રાજકોટ પોલીસે 1.73 કરોડની રોકડ સાથે બે વ્યક્તિને ઝડપ્યા, ઈન્કમટેક્સ વિભાગને કરી જાણ

રાજકોટ પોલીસે રૂપિયા 1.73 કરોડની રોકડ રકમ સાથે બે વ્યક્તિની અટક કરી છે. રાજકોટ પોલીસે કુવાડવા પાસેના ખેરવા ગામના પાટીયા પાસેથી મોરબીના બન્ને વ્યક્તિઓને રોકડા સાથે પકડ્યા છે. પોલીસે રોકડ રકમ અંગે હાથ ધરેલી પુછપરછમાં બન્ને વ્યક્તિઓએ માર્કેટયાર્ડમાં પેઢી ધરાવતા હોવાનું અને બેંકમાંથી રોકડ રકમ ઉપાડી હોવાનો ખુલાસો કર્યો હતો. જો કે આ આ અંગે કોઈ પુરાવાઓ રજૂ કરી શક્યા નહોતા. આથી પોલીસે રોકડ રકમ અંગે ઈન્કમટેક્સ વિભાગને જાણ કરી છે. પોલીસે ગઈકાલે સંપન્ન થયેલી વિધાનસભાની આઠ બેઠકની પેટાચૂંટણી બાબતે પણ તપાસ હાથ ધરી છે. પોલીસનું અનુમાન છે કે, ગઈકાલે ગુજરાતમાં વિધાનસભાની આઠ બેઠકની પેટાચૂંટણી હતી. તે સંપન્ન થયા બાદ આ બન્ને વ્યક્તિઓ, રોકડ રકમ લઈને જઈ રહ્યાં હતા, બન્ને વ્યક્તિઓ મોરબી જિલ્લાના જ હોવાથી તો ક્યાક ચૂંટણીકાર્યમાં વાપરવા માટે રૂપિયાની હેરફેર કરાઈ હતી કે કેમ તે દીશામાં પણ તપાસ કરી છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો