અરબી સમુદ્રમાં સર્જાયેલા સાયક્લોનિક સર્ક્યુલેશનથી આ જિલ્લાઓમાં કમોસમી વરસાદની આગાહી

અરબી સમુદ્રમાં સર્જાયેલા સાયક્લોનિક સર્ક્યુલેશનની અસરને કારણે રાજ્યમાં કેટલાક જિલ્લાઓમાં કમોસમી વરસાદની આગાહી હવામાન વિભાગે કરી છે. છેલ્લા 2 દિવસથી સૌરાષ્ટ્રમાં છુટોછવાયો વરસાદ વરસી રહ્યો છે. ત્યારે કચ્છ, દેવભૂમિ દ્વારકા તેમજ જામનગરમાં સામાન્ય વરસાદની આગાહી કરવામાં આવી છે.

આ પણ વાંચોઃ  મોદી સરકારના કેન્દ્રીય પ્રધાન સ્મૃતિ ઈરાનીનું અનોખું સ્વરૂપ, ભાવનગરમાં કર્યો તલવારરાસ

જો કે 24 કલાક પછી વાતાવરણ સામાન્ય બની જશે. આ સાથે જ રાજ્યભરમાં લઘુત્તમ તાપમાન પણ હવે ઓછુ થઈ રહ્યું છે. જે શિયાળાની શરૂઆતના સંકેત છે. સામાન્ય રીતે નવેમ્બર મહિનામાં શિયાળીની શરૂઆત થતી હોય છે. પરંતુ ચાલુ વર્ષે કમોસમી વરસાદ પડતા શિયાળાની શરૂઆત થોડી મોડી થઈ છે. ત્યારે હવે રાજ્યભરમાં ઠંડીનું પ્રમાણ વધવાની આગાહી હવામાન વિભાગે કરી છે.