ચોમાસાની વિદાય પહેલા રાજયમાં વરસાદના એંધાણ, 14થી 17 ઓક્ટોબર દરમિયાન વરસાદની આગાહી

રાજ્યમાં ચોમાસાની વિદાય પહેલા વરસાદના એંધાણ છે. હવામાન વિભાગે ઉત્તર ગુજરાત, દક્ષિણ ગુજરાત અને સૌરાષ્ટ્રમાં વરસાદ થવાની આગાહી કરી છે. જે મુજબ 14 અને 15 ઓક્ટોબરે દક્ષિણ ગુજરાતના વલસાડ, નવસારી, ડાંગ, નર્મદા, તાપીમાં હળવાથી મધ્યમ વરસાદની શક્યતા છે. તો 15, 16 અને 17 ઓક્ટોબરે ઉત્તર ગુજરાત, સૌરાષ્ટ્ર અને દક્ષિણ ગુજરાતમાં વરસાદની આગાહી કરાઈ છે. 16 અને 17 ઓક્ટોબરે દક્ષિણ ગુજરાતના દમણ, દાદરાનગર હવેલી, વલસાડ, ડાંગમાં અને સૌરાષ્ટ્રમાં ભાવનગર, અમરેલીમાં તેમજ ઉત્તર ગુજરાતમાં એકાદ જિલ્લામાં ભારે વરસાદની આગાહી કરાઈ છે. ડિપ ડિપ્રેશન અત્યારે આંધપ્રદેશ પર છે. જે આગામી દિવસોમાં લો-પ્રેસર બનીને 15 ઓક્ટોબરે અરબી સમુદ્ર તરફ આવશે. જેનાથી ગુજરાતમાં વરસાદ પડશે.