19 જાન્યુઆરીના મહત્વના સમાચાર : ગુજરાત ઇતિહાસમાં પ્રથમ વખત સુરત SOG એ 5.85 કરોડની કિંમતનું પ્રતિબંધિત કોબ્રા સાપનું ઝેર પકડી પાડ્યું

અફઘાનિસ્તાનની રાજધાની કાબુલના ઉચ્ચ સુરક્ષાવાળા શહેર-એ-નવ વિસ્તારમાં એક હોટલમાં એક શક્તિશાળી વિસ્ફોટ થયો છે. આ વિસ્ફોટમાં અનેક લોકોના મોત થયાના અને ઘાયલ થયાના અહેવાલ સામે આવી રહ્યાં છે. સુરક્ષા દળોએ આ વિસ્તારને ઘેરી લીધો છે અને તપાસ ચાલી રહી છે.

અફઘાનિસ્તાનની રાજધાની કાબુલ ફરી એકવાર વિસ્ફોટથી હચમચી ઉઠી હતી. સોમવારે, અત્યંત સુરક્ષિત ગણાતા શહેર-એ-નવ વિસ્તારની એક હોટલમાં એક શક્તિશાળી વિસ્ફોટ થયો હતો. આ વિસ્ફોટમાં ઘણા લોકોના મોત થયાના અને ઘાયલ થયાના અહેવાલ સામે આવ્યા છે. જોકે, હજુ સુધી મૃતકો અને ઘાયલોની ચોક્કસ સંખ્યાની સત્તાવાર પુષ્ટિ થઈ નથી.

અમરેલી શહેરમાં શ્વાને હાહાકાર મચાવ્યો છે.  30 લોકોને બચકા ભર્યા. અમરેલી સિવિલ હોસ્પિટલમાં સારવાર માટે અલગ અલગ લોકોને ખસેડ્યા. અમરેલી શહેરમા શાકમાર્કેટ ચાંદની ચોક માણેકપરા સહિત વિસ્તારમા શ્વાનએ અલગ અલગ લોકોને બચકા ભર્યા. અમરેલી શહેરમાં 30, અમરેલીના વાંકિયા ગામમાં 1, બરવાળા બાવીસી 1, ધારીમાં 1, કુલ 33 જેટલા લોકોને શ્વાન કરડતા લોકોમાં ભયનો માહોલ છવાયો છે. અમરેલી સિવિલ હોસ્પિટલમાં અલગ અલગ વિસ્તરણ લોકો સારવાર માટે આવી રહ્યા છે. અમરેલી જિલ્લામાં શ્વાન કરડવાનો કિસ્સો સતત વધી રહ્યો છે.

ગુજરાત ભાજપે, આજે 79 સભ્યોની પ્રદેશ કારોબારી જાહેર કરી છે. આની સાથે 26 વિશેષ આમંત્રિત સભ્ય પણ જાહેર કરાયા છે. ગુજરાત ભાજપના વરિષ્ઠ સભ્યો, પૂર્વ પ્રધાનો વગેરેને વિશેષ આમંત્રિત સભ્ય તરીકે સ્થાન આપવામાં આવ્યું છે.

ગુજરાત ઇતિહાસમાં પ્રથમ વખત સુરત SOG એ 5.85 કરોડની કિંમતનું પ્રતિબંધિત કોબ્રા સાપનું ઝેર પકડી પાડ્યું છે. શહેરમાં એક ગેંગ વડોદરાથી કોબ્રા સાપનું ઝેર તસ્કરી કરી વહેંચવા સુરત લાવ્યા હતા. આરોપીઓને પકડવા Sog pi એ પી ચૌધરી દ્વારા છટકું ગોઠવવામાં આવ્યું. કોબ્રા સાપના ઝેરના બદલે કરોડો રૂપિયા આપવાની પીઆઈએ ઓફર આપી હતી. આ ઓફરમાં ટોળકી લાલચમાં આવી ગઈ અને મીટીંગ માટે સરથાણામાં મળવા તૈયાર થઈ હતી. મિટિંગમાં જેવા લોકો આવ્યા કે પોલીસે તેમને દબોચી લીધા. Sog પોલીસે કુલ 7 આરોપી ને 5.85 કરોડના કોબ્રા સાપના ઝેર સાથે ઝડપી પાડ્યા છે. હાલ 7 આરોપીની ધરપકડ કરીને ઝેર કબ્જે કરી કાર્યવાહી હાથ ધરી છે.

