સાહિલ એન્ટરપ્રાઈઝ નામની ગેરકાયદે ચાલતી ફેકટરીમાં થયેલા કેમિકલ બ્લાસ્ટ મામલે FSLની ટીમે તપાસ તેજ કરી, તપાસમાં ફેક્ટરી માલિક હિતેશ સુતરિયાને સાથ રખાયો

અમદાવાદના પીરાણા-પીપળજ રોડ પર આવેલી સાહિલ એન્ટરપ્રાઈઝ નામની ગેરકાયદે ચાલતી ફેકટરીમાં થયેલા કેમિકલ બ્લાસ્ટ મામલે FSLની ટીમે તપાસનો ધમધમાટ શરૂ કરવામાં આવ્યો છે. FSLની એક ટીમ આજે સવારે ઘટનાસ્થળે પહોંચી હતી અને કેમિકલ ફેકટરીમાં કઈ રીતે બ્લાસ્ટ થયો અને ક્યાં ક્યાં કેમિકલ હતાં એ અંગેની તેણે તપાસ શરૂ કરી દીધી છે. FSL અને પોલીસની ટીમ જ્યારે તપાસ કરી રહ્યા હતા ત્યારે ફેક્ટરી માલિક હિતેશ સુતરિયાને પણ સાથે રાખવામાં આવ્યો હતો તેથી તપાસમાં સરળતા રહે. તપાસ કર્યા બાદ પોલીસની ટીમ હિતેશ સુતરિયાને ફરી અટકાયતમાં લીધો હતો અને પોલીસ સ્ટેશન લઇ જવાયો હતો.