મહેસાણાની દૂધ સાગર ડેરીની ચૂંટણી પૂર્વે જ રાજકારણ ગરમાયું, ટુંક સમયમાં જ ડેરીની ચૂંટણી યોજાશે

મહેસાણાની દૂધ સાગર ડેરીની ચૂંટણી પૂર્વે જ રાજકારણ ગરમાયું છે. ડેરીની ચૂંટણી ટૂંક સમયમાં યોજવા જઈ રહી છે. ડેરીના પૂર્વ ચેરમેન વિપુલ ચૌધરી સામે બાંયો ચઢાવનાર ડેરીના જ પૂર્વ ડિરેક્ટર અને ભાજપના આગેવાન અશોક ચૌધરીએ ચેરમેન બનવા પૂરજોશમાં પ્રચાર શરૂ કરી દીધો છે. વિપુલ ચૌધરી સામે અશોક ચૌધરીનું ગ્રૂપ સક્રિય થઈ ગયું છે. અશોક ચૌધરીના સમર્થકો દ્વારા મતદારો પાસે સોગંધ લેવડાવવામાં આવી રહ્યા છે. તો બીજીતરફ ખેરાલુની જોડિયા મંડળીમાંથી પણ વિપુલ ચૌધરીનું સભ્ય પદ કેમ દૂર ન કરવું ? તેવી કારણદર્શક નોટિસ જિલ્લા રજિસ્ટ્રારે ફટકારી છે. જો વિપુલ ચૌધરીનું આ મંડળીમાંથી સભ્યપદ દૂર થશે તો તેમને ચૂંટણી લડવી મુશ્કેલ થઈ પડશે.