ખાસ કરીને પ્રતિબંધિત કોબ્રા સાપનું ઝેરનો ઉપયોગ 1. બ્લડ પ્રેશરની દવા બનાવવા, 2. લોહી ગંઠાવવાની દવા બનાવવામાં, 3. હાર્ટ એટેકથી બચવા માટેની દવા, 4. સાપના ઝેરમાંથી એંટી વેનોમ દવા બનાવવામાં આવે છે. જે સાપ કરડ્યા પછી તેના ઉપચારમાં ઉપયોગ કરવામાં આવે છે.5. કેન્સરના ઉપચારની દવા બનાવવા પણ ઉપયોગમાં લેવાય છે. તે સાથે કેટલાક ઇસમો દ્વારા રૅવ પાર્ટીઓમાં નશા માટે ઉપયોગ કરે છે.

વડોદરાના કોર્પોરેટર આશિષ જોશીએ, મેયરને બોબડા કહ્યાં હતા. મહાનગરપાલિકાની નવા વર્ષની પ્રથમ સામાન્ય સભામાં  કોર્પોરેટરે, મેયર પર વરસીને આક્રોશ વ્યક્ત કર્યો હતો.  મેયરનાં મૌનને કારણે અધિકારીઓ હાવી થઈ ગયાં છે. મેયર અધિકારીઓને સરેન્ડર થઈ ગયા હોવાનો આક્ષેપ કર્યો હતો. હરણીકાંડના પીડિતોની સ્થિતિ પૂછવામાં પણ મેયર મૌન છે. મેયરનાં મૌનને કારણે અધિકારીઓ ફાટીને ધુમાડે ગયાં છે. કાઉન્સિલરોનાં ફોન ન ઉપાડતા કમિશ્નરનું કોઈ કામ નથી. શહેરમાં ચોતરફ અંધાધૂંધી છે પણ મેયર મૌન છે તેમ જોશીએ બોર્ડની સભામાં કહ્યું હતું.

ધોરણ-9ના વિદ્યાર્થીઓની પ્રતિભા બહાર લાવવા માટે આયોજિત થતી પ્રખરતા શોધ કસોટી આગામી તા.28/01/2026ના રોજ યોજાશે. કસોટી માટે પરીક્ષાર્થીઓની હોલ ટિકિટ આજરોજ, 19/01/2026ના રોજથી બોર્ડની વેબસાઇટ gseb.org અથવા tst.gsebht.in પરથી ડાઉનલોડ કરી શકશે.

સંયુક્ત આરબ અમીરાતના રાષ્ટ્રપતિ શેખ મોહમ્મદ બિન ઝાયેદ અલ નાહ્યાન ભારત પહોંચ્યા છે. પ્રધાનમંત્રી નરેન્દ્ર મોદી પોતે તેમને આવકારવા એરપોર્ટ પર પહોંચ્યા હતા.

અમદાવાદના ઘાટલોડિયા સ્થિત નેશનલ હાઈસ્કુલમાં થયેલ મારામારી અંગે ગુજરાતના શિક્ષણ પ્રધાન પ્રદ્યુમન વાજાએ, શિક્ષણ વિભાગના અધિકારી-પોલીસ અધિકારીઓ સાથે વાત કરી હતી. શાળામાં તપાસ અર્થે શિક્ષણ ઇન્સ્પેક્ટરને મોકલ્યા છે. ઘાટલોડિયા પોલીસના જણાવ્યાનુસાર, એક વિદ્યાર્થીએ નોંધાવેલ ફરિયાદના અનુસંધાને 6 આરોપીને પકડી લેવામાં આવ્યા છે.

