21 જાન્યુઆરીના મહત્વના સમાચાર : દેશના 3 રાજ્યોમાં IMDનું એલર્ટ, હિમવર્ષા સાથે કમોસમી વરસાદની પણ આગાહી

રાજકોટના ધોરાજીમાં જમાઈએ સસરા પર હુમલો કર્યો. ત્રણ દરવાજા વિસ્તારમાં જૂની અદાવતમાં જમાઈએ સસરા પર કર્યો હુમલો. હુમલામાં સસરાને ગંભીર ઈજા થઈ. ઇજાગ્રસ્ત સસરાને ધોરાજી હોસ્પિટલમાં  સારવાર અપાઈ.

જૂનાગઢઃ ભાજપના કોર્પોરેટર સામે ગુજસીટોકનો ગુનો નોંધાયો. વોર્ડ નંબર 3ના ભાજપના કોર્પોરેટર અબ્બાસ કુરેશીની સામે ગુનો નોંધાયો. ભાજપના કોર્પોરેટર સહીત ચાર સામે ગુજસીટોક હેઠળ કાર્યવાહી કરવામાં આવી. દસ વર્ષથી ટોળકી સામે અનેક ગંભીર ગુના નોંધાયેલા છે. હત્યા, હત્યાના પ્રયાસ, ખંડણી સહિતના ગંભીર ગુના નોંધાયેલા છે.  ટોળકી દ્વારા 28થી વધુ ગુના આચરવામાં આવ્યા.

ગાંધીનગરઃ મુખ્યમંત્રી ભૂપેન્દ્ર પટેલની અધ્યક્ષતામાં કેબિનેટ બેઠક મળી. બજેટ સત્રની તૈયારીઓ પર કેબિનેટ બેઠકમાં સમીક્ષા થશે. રાજ્યના આગામી બજેટને આખરી ઓપ આપવા પર ચર્ચા થઇ. સત્ર દરમિયાન રજૂ થનારા બીલો પર પણ ચર્ચા થશે. રવિ સીઝનમાં કૃષિ પાકોની વાવણી, સિંચાઈના પાણી મુદ્દે ચર્ચા થઇ. આગામી ગણતંત્ર દિવસના રાજ્યકક્ષાના કાર્યક્રમો બાબતે ચર્ચા. રાજ્ય સરકારના આગામી કાર્યક્રમો અને નીતિગત વિષયો પર ચર્ચા થઇ.

દિલ્હીની હવાની ગુણવત્તા હજુ પણ નબળી છે, AQI 400ની આસપાસ છે.

અમદાવાદ: ચાંદખેડા વિસ્તારમાં PCBની કાર્યવાહી. ત્રાગડ અંડરપાસ પાસેથી કારમાંથી દારુ ઝડપાયો. કારના ડ્રાઈવરની ધરપકડ કરાઈ. અન્ય કાર દ્વારા દારુ લઈ જવાતી કારનું પેટ્રોલિંગ થતું હતું. જપ્ત કરાયેલી કારમાંથી 2 અલગ-અલગ નંબર પ્લેટ મળી. 6 લાખથી વધુની કિંમતનો દારુનો જથ્થો જપ્ત થયો. દારુ અને કાર સહિત 16 લાખથી વધુનો મુદ્દામાલ જપ્ત.

તેમના બીજા કાર્યકાળના એક વર્ષ પૂર્ણ થવા પર, ટ્રમ્પે કહ્યું કે ગયા વર્ષની સરખામણીમાં અમેરિકામાં રોકાણ 41% વધ્યું છે.

ટ્રમ્પે કહ્યું કે વેનેઝુએલામાં તેલ કંપનીઓ ભારે નફો કમાવવાની તૈયારી કરી રહી છે અને સાઉદી અરેબિયા માટે બજાર ખોલવાનું વિચારી રહી છે.

આસામઃ કોકરાઝારમાં હિંસાને પગલે ઇન્ટરનેટ સેવાઓ બંધ છે. હિંસા બાદ કોકરાઝાર જિલ્લામાં સેનાના જવાનોની તૈનાતી કરવામાં આવી છે. યુવકની હત્યા બાદ સમગ્ર વિસ્તારમાં હિંસા ફાટી નીકળી હતી. આદીવાસી ભવન સહિત અનેક ઇમારતોમાં આગચંપીની ઘટના બની.

જમ્મુ અને કાશ્મીરના કઠુઆ હોસ્પિટલ પાસે એક શંકાસ્પદ ઉડતી વસ્તુ જોવા મળી હતી.