23 માર્ચના મહત્વના સમાચાર :વિપક્ષ નેતા રાહુલ ગાંધી આજે ગુજરાતની મુલાકાતે, સ્થાનિક સ્વરાજ્યની ચૂંટણી પહેલા રાહુલ ગાંધીનો ગુજરાત પ્રવાસ

આકરા ઉનાળાની શરૂઆત સાથે જ જળસંગ્રહમાં ઘટાડો

ગુજરાતમાં હજુ ઉનાળાની શરૂઆત થઈ છે ત્યાં ગુજરાતમાં જળ સંગ્રહમાં ઘટાડો નોંધાયો છે. ચોમાસામાં સામાન્યથી અતિ વધારે વરસાદના લીધે 21 નવેમ્બરની સ્થિતિએ સૌરાષ્ટ્રમાં 90 ટકા સહિત એકંદરે 99.99 ટકાનો જળસંગ્રહ હતો..શિયાળાના ચાર માસના અંતે અને ઉનાળાની શરુઆત સુધીના ચાર માસમાં જ 27 ટકાનો અને સૌરાષ્ટ્રના 141 ડેમોમાં 35 ટકાનો ઘટાડો નોંધાયો છે. હાલ રાજ્યમાં એકંદરે 68.96 ટકા અને સૌરાષ્ટ્રમાં માત્ર 54.95 ટકા પાણીનો સ્ટોરેજ છે.46 ડેમોમાં હાલ 25 ટકાથી ઓછું પાણી, સૌરાષ્ટ્રના 7 ડેમો સુકા મેદાન બન્યા છે તો સરદાર સરોવરમાં 73 ટકા જળસંગ્રહ છે.

અસમના એરફોર્સ સ્ટેશનમાં પાકિસ્તાન માટે જાસૂસી કરતા કર્મચારીની ધરપકડ

અસમના ચાબુઆ એરફોર્સ સ્ટેશનમાં પાકિસ્તાન માટે જાસૂસી કરવાના આરોપમાં એક કર્મચારીની ધરપકડ કરવામાં આવી છે. રાજસ્થાન ઈન્ટેલિજન્સ વિભાગની આ મોટી કાર્યવાહી માનવામાં આવી રહી છે. મળતી માહિતી મુજબ આરોપી સુમિતકુમાર એરફોર્સ સ્ટેશન પર ફરજ બજાવતા હતા અને તેઓ પાકિસ્તાની હેન્ડલર્સને સંવેદનશીલ માહિતી મોકલતા હતા. તેમણે વાયુસેનાથી જોડાયેલી મહત્વપૂર્ણ જાણકારી ઉપરાંત સૈનિકોની અવરજવર અંગેની માહિતી પણ પાકિસ્તાન સુધી પહોંચાડ્યાનો આરોપ છે. તપાસમાં ખુલ્યું છે કે 2023થી સુમિતકુમાર પાકિસ્તાની ગુપ્તચર એજન્સીઓના સંપર્કમાં હતા અને પૈસાની લાલચમાં આવીને તેઓ દેશની સુરક્ષાને ખતરો પહોંચાડે તેવી માહિતી આપતા હતા. આ કાર્યવાહી જેસલમેરમાં પકડાયેલા એક જાસૂસ પાસેથી મળેલી માહિતીના આધારે કરવામાં આવી હતી. હાલ સુરક્ષા એજન્સીઓ દ્વારા આરોપીની કડક પૂછપરછ ચાલી રહી છે અને આ મામલે વધુ ખુલાસા થવાની શક્યતા વ્યક્ત કરવામાં આવી રહી છે.

હોર્મુઝ સંકટને કારણે પાકિસ્તાનની હાલત ખરાબ

Strait of Hormuzમાં ઊભેલા સંકટના કારણે Pakistanની આર્થિક સ્થિતિ પર ગંભીર અસર પડી રહી છે. દેશમાં પેટ્રોલની કિંમતોમાં 200 ટકા સુધીનો વધારો નોંધાયો હોવાનું કહેવાય છે, જેના કારણે સામાન્ય જનજીવન પર ભારે બોજો પડ્યો છે. આ વચ્ચે શહબાઝ શરીફની સરકારે વૈભવી કારોમાં વપરાતા પેટ્રોલ પર ડ્યુટી વધારવાનો નિર્ણય લીધો છે, જેથી આવક વધારવાની સાથે આયાત પરનો દબાણ ઓછો કરી શકાય. આ પરિસ્થિતિએ દેશની આર્થિક મુશ્કેલીઓને વધુ ગંભીર બનાવી દીધી છે.

અમિત શાહ આજે રાજ્યસભામાં CAPF બિલ 2026 રજૂ કરશે

કેન્દ્રીય ગૃહમંત્રી અમિત શાહ સોમવારે રાજ્યસભામાં સેન્ટ્રલ આર્મ્ડ પોલીસ ફોર્સિસ (CAPF) બિલ, 2026 રજૂ કરશે.

આસામમાં એમ્બ્યુલન્સ અને ટ્રક વચ્ચે અકસ્માતમાં છ લોકોના મોત, બે ઘાયલ

રવિવારે રાત્રે આસામના સોનિતપુર જિલ્લામાં એક એમ્બ્યુલન્સ ટ્રક સાથે અથડાતાં છ લોકોના મોત અને બે ઘાયલ થયા. સોનિતપુરના વરિષ્ઠ પોલીસ અધિક્ષક (SSP) બરુણ પુરકાયસ્થે જણાવ્યું હતું કે એમ્બ્યુલન્સ એક દર્દી અને તેના પરિવારના સભ્યોને તેજપુર મેડિકલ કોલેજ અને હોસ્પિટલ લઈ જઈ રહી હતી ત્યારે ઢેકિયાજુલી પોલીસ સ્ટેશન વિસ્તાર હેઠળના રાષ્ટ્રીય ધોરીમાર્ગ 15 પર અકસ્માત થયો હતો.

એર ઇન્ડિયા અને એર ઇન્ડિયા એક્સપ્રેસ પશ્ચિમ એશિયાથી 30 ફ્લાઇટ્સનું સંચાલન કરશે

એર ઇન્ડિયા અને એર ઇન્ડિયા એક્સપ્રેસ આજે પશ્ચિમ એશિયા ક્ષેત્રમાં અને ત્યાંથી સંયુક્ત રીતે 30 શેડ્યુલ્ડ અને નોન-શેડ્યુલ્ડ ફ્લાઇટ્સનું સંચાલન કરશે.

અમરેલીઃ LPG સિલિન્ડર મુદ્દે જગદીશ વિશ્વકર્માના કોંગ્રેસ પર પ્રહાર

વિપક્ષ નેતા રાહુલ ગાંધી આજે ગુજરાતની મુલાકાતે

વિપક્ષ નેતા રાહુલ ગાંધી આજે ગુજરાતની મુલાકાતે આવી રહ્યા છે, જ્યાં સ્થાનિક સ્વરાજ્યની ચૂંટણી પહેલા તેમનો આ પ્રવાસ મહત્વનો માનવામાં આવે છે. તેઓ વડોદરામાં યોજાનાર આદિવાસી અધિકાર સંવાદ કાર્યક્રમમાં હાજરી આપશે અને કોંગ્રેસના નેતાઓ તેમજ આદિવાસી આગેવાનો સાથે ચર્ચા કરશે. આ મુલાકાત દ્વારા આદિવાસી મુદ્દાઓને ઉજાગર કરવા તેમજ ચૂંટણી પહેલા પક્ષની વ્યૂહરચના મજબૂત બનાવવાનો પ્રયાસ કરવામાં આવશે.