23 જાન્યુઆરીના મહત્વના સમાચાર : ભાજપ હવે ગુજરાતના 18,000 ગામડાઓમાં જી રામ જી યોજનાના ગુણગાન ગાશે, સંગઠન દ્વારા ખાટલા બેઠકો યોજાશે

ઉત્તર પ્રદેશના પ્રયાગરાજમાં આજે વસંત પંચમીના પાવન અવસરે માઘ માસના ચોથા મહાસ્નાન માટે શ્રદ્ધાળુઓનો ભારે ધસારો જોવા મળી રહ્યો છે. ત્રિવેણી સંગમમાં આસ્થાની ડૂબકી લગાવવા દેશભરના કરોડો શ્રદ્ધાળુઓ ઉમટી પડ્યા છે. ભારે ધુમ્મસ અને કડકડતી ઠંડી વચ્ચે પણ ભક્તોમાં ઉત્સાહ યથાવત જોવા મળી રહ્યો છે. પ્રશાસન દ્વારા સાડા ત્રણ કિલોમીટર લાંબા સ્નાન ઘાટને ખાસ રીતે તૈયાર કરવામાં આવ્યો છે. અંદાજ મુજબ એક કરોડથી વધુ શ્રદ્ધાળુઓ પ્રયાગરાજ પહોંચે તેવી શક્યતા છે. સુરક્ષાની દ્રષ્ટિએ સમગ્ર વિસ્તારમાં CCTV અને ડ્રોન કેમેરા દ્વારા સતત નજર રાખવામાં આવી રહી છે.