23 મેના મહત્વના સમાચાર : વિશ્વના 100 સૌથી ગરમ શહેરોમાં 97 ભારતના

હરિયાણાના સેક્ટર 72 ખાતે આવેલા 220KW પાવર સબસ્ટેશનના ટ્રાન્સફોર્મરમાં આગ લાગતા અનેક વિસ્તારોમાં વીજ પુરવઠો ખોરવાઈ ગયો હતો. આગની અસરથી રેપિડ મેટ્રો સેવા પણ અચાનક બંધ થઈ જતા મુસાફરોને ભારે હાલાકીનો સામનો કરવો પડ્યો હતો. કેટલાક મુસાફરો ટ્રેક પરથી ચાલીને સુરક્ષિત સ્થળે પહોંચ્યા હતા. સેક્ટર 38થી 57 સુધીના વિસ્તારોમાં અંધારપટ છવાઈ ગયો હતો, જ્યારે ફાયર બ્રિગેડની ટીમે ઘટનાસ્થળે પહોંચી આગ પર કાબૂ મેળવવાનો પ્રયાસ હાથ ધર્યો હતો. ઘટનાને પગલે સ્થાનિકોમાં ભય અને ગભરાટનો માહોલ જોવા મળ્યો હતો.

પ્રધાનમંત્રી નરેન્દ્ર મોદીની ઇંધણ બચાવવાની અપીલને પગલે, મહારાષ્ટ્રના મુખ્યમંત્રી દેવેન્દ્ર ફડણવીસ વંદે ભારત ટ્રેન દ્વારા શિરડી જશે.

પેટ્રોલ-ડીઝલ બાદ હવે CNGના ભાવમાં પણ વધારો કરવામાં આવ્યો છે. દિલ્હીમાં પ્રતિ કિલો CNGના ભાવમાં એક રૂપિયાનો વધારો થતાં નવો ભાવ 81 રૂપિયાને પાર પહોંચી ગયો છે. વધતા ઇંધણના ભાવનો સીધો અસર સામાન્ય જનતા પર પડશે. ખાસ કરીને ટેક્સી અને ઓટો-રીક્ષા ચાલકો માટે ખર્ચ વધતા ભાડામાં વધારો થવાની શક્યતા વ્યક્ત કરવામાં આવી રહી છે. જેના કારણે રોજિંદા મુસાફરી કરતા લોકોના ખિસ્સા પર વધુ ભાર પડશે.

કેન્દ્ર સરકારે રાતા રાત પેટ્રોલ-ડીઝલના ભાવમાં ફરી વધારો કર્યો છે. પેટ્રોલમાં પ્રતિ લીટરે ૮૭ પૈસા અને ડીઝલમાં પ્રતિ લીટરે ૯૧ પૈસા વધારો ઝીંકવામાં આવ્યો છે. એટલે કે હવે પેટ્રોલ-ડીઝલ પહેલા કરતા એક રૂપિયા સુધી મોંઘુ થયું છે.. એક તરફ ક્રૂડ ઓઇલના ભાવમાં ભડકો સર્જાયો છે, તો બીજી તરફ કંપનીઓ પર પડી રહેલા આર્થિક બોઝનું ભારણ ઘટાડવા સરકારે આ નિર્ણય લીધો છે. આપને જણાવી દઇએ કે માત્ર 10 દિવસના ટૂંકાગાળામાં કેન્દ્રએ આ ત્રીજીવાર સામાન્ય જનતાને મોંઘવારીનો ડોઝ આપ્યો છે.. જેના કારણે આમ જનતાના ખિસ્સા પર અસર થવાની છે.. ત્યારે સતત વધતા ભાવે સામાન્ય જનતાની ચિંતા વધારી દીધી છે.

અમેરિકાના વિદેશ મંત્રી માર્કો રુબિયો આજથી 4 દિવસની મુલાકાતે ભારત આવશે. જેનો ઉદ્દેશ્ય ગયા વર્ષના મધ્યભાગથી તણાવપૂર્ણ બનેલા દ્વિપક્ષીય સંબંધોને સુધારવાનો છે. તેમની મુલાકાત દરમિયાન, રુબિયો વિદેશ મંત્રી એસ. જયશંકર સાથે વ્યાપક વાટાઘાટો કરશે અને વડા પ્રધાન નરેન્દ્ર મોદી સાથે મુલાકાત કરશે. રુબિયો દિલ્હીમાં ક્વાડ વિદેશ મંત્રીઓની બેઠકમાં પણ હાજરી આપશે.