30 સપ્ટેમ્બરના મહત્વના સમાચારઃ CM ભૂપેન્દ્ર પટેલનો પ્રજાલક્ષી નિર્ણય, રાજ્યના 41 સાંકડા પુલ-સ્ટ્રક્ચર્સને પહોળા કરવા 245 કરોડ રૂપિયા કર્યા મંજૂર

• નર્મદા: સરદાર સરોવર ડેમ 138.62 મીટરની સપાટીએ
• મહત્તમ સપાટીથી નર્મદા ડેમ માત્ર 6 સેમી દૂર
• નર્મદા ડેમની મહત્તમ સપાટી 138.68 મીટર
• નર્મદા ડેમમાં 99.95 ટકા પાણીનો સંગ્રહ
• નર્મદા ડેમનો 1 દરવાજો 1.30 સેમી ખુલ્લો રખાયો
• નર્મદા નદીમાં 80 હજાર ક્યુસેક પાણીની જાવક
• આવતીકાલે નર્મદા ડેમ વટાવશે મહત્તમ સપાટી
• નર્મદા, ભરૂચ અને વડોદરાના 42 ગામો એલર્ટ પર

• ભાવનગરઃ મેથળા બંધારામાં પડ્યું ગાબડું
• ભારે વરસાદના કારણે બંધારામાં ગાબડું
• ખેડૂતોએ જાતે મહેનત કરીને બનાવ્યો હતો બંધારો
• ગ્રામજનોએ સમારકામની કામગીરી હાથ ધરી

• માળોદ વસ્તડી પાસે કેનાલમાં 5થી 7 ફુટના ગાબડાં
• 117 ગામોને સિંચાઇનું પાણી પૂરૂં પાડતી કેનાલમાં ગાબડાં
• કેનાલ તૂટે તો અનેક ખેતરો થઇ શકે છે જળબંબાકાર
• કેનાલનું સમારકામ માત્ર કાગળ પર થયું હોવાની રાવ
• જર્જરિત કેનાલમાંથી ખેડૂતો માટે છોડાઇ રહ્યું છે પાણી

• કડાણા ડેમના 11 દરવાજા 1.82 મીટર ખોલાયા
• ડેમમાંથી 1,31,489 ક્યુસેક પાણી છોડાયું
• હાલ ડેમમાં 10,0829 ક્યુસેક પાણીની આવક
• ડેમના 11 દરવાજા મારફતે 1,11,089 ક્યુસેક પાણી છોડાયું
• પાવરહાઉસ મારફતે 20,400 ક્યુસેક પાણી છોડાયું
• નીચાણવાળા 5 જિલ્લાના 235 ગામોને કરાયા એલર્ટ
• વડોદરાના 49, આણંદના 26, ખેડાના 32 ગામો એલર્ટ
• પંચમહાલના 18, મહીસાગરના 110 ગામો એલર્ટ

• ગીર સોમનાથમાં ડિમોલિશનની કામગીરી મુદ્દે હાઈકોર્ટમાં સુનાવણી
• 1903થી આ રેકોર્ડ છે કે કબ્રસ્તાન હતુઃ અરજદાર
• આ સરકારી જગ્યા હતી જેનો ઉપયોગ કબ્રસ્તાન તરીકે કરવામાં આવતો હતો: અરજદાર
• 1947થી આ જગ્યા સરકા 211 મુજબ નોટિસ આપવામાં આવી હતી: અરજદાર
• શનિવારે-રવિવારે ડિમોલિશન કરવામાં આવ્યુંઃ અરજદાર
• સામાન્ય રીતે આ દિવસોમાં સરકારી દિવસોમાં કામ કરતા નથીઃ અરજદાર
• 800થી વધુ કર્મચારીઓ દ્વારા કામગીરી કરવામાં આવીઃ અરજદાર
• સુપ્રીમ કોર્ટે પણ કીધું હતું કે દેશમાં ક્યાંય ડિમોલિશન થવું જોઈએ નહીં: અરજદાર
• જો કોર્ટની મંજૂરી હોય તો જ ડિમોલિશન કરવામાં આવે તે પ્રકારે આદેશ હતોઃ અરજદાર

