રાજ્યભરમાં વધતા માર્ગ અકસ્માતોને ધ્યાનમાં રાખીને આજથી 15 દિવસ સુધી ટ્રાફિક પોલીસ દ્વારા વિશેષ ઝૂંબેશ હાથ ધરવામાં આવી છે. રાજ્યના પોલીસ કમિશનર તેમજ જિલ્લા પોલીસ વડાઓને કડક સૂચનાઓ આપવામાં આવી છે કે કામગીરીનો દૈનિક રિપોર્ટ વડી કચેરીને મોકલવામાં આવે. આ અભિયાન દરમિયાન ડ્રન્ક એન્ડ ડ્રાઈવ, રોંગ સાઈડ ડ્રાઈવિંગ અને કાળા કાચ જેવા ગુનાઓ સામે કડક કાર્યવાહી કરવામાં આવશે. સાથે જ ગેરકાયદે પાર્કિંગ, ગેરકાયદે LED લાઈટ લગાવનાર અને નંબર પ્લેટ વગરના વાહનો સામે પણ દંડાત્મક પગલાં લેવામાં આવશે. ટ્રાફિક નિયમોનું કડક પાલન થાય અને અકસ્માતોમાં ઘટાડો થાય તે માટે આ ઝૂંબેશ અમલમાં મુકાઈ છે.
live now
25 ફેબ્રુઆરીના મહત્વના સમાચાર : સુરતના વેસુમાં પરિવારનો સામુહિક આત્મહત્યાનો પ્રયાસ, પતિ-પત્ની અને એક દીકરીનું મોત, એક દીકરીનો બચાવ
આજે 25 ફેબ્રુઆરીને બુધવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
સુરતઃ વેસુમાં પરિવારનો સામુહિક આત્મહત્યાનો પ્રયાસ
સુરતઃ વેસુમાં પરિવારનો સામુહિક આત્મહત્યાનો પ્રયાસ થયો છે. વેસુ વિસ્તારની આવેલા હેપી એલિગનસ બિલ્ડીંગમાં રહેતા બાલમુકુન્દ પરિવાર ઝેરી દવા પી આપઘાતનો પ્રયાસ કર્યો છે. ઘટનામાં પતિ, પત્ની અને એક દીકરીનું મોત થયુ છે. એક દીકરીનો ઘટનામાં બચાવ થયો છે. આર્થિક સંકડામણને કારણે આત્મહત્યા કર્યાનું ખુલ્યું છે. પોલીસને એક સુસાઇડ મળી આવી છે. વેસુ પોલીસે વધુ તપાસ હાથ ધરી છે.
-
સુરત ટ્રાફિક પોલીસ દ્વારા બોર્ડની પરીક્ષાને લઇ “હેલ્પલાઇન” સેવાનો પ્રારંભ
સુરતમાં આવતીકાલથી બોર્ડની પરીક્ષાનો પ્રારંભ થશે. ટ્રાફિક પોલીસ દ્વારા વિદ્યાર્થીઓ માટે હેલ્પલાઇન સેવા શરૂ કરવામાં આવી છે, જેનો નંબર “74340 95555” છે. ટ્રાફિક દરમિયાન વિદ્યાર્થીઓ હેલ્પલાઇન સેવા ઉપયોગ કરી શકશે. મહત્વના ટ્રાફિક વિસ્તારોમાં 80થી વધુ પોલીસ જવાનો તૈનાત રહેશે અને 40 જેટલા વાહનોની વ્યવસ્થા પણ કરવામાં આવી છે. જરૂર જણાશે તો હેલ્પલાઇન દ્વારા વિદ્યાર્થીઓને પરીક્ષા કેન્દ્ર સુધી પહોંચાડવાની વ્યવસ્થા કરવામાં આવશે.
