રાજકોટના માધાપરમાં પ્રાથમિક સુવિધાઓનો અભાવ, સ્થાનિકોએ થાળી વગાડી વિરોધ નોંધાવ્યો

રાજકોટ મહાનગરપાલિકામાં ભળેલા નવા વિસ્તારોમાં પ્રાથમિક સુવિધાઓનો અભાવ જોવા મળી રહ્યો છે, રાજકોટના માધાપર ગાામમાં રસ્તા,પાણી તેમજ લાઇટની સમસ્યાની ફરિયાદો મળી રહી છે. ઉલ્લેખનીય છે કે પ્રાથમિક સુવિધાઓના અભાવના કારણે રાજકોટના માધાપર ગામે મહિલાઓએ થાળી વગાડી વિરોધ નોંધાવ્યો છે. આ સમગ્ર મામલે સ્થાનિકોએ તંત્ર પાસે પ્રાથમિક સુવિધાઓની માગ કરી છે. સ્થાનિકોનુ કહેવું છે કે તંત્ર સાંભળી નથી રહ્યું માટે અમે થાળી વગાડી તંત્રના કાન સુધી આ વાત પહોંચાડવા માગીએ છીએ અને અમારી માગ છે કે માધાપર ગામનો વિકાસ થાય.