કે ચેનચાળા કરતો જણાય તો તેને આ SHE ટીમ તરત જ ધરપકડ કરી જેલહવાલે કરે છે.
SHE ટીમની પોલીસની કર્મચારીઓ મહિલાઓને છેડતીથી તો બચાવે જ છે સાથે સાથે ભીડમાં કોઈ અસામાજિક તત્ત્વો મહિલા સાથે ચોરી કે હેરાનગતિ ન કરે તેની પણ તકેદારી રાખતા હોય છે. ત્યારે મહિલાની સુરક્ષા માટે તૈનાત SHE ટીમ સાથે સિવિલ ડ્રેસમાં પોલીસના જવાનો પણ તૈનાત હોય છે, જેથી તહેવારમાં રોમયોગિરી કરનાર કોઈ પોલીસથી બચી શકશે નહીં.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો