મહેસાણામાં ભાજપે બંગડીઓ વેચતી મહિલાને આપી ટિકિટ, પતિ 15 વર્ષથી કાર્યકર, જુઓ-Video
બહુચરાજી ખાતે લોકશાહીના સશક્ત ઉદાહરણ રૂપ એક અનોખો કિસ્સો સામે આવ્યો છે. અહીં એક સામાન્ય શ્રમિક મહિલા, જે વર્ષોથી મંદિરની બહાર બંગડીઓ વેચીને જીવન નિર્વાહ કરે છે, તેને ભારતીય જનતા પાર્ટીએ ટિકિટ આપી છે. આ નિર્ણયથી સમગ્ર વિસ્તારમાં ચર્ચા જાગી છે
મહેસાણા જિલ્લામાં આવેલા બહુચરાજી ખાતે લોકશાહીના સશક્ત ઉદાહરણ રૂપ એક અનોખો કિસ્સો સામે આવ્યો છે. અહીં એક સામાન્ય શ્રમિક મહિલા, જે વર્ષોથી મંદિરની બહાર બંગડીઓ વેચીને જીવન નિર્વાહ કરે છે, તેને ભારતીય જનતા પાર્ટીએ ટિકિટ આપી છે. આ નિર્ણયથી સમગ્ર વિસ્તારમાં ચર્ચા જાગી છે .
ભાજપે બંગડી વેચતા બહેનને આપી ટિકિટ
મળતી માહિતી મુજબ વોર્ડ નંબર-4માંથી ભાજપ પાર્ટીએ સન્સીબેન કાંગસિયાને ચૂંટણી મેદાનમાં ઉતાર્યા છે. સન્સીબેન બહુચરાજી મંદિરની બાહર રોડ પર પાથરણું પાથરીને વર્ષોથી બંગડીઓ વેચે છે. અતિ પછાત વર્ગમાંથી આવતા સન્સીબેનની મહેનત અને સંઘર્ષે તેમને આજ આ મુકામે પહોંચાડ્યા છે.
પતિ 15 વર્ષથી ભાજપના કાર્યકર
સન્સીબેનના પરિવારનો પણ રાજકીય જોડાણ રહ્યો છે. તેમના પતિએ જણાવ્યું હતું કે તેઓ છેલ્લા 15 વર્ષથી ભાજપ સાથે સક્રિય કાર્યકર તરીકે જોડાયેલા છે અને પાર્ટીએ જે વિશ્વાસ મૂક્યો છે, તે પર તેઓ ખરા ઉતરવાનો સંપૂર્ણ પ્રયાસ કરશે. પરિવાર અને નજીકના લોકોમાં આ તક મળતા ખુશીનો માહોલ જોવા મળી રહ્યો છે.
મહિલા સશક્તિકરણનું ઉત્તમ ઉદાહરણ
આ નિર્ણયને મહિલા સશક્તિકરણના દૃષ્ટિકોણથી પણ મહત્વપૂર્ણ માનવામાં આવી રહ્યો છે. સામાન્ય શ્રમિક મહિલાને રાજકીય મંચ પર લાવવાનો પ્રયાસ સમાજ માટે પ્રેરણાદાયક સંદેશ આપે છે. સ્થાનિક લોકો પણ આ નિર્ણયને સકારાત્મક રીતે લઈ રહ્યા છે અને સન્સીબેન માટે સમર્થન વ્યક્ત કરી રહ્યા છે.
લોકશાહીમાં દરેક વર્ગને પ્રતિનિધિત્વ મળવું જોઈએ તે સિદ્ધાંતને મજબૂત બનાવતો આ કિસ્સો મેહસાણા જિલ્લામાં ચર્ચાનો વિષય બન્યો છે. હવે જોવાનું રહેશે કે સન્સીબેન કાંગસિયા ચૂંટણીમાં કેવી કામગીરી કરે છે અને લોકોનો કેટલો વિશ્વાસ જીતે છે.