-
-
મહીસાગરઃ નળ સે જળ કૌભાંડમાં ક્રાઇમ બ્રાન્ચને મળી વધુ એક સફળતા
મહીસાગરમાં નળ સે જળ કૌભાંડમાં સીઆઇડી ક્રાઇમ બ્રાન્ચને વધુ એક સફળતા મળી છે. સીઆઇડી ક્રાઇમ બ્રાન્ચે મહીસાગર વાસ્મો કચેરી ખાતે એકાઉન્ટ વિભાગના વૈભવ સેંઘાણીને ધરપકડ કરી છે. અત્યાર સુધીમાં મુખ્ય 12 તત્કાલીન કર્મચારીઓમાંથી 4ની ધરપકડ થઈ ચૂકી છે, જ્યારે કૌભાંડમાં કુલ 24 લોકોની ધરપકડ થઇ ચુકી છે. તપાસમાં બહાર આવ્યું કે 714 ગામમાં 620 ગામોમાં ગેરરીતિ થઈ હતી અને પાણીની પાઇપલાઇન આપવાની યોજનામાં પણ ગેરરીતિ આચરી હોવાના સંકેતો મળી છે.
-
Stock Market News: આજે નિફ્ટીની સંભવિત દિશા – ઉપર તરફ
આજે નિફ્ટીની સંભવિત દિશા – ઉપર તરફ
-
કચ્છ: છેલ્લા એક અઠવાડિયામાં SMCની બે મોટી કાર્યવાહી
કચ્છ જિલ્લામાં છેલ્લા એક અઠવાડિયામાં SMC દ્વારા બે મોટી કાર્યવાહી હાથ ધરવામાં આવી છે. પધ્ધર અને ભચાઉ વિસ્તારોમાં SMCએ દરોડા પાડી કરોડો રૂપિયાનો દારૂ જપ્ત કર્યો હોવાનું સામે આવ્યું છે. પ્રાથમિક તપાસમાં બુટલેગરો સાથે કેટલાક પોલીસકર્મીઓની સાંઠગાંઠ હોવાની ચોંકાવનારી વિગતો બહાર આવી છે. સૂત્રોના જણાવ્યા મુજબ, ઉચ્ચ અધિકારીઓની મંજૂરીથી દારૂની હેરાફેરી થતી હોવાના સંકેતો પણ મળ્યા છે. મામલો ગંભીર બનતા આગામી સમયમાં સંકળાયેલા ઉચ્ચ અધિકારીઓ સામે પગલાં લેવાઈ શકે છે અને બદલી સુધીની કાર્યવાહી થવાની શક્યતા વ્યક્ત કરવામાં આવી રહી છે.
-
-
રાજ્યભરમાં આજથી 15 દિવસ સુધી ટ્રાફિક પોલીસની વિશેષ ઝૂંબેશ
-
અમદાવાદ: વાડજ વિસ્તારમાં અસામાજિક તત્વોનો આતંક
અમદાવાદના વાડજ વિસ્તારમાં અસામાજિક તત્વોનો આતંક વધ્યો હોવાના આક્ષેપો સામે આવ્યા છે. દારૂ લેવાની બાબતે એક વ્યક્તિને માર મારવામાં આવ્યો હોવાનો આરોપ છે. સાથે જ પાણીના ધંધાના આડમાં દારૂનો ગેરકાયદે વ્યવસાય ચાલતો હોવાનો પણ આક્ષેપ કરવામાં આવ્યો છે. ભોગ બનનાર વ્યક્તિએ વીડિયો બનાવી પોલીસ કમિશનરને કાર્યવાહી કરવા ભલામણ કરી છે. વાયરલ થયેલા વીડિયોમાં સ્થાનિક પોલીસની કામગીરી પર પણ ગંભીર પ્રશ્નો ઉઠાવવામાં આવ્યા છે, જેના કારણે વાડજ પોલીસની કામગીરી શંકાના દાયરામાં આવી છે.