સુરેન્દ્રનગરમાં ભારે વરસાદ અને પવનના કારણે તારાજી સર્જાઈ છે. ભારે પવનના કારણે વીજ પુરવઠાને અસર પહોંચી છે. સુરેન્દ્રનગર જિલ્લામાં કુલ 300 સ્થળે વીજ પુરવઠો બંધ થયાની ફરિયાદ વીજ વિભાગને મળી છે. ભારે પવનના કારણે 50થી વધુ વીજપોલ અને TC ક્ષત્રિગ્રસ્ત થયા છે. લખતર અને મૂળી વિસ્તારના 10 થી વધુ ગામોમાં 72 કલાકથી વીજળીનો પુરવઠો ખોરવાયો છે. વીજળીના અભાવે ખેડૂતો હાલાકી વેઠી રહ્યા છે. 72 કલાક બાદ પણ વીજ પુરવઠો પૂર્વવત ન થતા વીજ વિભાગની કામગીરી સામે સવાલ ઉઠી રહ્યા છે.

• વડોદરા: ખાનગી યુનિવર્સિટીના વિદેશી વિદ્યાર્થીને ચોર સમજીને માર્યો
• વિદેશી વિદ્યાર્થીને ચોર સમજી ગ્રામજનોએ ઢોર માર માર્યો
• આંકડિયા પુરા ગામેથી પસાર થતો હતો વિદ્યાર્થી
• B.Sc ન્યુરો સાયન્સના બીજા વર્ષમાં વિદ્યાર્થી કરે છે અભ્યાસ
• વિદ્યાર્થી વાઘોડિયાના શુભમ પ્લાઝામાં રહીને કરે છે અભ્યાસ
• રવિવારે રજા હોવાથી સાયકલ લઇને વિદ્યાર્થી કામે નીકળ્યો હતો
• વિદેશી વિદ્યાર્થી મારથી બચવા સાયકલ મુકી સ્થળ પરથી ભાગ્યો
• ઇજાગ્રસ્ત વિદ્યાર્થીને સારવાર અર્થે ખસેડાયો
• પોલીસે વિદ્યાર્થીને ઢોર માર મારનાર ટોળા વિરુદ્ધ ગુનો નોંધ્યો
• આંકડિયા પુરા ગામના 4 લોકોની ઓળખ પોલીસે કરી
• અન્ય 10 લોકોની ઓળખ બાકી

• જામનગરઃ ઓગસ્ટમાં થયેલી અતિવૃષ્ટિની સહાય ન મળ્યાનો આરોપ
• વરસાદી પાણી અનેક સોસાયટીઓમાં ભરાયા હતા
• રાજ્ય સરકારે કેશડોલની સહાયની કરી હતી જાહેરાત
• અસરગ્રસ્તોને બેન્ક ખાતામાં રકમ ન મળ્યાનો આરોપ
• મોટી સંખ્યામાં લોકો વિગતો સાથે સરકારી કચેરીમાં ઉમટ્યા
• મામલતદાર કચેરીએ અસરગ્રસ્તોએ કરી ફરિયાદ
• ફોર્મ ભર્યા છતા બેન્ક ખાતામાં રકમ ન મળ્યાની ફરિયાદ
• જેમની ફરિયાદ છે તેમની ખરાઈની કામગીરી ચાલી રહી છે: મામલતદાર
• અસરગ્રસ્તોને સહાય આપવામાં આવશે તેવી અધિકારીની ખાતરી

• જામનગર: આધારકાર્ડની કામગીરીમાં ધાંધિયા
• કામગીરી ધીમીગતિએ ચાલતી હોવાથી લોકો પરેશાન
• નવા આધારકાર્ડ, સુધારા-વધારા માટે અરજદારોને મુશ્કેલી
• અરજદારોએ સરકારી કચેરીનો ઘેરાવ કરી સુત્રોચ્ચાર કર્યા
• ટેકનિકલ સમસ્યાના કારણે લોકો ધક્કા ખાવા મજબુર
• સ્થાનિકોએ સુવિધા વધારવા માટેની માગ કરી

જૂનાગઢ: જોષીપુરા અંડરપાસ હજુ પાણી-પાણી છે. વરસાદે વિરામ લીધાના 14 કલાક બાદ પણ  પાણી ન ઓસર્યા. અંડરપાસમાં પાણી ભરાતા વાહન ચાલકોને હાલાકી પડી રહી છે. રોજ મોટી સંખ્યામાં અહીંથી વાહનો પસાર થાય છે. દર વર્ષે ચોમાસામાં અહીં પાણી ભરાતા હોવાની સ્થાનિકોની ફરિયાદ છે.

