અરવલ્લી: પોલીસે દેશી દારૂના અડ્ડા પર દરોડા પાડ્યા છે. પોલીસના દરોડામાં દેશી દારૂની ભઠ્ઠી મળી આવી છે. રાત્રી દરમિયાન જીવણપુરના છારાનગરમાં કાર્યવાહી કરી છે. ASP,LCB,7 PI,અને 25 કોન્સ્ટેબલે દરોડા પાડ્યા. 1600 લીટર વોશ અને 10 લીટર દારૂ મળી આવ્યો. પોલીસે આરોપીઓની તપાસ હાથ ધરી છે.
સુરત: અઠવા ગેટ વિસ્તારમાં ભૂવો પડ્યો છે. ચોમાસા બાદ પણ ભૂવા પડવાનો સિલસિલો યથાવત છે. રસ્તાની વચ્ચે જ ભૂવો પડતા વાહનચાલકોને હાલાકી પડી રહી છે. પાલિકાએ માત્ર બેરિકેડ મુકીને સંતોષ માન્યો છે. વહેલી તકે ભૂવાનું સમારકામ કરાય તેવી સ્થાનિકોની માગ છે.
જૂનાગઢ: ભાજપના સદસ્યતા અભિયાનને લઈ વધુ એક વિવાદ થયો છે. મોતિયાના દર્દીઓ પાસેથી OTP માંગી ભાજપના સભ્ય બનાવ્યાનો આક્ષેપ છે. રાજકોટની રણછોડદાસજી બાપુ ચેરિટેબલ હોસ્પિટલમાં મોતિયો ઉતરાવવા હોસ્પિટલમાં દાખલ થયેલા દર્દીને ભાજપના સભ્ય બનાવી દેવાયા ! રાત્રિના સમયે અજાણ્યા યુવકે ઊંઘમાંથી ઉઠાડી મોબાઈલ નંબર લઈ OTP માંગ્યો હતો. હોસ્પિટલના સ્ટાફમાંથી હશે તેમ સમજી OTP આપ્યો તો ભાજપના સભ્ય બની ગયા ! તે સમયે વોર્ડમાં દાખલ હતા 300થી વધારે દર્દીઓ હતા.
સુરેન્દ્રનગર : પાટડીમાં આગની ઘટનામાં 9 લોકો દાઝવાની ઘટના સામે આવી છે. રસોઇ બનાવતી વખતે રાંધણ ગેસની પાઇપ નીકળી જતા આગ લાગી હતી. મહિલા, બાળકો સહિત 9 લોકો ગંભીર રીતે દાઝ્યા છે. દાઝી ગયેલા લોકોને સુરેન્દ્રનગરની હોસ્પિટલમાં ખસેડાયા છે.
ગુજરાતમાં વાવાઝોડાની અસર વરતાશે. હવામાન નિષ્ણાત અંબાલાલ પટેલની આગાહી મુજબ 22થી 25 ઓક્ટોબરે બંગાળના ઉપસાગરમાં વાવઝોડું સર્જાઈ શકે છે. આ વાવાઝોડામાં પવનની ગતિ 100થી 120 કિમી સુધી રહે તેવુ અનુમાન છે. જો આ ચક્રવાત સર્જાશે તો થાઈલેન્ડ થઈને આ સિસ્ટમ બંગાળના ઉપસાગરમાં આવશે.જેની સુધી અસર ગુજરાતમાં વર્તાશે. વાવાઝોડાના કારણે 24 ઓક્ટોબર સુધીમાં ગુજરાતના જુદા-જુદા ભાગમાં વરસાદ પડી શકે છે. દક્ષિણ ગુજરાત અને સૌરાષ્ટ્રમાં વરસાદની વકી છે.
ભાવનગર પંથકમાં ધોધમાર વરસાદ વરસ્યો છે. મોડી રાત્રે ભારે પવન અને ગાજવીજ સાથે વરસાદ વરસ્યો. આનંદનગર, ભરતનગર, વાઘાવાડી રોડ સહિતના વિસ્તારોમાં વરસાદ વરસ્યો.
ભરૂચ : નર્મદા બ્રિજ પર દોડતા ભારે વાહનો મુદ્દે TV9ના અહેવાલનો પડઘો પડ્યો છે. TV9ના અહેવાલ બાદ તંત્ર જાગ્યું છે. બ્રિજના છેડે કડક પોલીસ બંદોબસ્ત ગોઠવાયો છે. નર્મદા મૈયા બ્રિજ પર ભારે વાહનો માટે પ્રતિબંધ છે. પ્રતિબંધ છતાં અનેક ભારે વાહનો પસાર થતા હતા. બ્રિજ પરથી JCB મશીન પસાર કરવાના પ્રયાસોને પોલીસે અટકાવ્યા છે.
દિલ્હીના આનંદ વિહાર વિસ્તારને ધુમ્મસના સ્તરે ઘેરી લીધો છે કારણ કે AQI ઘટીને 334 થઈ ગયો છે, જેને ‘ખૂબ જ નબળી’ શ્રેણીમાં રાખવામાં આવ્યો છે.
#WATCH | A layer of fog engulfs the Anand Vihar area of Delhi as the AQI drops to 334, categorised as ‘Very Poor’. pic.twitter.com/z6NVZeGrlM
— ANI (@ANI) October 19, 2024
CM ભૂપેન્દ્ર પટેલ આજે વડોદરાની મુલાકાત લેશે. વડાપ્રધાન મોદીના કાર્યક્રમની તૈયારીની સમીક્ષા કરશે. સાંસદના કાર્યાલયનું ઉદ્ઘાટન કરશે. ઓનલાઈન દવા ખરીદતા પહેલા ચેતજો. વિટામિનની દવા મંગાવી તો, કંપનીએ પધરાવ્યો સ્ટાર્ચ. અમદાવાદ ક્રાઈમ બ્રાન્ચે કંપની સામે ગુનો નોંધ્યો. ડાંગના સુબિરમાં દુકાનદારે ગ્રાહકને એક્સપાયરી ડેટ વિતેલો આઈસ્ક્રીમ પધરાવ્યો. ફૂડ એન્ડ ડ્રગ્સ વિભાગે આઈસ્ક્રીમના નમૂના લીધા. દક્ષિણ ગુજરાતમાં ફરી વાતાવરણ બદલાયું. દિવાળી પહેલા 22 ઓક્ટોબરથી રાજ્યમાં ફરી વરસાદની શક્યતા છે. બંગાળની ખાડીમાં ચક્રવાતની અસર થઇ શકે છે. અંબાલાલ પટેલે આગાહી કરી છે. પિતા આસારામને મળવા માટે નારાયણ સાઇને મળ્યા જામીન. જોધપુર જેલમાં 4 કલાકની મુલાકાત માટે મંજૂરી મળી. 11 વર્ષ બાદ પિતા-પુત્ર મળશે. બાબા સિદ્દીકી હત્યા મામલે વધુ 5 આરોપીની ધરપકડ થઇ. મુખ્ય આરોપી નિતીન સપ્રે અને રામ કનૌજિયાએ આપ્યા હતા શૂટર્સને હથિયાર.