મંદીના માહોલની વાતો વચ્ચે અમૂલ કંપની કરી રહી છે નફો, દૂધમાં ભાવમાં પણ નહીં થાય વધારો

છેલ્લા ઘણા દિવસોથી જુદા જુદા માધ્યમોમાં દેશમાં મંદીનો માહોલ હોવાની વાત કરવામાં આવી રહી છે પણ શું ખરેખર ભારતમાં મંદીનો માહોલ છે, મંદી છે તો કયા ક્ષેત્રમાં જોવા મળી રહી છે, મંદીના માહોલ વચ્ચે પણ ભારતની સોથી મોટી ફૂડ કંપની કેવી રીતે કરી રહ્યું છે સફળ વેપાર.

જુદા જુદા ક્ષેત્રોમાં મંદીનો માહોલ હોવાના વહેતા સમાચાર વચ્ચે ભારતના નાણાપ્રધાનનું એક નિવેદન આવ્યું કે પ્રાઇવેટ કેબને કારણે ઓટોમોબાઇલ ક્ષેત્રમાં વેચાણમાં ઘટાડો નોંધાઈ રહ્યો છે. જુદા જુદા સેક્ટરના નિષ્ણાંતો માની રહ્યા છે કે ભારતમાં મંદીનો માહોલ છે પણ આવા સમયે દેશની સૌથી મોટી ફૂડ કંપની ગુજરાત મિલ્ક માર્કેટિંગ ફેડરેશન (અમૂલ )પોતાનો વેપાર સફળતાથી કરી રહી છે અને બજેટ પછીના છેલ્લા 5 મહિનામાં અમુલે માર્કેટમાં વેપાર કરી 25 ટકા નફો કરી લીધો છે, મંદીની વાત પર ગુજરાત મિલ્ક માર્કેટિંગ ફેડરેશનના MD ડૉ.આર.એસ.સોઢીએ ટીવી9 સાથે ખાસ વાતચીત કરી હતી.

ડૉ.આર.એસ.સોઢી(MD,GCMMF અમુલ )ગયા વર્ષે અમૂલનું ટર્નઓવર 42 હજાર કરોડ રૂપિયા હતું, ચાલું વર્ષે 26 ટકાનો વધારો નોંધાયો છે, અમુલમાં કોઈ સ્લો ડાઉન નથી, બધી કેટેગરીમાં વધારો છે, મારા મત મુજબ, રિટેલરોમાં રૂપિયાની કટકી ચાલી રહી છે ,અમારા પર કોઈ ઈમ્પેક્ટ નથી આવ્યું લાંબાગાળાના વેપાર કરવા વાળા બોલી રહ્યા છે કે સેલ ઓછુ થઈ ગયું છે.

પશુપાલકોની સતત એક બુમ આવી રહી છે કે પશુદાણના ભાવમાં સતત વધારો થઈ રહ્યો છે. જેનું કારણ આપતા એમડી સોઢી દ્વારા જણાવવામાં આવ્યું છે કે ગયા વર્ષની સરખામણીમાં ચાલુ વર્ષે પશુદાણ બનાવવા માટે જે કાચા માલની જરૂર પડી રહી છે તેમાં સતત ભાવ વધતા હોવાને કારણે  પશુદાણના ભાવમાં સતત વધારો થઈ રહ્યો છે,જો કે અમૂલ દૂધ ખરીદતા ગ્રાહકો માટે રાહતના સમાચાર એ છે કે હાલના સમયમાં દુધના ભાવમાં કોઈ વધારો નહીં કરવામાં આવે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]