અમદાવાદ મ્યુ. કોર્પોરેશનના cncd વિભાગ દ્વારા 2 ઘટનાની પોલીસ ફરિયાદ કરાઈ છે. શનિવારે બાપુનગરમાં ઢોર માલિકો દ્વારા ઢોર ભગાડવાનો પ્રયાસ કરાયો હતો. CNCD ના કર્મચારીઓને અપશબ્દો બોલી સરકારી કામ કરતા રોકીને કામગીરીમાં અડચણ ઉભી કરી હતી. તો આજે સોમવારે ભાડજમાં પશુઓની હેરાફેરીની વોચ ગોઠવવામાં આવી હતી. તપાસ બાદ CNCD ની ટીમ દ્વારા પશુઓ પકડવામાં આવ્યા હતા. પશુઓ પકડવા બાદ પશુ માલિકો દ્વારા કામગીરીમાં અડચણ કરવામાં આવી. કામગીરીમાં અડચણ બદલ CNCD વિભાગે પોલીસ ફરિયાદ નોંધાવી છે. બંને ઘટનામાં ઓળખ બાદ આરોપીઓને પકડવામાં આવ્યા.

SIR ની કામગીરીમાં ગડબડ થઈ હોવાનો કોંગ્રેસે આરોપ લગાવ્યો છે.  કોંગ્રેસના ઉપનેતા શૈલેષ પરમાર અને ધારાસભ્ય ઇમરાન ખેડાવાલાએ લગાવ્યા આરોપ.  ડ્રાફ્ટ મતદારયાદી પછી ગુજરાતમાં એક ષડયંત્ર ચાલી રહ્યું છે. ડ્રાફ્ટ મતદાર યાદી બાદ કલેક્ટર દ્વારા AROને ફોર્મ નંબર 7નું બન્ચ આપવામાં આવ્યું છે. ફોર્મ નંબર 7 એ મતદારયાદીમાંથી નામ કમી કરવા માટેનું છે. જે બૂથમાં કોંગ્રેસ કમિટેડ વોટર્સ છે તે બૂથમાં કીટ બનાવીને નામ કમી કરવા માટેના ફોર્મ આપ્યા હોવાનો આક્ષેપ કરાયો છે. ફોર્મમાં ટાઇપ કરીને વિગતો ભરવામાં આવેલી છે.

રાજ્યપાલ આચાર્ય દેવવ્રતજી મુખ્યમંત્રી ભૂપેન્દ્ર પટેલની ઉપસ્થિતિમાં વાવ-થરાદ જિલ્લામાં મલુપુર ખાતે નવી કોર્ટની સામેના હેલીપેડ ગ્રાઉન્ડમાં પ્રજાસત્તાક પર્વે સવારે 9 કલાકે રાષ્ટ્રધ્વજ લહેરાવીને ધ્વજવંદન કરાવશે તેમજ પરેડ માર્ચ પાસ્ટની સલામી ઝિલશે. રાજ્યકક્ષાની ઉજવણી અવસરે વિવિધ સાંસ્કૃતિક કાર્યક્રમો તથા પોલીસ દળ દ્વારા વિવિધ નિદર્શનો પણ પ્રસ્તુત કરાશે.

