23 ડિસેમ્બરના મહત્વના સમાચાર : ડિસેમ્બરના ત્રીજા સપ્તાહમાં પણ ગુજરાતમાંથી ઠંડી ગાયબ, હિમાલયથી આવતા પવનની ગતિ પડી નબળી

ગાંધીનગર નજીક અમદાવાદ–મહેસાણા હાઈવે પર ફરી એક વખત અકસ્માત સર્જાયો છે. જગુદણ પાસે આગળ જઈ રહેલા ડમ્પરે અચાનક બ્રેક મારતાં ખાનગી બસના ચાલકે સ્ટેરિંગ પરથી કાબૂ ગુમાવ્યો હતો. પરિણામે બસ ડિવાઈડર સાથે ટકરાઈ પલટી ગઈ, જેમાં ત્રણ મુસાફરો ઈજાગ્રસ્ત થયા. અકસ્માત બાદ હાઈવે પર ભારે ટ્રાફિકજામ સર્જાયો હતો. સ્થાનિકો અને રાહદારીઓની મદદથી ઈજાગ્રસ્તોને તાત્કાલિક સારવાર માટે હોસ્પિટલ ખસેડવામાં આવ્યા. હાઈવેની ખરાબ ગુણવત્તા અને બેદરકારીભર્યા વાહનચાલનને કારણે આવા અકસ્માતોની ઘટનાઓમાં વધારો થતો હોવાની ચર્ચા પણ ઉઠી છે.