પાટીદાર અનામત આંદોલન નીતિન પટેલે ઉભુ કર્યુ હતું, તેમનુ રાજકારણ પુરુ થઈ ગયું…ભાજપના કોર્પોરેટરની ઓડિયો ક્લિપ વાયરલ !
આ ઓડિયો ક્લિપમાં ગુજરાતના પૂર્વ નાયબ મુખ્ય પ્રધાન નીતિન પટેલને રાજકીય રીતે પતાવી દીધાનો ઉલ્લેખ કરવામાં આવ્યો છે. આ ઓડિયો ક્લિપમાં નીતિન પટેલ માટે ખૂબ ઘસાતુ બોલાયું છે. અપશબ્દો પણ બોલાયા છે.
મહેસાણાના કોર્પોરેટરે, ગુજરાતના પૂર્વ નાયબ મુખ્ય પ્રધાન નીતિન પટેલ વિશે કરેલ વિવાદાસ્પદ ટિપ્પણીઓનો એક ઓડિયો ક્લિપ સોશિયલ મીડિયામાં વાયરલ થઈ છે. આ ઓડિયો ક્લિપમાં ભાજપના કોર્પોરેટર એવુ કહી રહ્યા છે કે, ગુજરાતમાં પાટીદાર અનામત આંદોલન નીતિન પટેલે ઊભુ કરાવ્યું હતું. નીતિનભાઈને પતાવી દીધા છે. જો કે ગુજરાતના પૂર્વ નાયબ મુખ્ય પ્રધાન નીતિન પટેલે, આ ઓડિયો ક્લિપ અંગે મહેસાણા ભાજપના પદાધિકારીઓ સામે ફરિયાદ કરી છે. સાથોસાથ શિસ્તભંગના પગલાં લેવા પણ માંગણી કરી છે.
મહેસાણાના ભાજપના કોર્પોરેટર ચંદ્રકાંત પટેલની કથિત એક ઓડિયો ક્લિપ ભાજપના વર્તુળ અને મહેસાણા જિલ્લામાં ખૂબ જ વાયરલ થઈ છે. આ ઓડિયો ક્લિપમાં ગુજરાતના પૂર્વ નાયબ મુખ્ય પ્રધાન નીતિન પટેલને રાજકીય રીતે પતાવી દીધાનો ઉલ્લેખ કરવામાં આવ્યો છે. આ ઓડિયો ક્લિપમાં નીતિન પટેલ માટે ખૂબ ઘસાતુ બોલાયું છે. અપશબ્દો પણ બોલાયા છે. આ અંગે નીતિન પટેલે પ્રતિભાવ આપતા કહ્યું કે, મારુ રાજકારણ પુરુ થઈ ગયું હવે હુ ક્યાયનો નથી રહ્યો તેવી વાતચીત અન્ય કોઈ વ્યક્તિ સાથે ચંદ્રકાત પટેલે કરી હતી.
ચંદ્રકાંત પટેલની કથિત ઓડિયો ક્લિપ અંગે નીતિન પટેલે, ઉમેદવારોની પસંદગી માટે પાર્લામેન્ટરી બોર્ડની બેઠકો ચાલી રહી હતી. તે દરમિયાન સમય મળતા જ તેમણે આ ઓડિયો મહામંત્રી અજય બ્રહ્મભટ્ટ, મહેસાણા જિલ્લાના પ્રભારી ભરત ડાંગર અને જિલ્લા પ્રમુખ ગીરીશ રાજગોરને મોકલી શિસ્ત વિષયક કાર્યવાહી કરવા જણાવ્યું હતું. જો કે, તેમની રજૂઆત છતાં, ચંદ્રકાંત પટેલને મહેસાણા નગરપાલિકાના ઉમેદવાર તરીકે ટિકિટ આપવામાં આવી અને ભાજપના ચૂંટણી પ્રતિક પર તેઓ કોર્પોરેટર બન્યા. પરંતુ ઓડિયો મળ્યા પછી પક્ષે તેમની સામે શિસ્તભંગની કાર્યવાહી શરૂ કરી છે.
નીતિન પટેલે એવો દાવો કર્યો છે કે, તેમને મહેસાણાના જ એક નાગરિકે બીજો એક 5 વર્ષ જૂનો ઓડિયો મોકલ્યો છે. આ ઓડિયોમાં નગરપાલિકાની ગત ચૂંટણી વખતે ચંદ્રકાંત પટેલ અન્ય વ્યક્તિને “આપણા સમાજ (ચૌધરી) ના ઉમેદવારને વોટ આપવાનો છે અને ભાજપના (પટેલ) ઉમેદવારને હરાવવાનો છે” તેવું કહીને પક્ષ વિરોધી પ્રવૃત્તિને ઉત્તેજન આપતા સંભળાય છે.
