GANDHINAGAR : કર્ણાટકના ઉદ્યોગ પ્રધાન જગદીશ શેટ્ટાર (Jagdish Shettar) ની અધ્યક્ષતામાં 13 સભ્યોનું પ્રતિનિધિમંડળ ગુજરાતના વિકાસ મોડેલ ખાસ કરીને MSME સેકટરની સમગ્ર ઇકોસિસ્ટમના અભ્યાસ માટે ગુજરાત પ્રવાસે આવેલું છે. આ દરમિયાન તેમણે ગાંધીનગરમાં મુખ્યપ્રધાન વિજય રૂપાણી (CM VIJAY RUPANI) સાથે સૌજન્ય મુલાકાત કરી હતી. મુખ્યપ્રધાન રૂપાણીએ કર્ણાટકના ઉદ્યોગ પ્રધાન અને પ્રતિનિધિમંડળ સાથેની મૂલાકાત બેઠકમાં ગુજરાતે વડાપ્રધાન મોદીના દૃષ્ટિવંત નેતૃત્વ અને આયોજનમાં ગિફટ સિટી જેવી વિશ્વકક્ષાની વાણિજ્યીક-નાણાંકીય ગતિવિધિઓના સેન્ટરનું નિર્માણ થવાની સફળતા તેમજ વાયબ્રન્ટ ગ્લોબલ ઇન્વેસ્ટર્સ સમિટના પગલે વૈશ્વિક રોકાણકારો માટે બેસ્ટ ચોઇસ ઓફ ઇન્વેસ્ટમેન્ટ ગુજરાત બન્યું છે તેની વિશદ ભૂમિકા આપી હતી.
આ પ્રતિનિધિમંડળે મુખ્યપ્રધાન નિવાસ સ્થાને સી.એમ ડેશબોર્ડ (CM Dashboard) અને જનસંવાદ કેન્દ્રની મૂલાકાત લઇ રિયલ ટાઇમ મોનિટરીંગ અને વિવિધ યોજનાના લાભાર્થીઓના ફિડબેકની સિસ્ટમ પણ નિહાળી પ્રભાવિત થયા હતા.મુખ્યપ્રધાન રૂપાણીએ આ પ્રતિનિધિમંડળને ધોલેરા SIR, ગિફટ સિટી, સ્ટેચ્યુ ઓફ યુનિટિ-સાણંદ ઇન્ડસ્ટ્રીયલ એસ્ટેટ વગેરેની સ્થળ મૂલાકાત લેવા પણ અનુરોધ કર્યો હતો.
As a part of our visit to Gujarat to study Industrial hub and Gift City, met CM of Gujarat Shri Vijay Rupani at his house & exchanged pleasantries. #TeamKarnatakaInGujarat | @vijayrupanibjp | @investkarnataka | @investindia | @BJP4Karnataka | @BJP4India pic.twitter.com/vHbvGsgRDj
— Jagadish Shettar (@JagadishShettar) July 16, 2021
ગુજરાત સરકારની ઔદ્યોગિક નીતિથી પ્રભાવિત થયા
કર્ણાટક સરકારના ઉદ્યોગ પ્રધાન જગદીશ શેટ્ટાર (Jagdish Shettar) ગુજરાતમાં MSME સેકટરને રાજ્ય સરકાર દ્વારા મળી રહેલા પ્રોત્સાહનોમાં ‘પહેલાં પ્રોડકશન પછી પરમિશનનો’ અભિગમ, સિંગલ વિન્ડો કલીયરન્સ સિસ્ટમ તેમજ ઇઝ ઓફ ડૂઇંગ બિઝનેસ કાર્યપદ્ધતિની વિગતો જાણીને પ્રભાવિત થયા હતા. તેમણે કર્ણાટક પ્રતિનિધિમંડળનો ગુજરાત પ્રવાસ આ બધા ક્ષેત્રોની તલસ્પર્શી જાણકારી મેળવવામાં ઉપયુકત બનશે તેવી અપેક્ષા પણ દર્શાવી હતી.
રાજ્યના ઊદ્યોગ વિભાગના અધિક મુખ્ય સચિવ શ્રી ડૉ.રાજીવકુમાર ગુપ્તાએ કર્ણાટકના ઉદ્યોગ પ્રધાન જગદીશ શેટ્ટાર તેમજ સમગ્ર પ્રતિનિધિમંડળને ગુજારાતના ઔદ્યોગિક વિકાસ, FDI માં અગ્રેસરતા, વિવિધ ક્ષેત્રે રોકાણની તકો તેમજ સી.એમ ડેશબોર્ડની સંપૂર્ણ વિગતોથી વાકેફ કર્યા હતા