અમદાવાદ: નવરાત્રિના આયોજનને લઇ વિવાદ સર્જાયો છે. AMCના મેદાનોમાં થતા ગરબા આયોજન સામે HCમાં અરજી દાખલ કરવામાં આવી છે. અરજદારે AMCના એસ્ટેટ વિભાગ સામે  આક્ષેપ લગાવ્યા છે કે સર્ક્યુલરનું ઉલ્લંઘન કરી મેદાન આપી દીધા છે. નવરાત્રિ માટે નિયમ વિરૂદ્ધ મેદાન અપાયા છે. સ્ટેન્ડિંગ કમિટીએ હરાજી વિના અન્ય વ્યક્તિને મેદાન ફાળવ્યા છે. AMCના મેદાન પર આયોજન માટે 2 મહિના પહેલા અરજી જરૂરી છે.

સરકારે ખેડૂતલક્ષી નિર્ણય કર્યો છે. રાજ્ય સરકાર મગફળી, અડદ અને સોયાબીનના પાકની ટેકાના ભાવે ખરીદી કરશે. રાજ્યમાં મગફળી, અડદ અને સોયાબીનનું વિપુલ પ્રમાણમાં ઉત્પાદન થયુ છે. 3 ઓક્ટોબરથી 31 સુધી મગફળી, સોયાબીન અને અડદનું રજિસ્ટ્રેશન કરાવી શકાશે. લાભ પાંચમ બાદ 90 દિવસ સુધી સરકાર ખરીદી કરશે. ઇસમૃધ્ધિ પોર્ટલ પર રજીસ્ટ્રેશન કરી શકાશે. 150થી વધુ કેન્દ્રો પર નાફેડના માધ્યમથી ખરીદી થશે.

CM ભૂપેન્દ્ર પટેલ નર્મદા નીરના વધામણાં કરશે. આવતીકાલ સુધીમાં નર્મદા ડેમ સંપૂર્ણ ભરાશે. CM ભૂપેન્દ્ર પટેલ નર્મદા નીરના વધામણાં કરશે. CM આવતીકાલે કેવડીયા કોલોનીની મુલાકાતે જશે.

રાજ્યમાં વરસાદને લઇ અંબાલાલ પટેલે આગાહી કરી છે. નવરાત્રિમાં વરસાદ ખેલૈયાઓની મજા બગાડી શકે છે. નવરાત્રિની શરૂઆતમાં છૂટાછવાયા વરસાદની આગાહી છે. 3થી 5 ઓક્ટોબર દરિયામાં ભારે પવન ફૂંકાશે. મધ્ય, દક્ષિણ અને સૌરાષ્ટ્રમાં છૂટોછવાયા વરસાદની આગાહી છે. અમદાવાદ અને ગાંધીનગમાં વરસાદી ઝાપટું પડી શકે છે. 8થી 10 ઓક્ટોબર દક્ષિણ-મધ્ય ગુજરાતમાં  વરસાદ પડી શકે છે. 8થી 10 ઓક્ટોબર સુધી સૌરાષ્ટ્રમાં વરસાદની આગાહી છે. 10થી 14 ઓક્ટોબર અરબી સમુદ્રમાં વરસાદી સિસ્ટમ બનશે. વરસાદી સિસ્ટમ ચક્રવાતનું સ્વરૂપ ધારણ કરી શકે છે. 28 ઓક્ટોબર સુધી સાયક્લોન ચક્રવાકમાં પરિવર્તિત થઇ શકે છે. ચક્રવાતની અસર સૌરાષ્ટ્ર સહિતના ભાગોમાં રહેશે.

સુપ્રીમ કોર્ટ આજે તિરુપતિ મંદિરના લાડુ બનાવવામાં વપરાતા ઘીમાં પશુ ચરબીની ભેળસેળના મામલામાં હસ્તક્ષેપની માંગ કરતી અનેક PILની સુનાવણી કરશે. સુપ્રીમ કોર્ટમાં જસ્ટિસ બીઆર ગવઈ અને જસ્ટિસ કેવી વિશ્વનાથનની બેન્ચ આ કેસની સુનાવણી કરશે.

સુરત: ભાજપના કોર્પોરેટર શરદ પાટીલ વિવાદમાં આવ્યા છે. શરદ પાટીલ પાંડેસરા ભેસ્તાનના કોર્પોરેટર છે. તેમના પર બુટલેગર પાસેથી હપ્તો લેતા હોવાનો આરોપ લાગ્યો છે. માથાભારે ઇસમ સાથે મળી દારૂના અડ્ડા પરથી હપ્તા લેતા હોવાનો આક્ષેપ છે.  કોર્પોરેટરના સાથીદાર વિરુદ્ધ અનેક ગંભીર ગુના નોંધાયેલા છે.

