27 નવેમ્બરના મહત્વના સમાચાર : સુરતમાં એક જ પરિવારની બે દીકરી પર પડ્યાં ગટરના ઢાંકણા, એક ઇજાગ્રસ્ત, અન્યનું મોત

ભાવનગરમાં કાળજું કંપાવી દે તેવી ઘટના સામે આવી છે. 4 વર્ષની બાળકી સાથે દુષ્કર્મ થયુ છે. નરાધમે 4 વર્ષીય બાળકી સાથે દુષ્કર્મ આચર્યુ. મોડી રાતે બાળકીને સારવાર અર્થે હોસ્પિટલ ખસેડાઈ. સમગ્ર મામલે વરતેજ પોલીસે ફરિયાદ નોંધી આગળની કાર્યવાહી હાથ ધરી. આરોપી સામે કડક કાર્યવાહીની પરિવારની માગ છે.

બાંગ્લાદેશ: હિન્દુઓ પર સતત અત્યાચાર વધી રહ્યા છે. બાંગ્લાદેશમાં ISKCONના ચિન્મય પ્રભુની ધરપકડ બાદ બબાલ થઇ રહી છે. ચિન્મય કૃષ્ણ દાસની ધરપકડ પર ISKCON ભડક્યું છે. નિવેદન જાહેર કરીને સરકારના પગલાંની કડક શબ્દોમાં નિંદા કરવામાં આવી રહી છે. બાંગ્લાદેશમાં હિન્દુઓ પર વધી રહેલાં હુમલાઓ પર ચિંતા વ્યક્ત કરી.  દેશમાં શાંતિ અને સદભાવ માટે તાત્કાલિક પગલાં ભરવા માગ કરવામાં આવી.

અમદાવાદમાં ખોખરા રાધે બંગલોઝમાં કિન્નરોએ ધમાલ મચાવી. જે પછી સ્થાનિકો અમરાઈવાડી પોલીસ સ્ટેશન પહોંચ્યા છે. દિવાળીના રૂપિયા લેવા આવ્યા હતા. ચેરમેને ૩૦૦૦ રૂપિયા આપ્યા. જે પછી
વધુ રૂપિયા લેવાની વાતને લઈને ચેરમેન ઉપર હુમલો કર્યો. અન્ય લોકોને બોલાવીને પણ બબાલ કરી.

સુરત: મનપાની બેદરકારીએ લીધો એક નિર્દોષનો ભોગ લીધો છે. ડિંડોલીમાં ગટરના ખુલ્લા ઢાંકણાના કારણે 5 વર્ષીય બાળકીનું મોત થયુ છે. ઘરની નજીક રમી રહેલી એક જ પરિવારની બે દીકરી પર ગટરના ઢાંકણાઓ પડ્યા. બે વર્ષીય બાળકી નીકળી જતા બચાવ થયો, જ્યારે અન્ય બાળકીને ગંભીર ઈજા થતા મોત થયુ છે. બાળકીને બચાવવા જતા અન્ય એક વ્યક્તિને પણ પગમાં ફેક્ચર થયું.
ડ્રેનેજ લાઈનનું કામ ચાલી રહ્યું હોવાથી ગરટના ઢાંકણા ખુલ્લા મુકાયા હતા.

સાબરકાંઠા: BZ બ્રોકિંગની ઓફિસો પર CID ક્રાઈમે દરોડા પાડ્યા છે. રાજ્યભરમાંથી ગેરકાયદેસર ₹6 હજાર કરોડ ઉઘરાવ્યાનો આક્ષેપ છે. રોકાણ કર્યા બાદ ગ્રાહકોને સમયસર રૂપિયા ન મળતા સવાલ ઉઠ્યા હતા. રોકાણકારોને માસિક 5 ટકા વળતરની લાલચ આપતા હતા. CID ક્રાઈમના ગાંધીનગર, વડોદરા, મોડાસા સ્થિત BZની ઓફિસો પર દરોડા. માલપુર, તલોદ, વિજાપુર સહિતના સાત સ્થળો પર કરાઈ કાર્યવાહી.

અમદાવાદ: કાયદો-વ્યવસ્થા જાળવવા પોલીસ એક્શન મોડમાં જોવા મળી રહી છે. શહેરમાં રાત્રિ દરમિયાન વાહનોનું સઘન ચેકિંગ કરવામાં આવી રહ્યુ છે. પોલીસકર્મીઓ સહિત અધિકારીઓ દ્વારા આખી રાત કોમ્બિંગ હાથ ધરાયુ. રાત્રિ દરમિયાન પેટ્રોલિંગ અને ચેકિંગ કરવા સૂચના આપવામાં આવી છે. સતત બે રાતથી શહેરના દરેક વિસ્તારમાં પોલીસની તપાસ ચાલી રહી છે.

ભરૂચ: નેશનલ હાઈવે 48 પર હિટ એન્ડ રનની ઘટના બની છે. રસ્તો ઓળંગતા વ્યક્તિને અજાણ્યા વાહન ચાલકે અડફેટે લીધો. રાહદારી અંકલેશ્વરની હોટલ વર્ષા નજીક રસ્તો ઓળંગતો હતો,
રાહદારીને ટક્કર મારી વાહન ચાલક ફરાર થઇ ગયો. ટ્રાફિક પોલીસ દ્વારા ઈજાગ્રસ્તને 108 દ્વારા હોસ્પિટલ ખસેડાયો.