-
હિંમતનગરમાં ફરી દારૂની હેરાફેરીનો થયો છે પર્દાફાશ
સાબરકાંઠાના હિંમતનગરમાં ફરી દારૂની હેરાફેરીનો થયો છે પર્દાફાશ. ગાંભોઈ પોલીસે બામણા ગામ નજીકથી પોર્ટર લખેલા એક બિનવારસી ટેમ્પામાં બનાવેલા ગુપ્ત ખાનામાંથી વિદેશી દારૂ અને બિયરનો જથ્થો ઝડપી પાડ્યો છે. પોલીસે કુલ 1 હજાર 476 દારૂની બોટલો સહિત 10.20 લાખનો મુદ્દામાલ કબજે કર્યો છે. પોલીસ ટીમ વોચમાં હતી તે દરમિયાન ભિલોડા તરફથી એક શંકાસ્પદ ટેમ્પો આવતા પોલીસે તેને અટકાવ્યો. જો કે ચાલકે ટેમ્પો ઉભો રાખવાને બદલે બામણા ગામ તરફ ઝડપથી હંકારી મૂક્યો. જે બાદ પોલીસે પીછો કરતા ચાલક બામણા ત્રણ રસ્તા પાસે ટેમ્પો મૂકીને નાસી છૂટ્યો.
-
દિલ્લી: લોરેન્સ બિશ્નોઈના વકીલની કાર પર ફાયરિંગ
દિલ્લીમાં જેલમાં બંધ ગેંગસ્ટર લોરેન્સ બિશ્નોઈની લીગલ ટીમને નિશાન બનાવી હુમલો કરવામાં આવ્યો હોવાની ઘટના સામે આવી છે. કાશ્મીરી ગેટ વિસ્તારમાં અજાણ્યા હુમલાખોરોએ તેના વકીલની કાર પર ચાર રાઉન્ડ ફાયરિંગ કર્યું હતું. ગોળીબારમાં કારના કાચ તૂટી ગયા હતા, જોકે સદનસીબે કોઈ જાનહાનિ થઈ નથી. ઘટનાની જાણ થતાં જ પોલીસ સ્થળ પર પહોંચી અને આસપાસના CCTV ફૂટેજ સહિત વિવિધ દિશામાં તપાસ શરૂ કરી છે. પોલીસે હુમલાખોરોની ઓળખ કરવા અને હુમલાના કારણો જાણવા માટે વિશેષ ટીમો ગઠિત કરી છે.
-
અફઘાનિસ્તાનના હુમલાથી હચમચ્યું પાકિસ્તાન
અફઘાનિસ્તાનને પાકિસ્તાન પર વળતો પ્રહાર કર્યો છે. અફઘાનિસ્તાનના હુમલાથી પાકિસ્તાન હચમચ્યું છે. પાકિસ્તાની સેનાની અનેક ચોકીઓ તબાહ થઇ. પાકિસ્તાની મિલિટ્રી ચોકી પર અફઘાનિસ્તાને કબજો કર્યો. અફઘાનિસ્તાનના હુમલાથી ચોકી છોડીને પાકિસ્તાની સેના ભાગી. બોર્ડરને અડીને આવેલા 10 વિસ્તારો પર જોરદાર હુમલો કર્યો.
-
વડાપ્રધાન નરેન્દ્ર મોદી આજથી ઇઝરાયલના ઐતિહાસિક પ્રવાસે
વર્ષ 2017 પછી પીએમ મોદીની આ બીજી ઇઝરાયલ મુલાકાત છે. ઇઝરાયલના વડાપ્રધાન બેન્જામિન નેતન્યાહુના આમંત્રણ પર યોજાઈ રહેલી આ મુલાકાત બંને દેશો વચ્ચેના ગાઢ સંબંધોને વધુ મજબૂત બનાવવાની દિશામાં મહત્વનું પગલું મનાઇ રહ્યું છે. બંને નેતાઓ ભારત-ઇઝરાયલ વ્યૂહાત્મક ભાગીદારીમાં થયેલી પ્રગતિની સમીક્ષા કરશે. સાથે જ વિજ્ઞાન-ટેક્નોલોજી, ઇનોવેશન, સુરક્ષા, કૃષિ સહિતના વિવિધ ક્ષેત્રોમાં વધુ તકો પર ચર્ચા કરશે.
આજે 25 ફેબ્રુઆરીને બુધવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - 7:41 am, Wed, 25 February 26