ભારતીય સિનેમામાં યોગદાન માટે  અભિનેતા મિથુન ચક્રવર્તીને દાદા સાહેબ ફાળકે એવોર્ડ એનાયત થશે.

રાજકોટઃ જસદણનું આલણસાગર તળાવ ઓવરફ્લો થયુ છે. 31.50 ફુટ પાણી ભરાતા ઓવરફ્લો થયુ છે. તળાવ ઓવરફલો થતા નીચાણવાળા 5 ગામોને એલર્ટ કરાયા છે. જસદણ, બાખલવડ ,આટકોટ, પાંચવડા,જસાપર ગામોને એલર્ટ કરાયા છે. ડેમ ઓવરફ્લો થતાં ખેડૂતો નગરજનોમાં ખુશીનો માહોલ છે.

આજે રાજ્યમાં કેટલાક જિલ્લાઓમાં વરસાદનું ઓરેન્જ એલર્ટ આપવામાં આવ્યુ છે. મધ્ય ગુજરાત અને દક્ષિણમાં મધ્યમથી ભારે વરસાદની શક્યતા છે. પાટણ, બનાસકાંઠા, મહેસાણા, સાબરકાંઠામાં ઓરેન્જ એલર્ટ આપવામાં આવ્યુ છે. વડોદરા, ખેડા, આણંદ, ભાવનગર, ભરૂચ, સુરત, વલસાડમાં પણ ઓરેન્જ એલર્ટ આપવામાં આવ્યુ છે.

જૂનાગઢ જિલ્લાનો મુખ્ય ડેમ ઓઝત 2 ડેમ 95 ટકા ભરાયો છે. ઓઝત 2 ડેમના 3 દરવાજા 2 ફૂટ ખોલવામાં આવ્યા છે. 5700 ક્યુસેક પાણીની આવક થતા એટલી જ જાવક કરાઈ છે.આ ડેમ ત્રણ તાલુકાને પીવાનું પાણી પૂરું પાડે છે. રાત્રે વધુ વરસાદ પડતાં 6 દરવાજા 3 ફૂટ ખોલવામાં આવ્યા હતા.

નવરાત્રી પહેલા સુરત ક્રાઇમ બ્રાંચને મળી મોટી સફળતા મળી છે. સુરતમાં મોટા પ્રમાણમાં MD ડ્રગ્સ સપ્લાય કરનાર અનિસખાન ઝડપાયો છે. ક્રાઇમ બ્રાન્ચની ટીમે અનિસ ખાનને મુંબઈથી ઝડપી પાડ્યો. સુરતમાં જુદા જુદા 4 MD ડ્રગ્સના ગુનામાં આરોપી વોન્ટેડ હતો. સુરત ક્રાઈમ બ્રાન્ચની ટીમ મુંબઇમાં આરોપીની વોચમાં હતી. સતત વોચમાં રહી મુખ્ય ડ્રગ્સ સપ્લાયરને ઝડપી પાડ્યો છે.

વડોદરાઃ ઠેર-ઠેર ખાડાને કારણે રાહદારીઓને હાલાકી પડી રહી છે. સંતરામનગરમાં પિતા-પુત્ર ખાડામાં ખાબક્યા હતા. પુત્રને બચાવવા જતા પિતા પણ ખાડામાં પડ્યા હતા. સ્થાનિકોએ પિતા-પુત્રને હેમખેમ બહાર કાઢ્યા હતા. સાઈન બોર્ડ, બેરિકેટ મુક્યા વગર પાલકિએ ખાડા ખોદી નાંખ્યા.

જૂનાગઢઃ 4 ઈંચ વરસાદ ખાબક્યો છે. સતત ધોધમાર વરસાદથી અનેક સ્થળે પાણી ભરાયા છે. ભારે વરસાદના કારણે જૂનાગઢ પાણી-પાણી થયુ છે. ભવનાથ તરફ ન જવા કલેક્ટરે અપીલ કરી છે. વરસાદના કારણે ભવનાથ તરફ ન જવા સૂચના આપી છે. કાળવા નદીમાં પણ પૂરની સ્થિતિ છે.