25 મેના મહત્વના સમાચાર : NCRB રિપોર્ટ 2024માં સુરક્ષિત રાજ્યોમાં ગુજરાત અગ્રેસર, રાષ્ટ્રીય સરેરાશ કરતાં ગુજરાતમાં ગુનાખોરીનો દર ખૂબ ઓછો

દેશભરમાં ફરી એકવાર તેલના ભાવમાં વધારો કરવામાં આવ્યો છે. પરિણામે, દિલ્હીમાં પ્રતિ લિટર પેટ્રોલનો ભાવ ₹100 ને વટાવી ગયો છે. ડીઝલ પણ ₹95 ને વટાવી ગયું છે.

અમેરિકાના વિદેશ મંત્રી માર્કો રુબિયો આજે આગ્રા અને જયપુરની મુલાકાતે છે. તેઓ સવારે 9:00 વાગ્યે આગ્રા પહોંચશે અને તેમની પત્ની સાથે તાજમહેલની મુલાકાત લેશે. તેઓ બપોરે 1:00 વાગ્યે જયપુર જવા રવાના થશે અને આમેર કિલ્લાની મુલાકાત લેશે.

NCRB રિપોર્ટ 2024 અનુસાર ગુજરાત દેશના સૌથી સુરક્ષિત રાજ્યોમાં અગ્રેસર તરીકે ઉભર્યું છે. રાજ્યમાં કુલ ગુનાખોરીનો દર રાષ્ટ્રીય સરેરાશ કરતાં ઘણો ઓછો નોંધાયો છે, જે કાયદો-વ્યવસ્થા અને પોલીસ તંત્રની અસરકારક કામગીરી દર્શાવે છે. ખાસ કરીને મહિલા અને બાળ સુરક્ષા મામલે ગુજરાતે દેશભરમાં આગવું સ્થાન મેળવ્યું છે. મહિલાઓ વિરુદ્ધના ગુનાઓ, મિલકત સંબંધિત ગુનાઓ, ખૂન અને બળાત્કાર જેવા ગંભીર ગુનાઓમાં પણ ગુજરાતનો ક્રાઈમ રેટ રાષ્ટ્રીય સરેરાશથી ઓછો રહ્યો છે. ઉપરાંત અપહરણના કેસોમાં નોંધપાત્ર ઘટાડો નોંધાયો છે. દારૂબંધી હેઠળ કેસ નોંધાતા હોવા છતાં રાજ્યનો કુલ ક્રાઈમ રેટ નિયંત્રણમાં રહેવું ગુજરાત પોલીસની સક્રિય અને કડક કામગીરીનો પુરાવો છે. સુરક્ષા અને શાંતિપૂર્ણ વાતાવરણના કારણે ગુજરાત દેશના ટોચના સુરક્ષિત રાજ્યોમાં સ્થાન મેળવવામાં સફળ રહ્યું છે.