ગુજરાત હાઇકોર્ટની રાજ્ય સરકારને ફટકાર. ગેરકાયદે દબાણો સહિતની સમસ્યા મામલે હાઇકોર્ટે રાજ્ય સરકારનો લીધો ઉધડો. અમે કોઈ મોનીટરીંગ એજન્સી નથી, ઈનફ ઈઝ ઈનફ તેવુ હાઈકોર્ટે કહ્યું. દબાણ અને ટ્રાફિક મામલે કડક કાર્યવાહીની જરૂર છે. કોઈ એક્શન પ્લાન કે પોલિસી નથી. જે જગ્યા અથવા વિસ્તારની ચર્ચા થાય છે, ત્યાં પહોંચીને કામ કરવામાં આવે છે. છેલ્લા 7 વર્ષથી ચર્ચા કરવામાં આવે છે અને હજુ ફ્રેમ વર્ક ચાલે છે તેવો પ્રશ્ન પણ હાઈકોર્ટે કર્યો હતો. રાજ્યમાં બેરોજગારી છે, તેમને કમાવવા જોઈએ છે. રોજગારી માટે લોકો રસ્તા પર મહેનત કરી રહ્યા છે. “તમારી પાસે પ્લોટ છે, જગ્યા છે તેમને નહીં ફાળવો તો પર દબાણ કરશે”. અનેક બેરોજગાર વાહન ચાલકો છે કે જે કામ કરવા ઈચ્છે છે. રાજ્ય સરકાર તરફે એડવોકેટ જનરલે વધુ એક વખત સમય માંગ્યો છે. 27 એપ્રિલના રોજ વધુ સુનાવણી હાથ ધરાશે.

ભાજપના રાષ્ટ્રીય અધ્યક્ષ પદ માટે  નીતિન નબીબે નોંધાવી ઉમેદવારી. અમિત શાહ, રાજનાથ સિંહ જેવા દિગ્ગજ નેતાઓની હાજરીમાં ભર્યું ઉમેદવારી પત્ર. જે. પી. નડ્ડા, હરદીપસિંહ પુરી સહિતના નેતાઓ રહ્યા હાજર. ભાજપના રાષ્ટ્રીય અધ્યક્ષ તરીકે નીતિન નબીનનું નામ નક્કી.

સુરત: અરેઠના તડકેશ્વરમાં નવનિર્મિત પાણીની ટાંકી ધરાશાયી. તડકેશ્વર ગામે લાખોના ખર્ચે બનેલી ટાંકી ધરાશાયી થઈ. 11 લાખ લીટરની ટાંકીમાં તપાસ માટે 9 લાખ લિટર પાણી ભરાયું. ટાંકી ધરાશાયી થતાં ઠેર-ઠેર જળબંબાકારની સ્થિતિ સર્જાઈ. ઘટનામાં 3 જેટલા મજૂરોને ઈજાઓ પહોંચી. નવનિર્મિત ટાંકી જમીન દોસ્ત થતાં ભ્રષ્ટાચારના આરોપ લાગ્યા.

વડોદરાઃ જાહેરમાં અશ્લીલ ચેનચાળા કરનારા યુવકની ધરપકડ થઇ. MS યુનિવર્સિટીની ગર્લ્સ હોસ્ટેલ બહાર અશ્લીલ વર્તન કર્યું હતું. વાયરલ વીડિયોના આધારે યુવકની ધરપકડ થઇ. CCTV અને ટેકનિકલ તપાસના આધારે આરોપી  યુવક ઝડપાયો.

જમ્મુ અને કાશ્મીરના કચરિયાલ વિસ્તારમાં PIA લખેલું બલૂન મળી આવ્યું છે. આ વિસ્તાર LoC નજીક આવેલો છે. પરિણામે, સેનાએ આ મામલાની તપાસ વધુ તીવ્ર બનાવી છે.

દિલ્હી પ્રજાસત્તાક દિવસની પરેડની તૈયારીઓ અંતિમ તબક્કામાં છે. પરિણામે, એરસ્પેસ બંધ કરવામાં આવી છે. પરિણામે, શ્રીનગરથી દિલ્હીની ત્રણ ફ્લાઇટ્સ રદ કરવામાં આવી છે.

સોમવારે લદ્દાખના લેહમાં જોરદાર ભૂકંપ અનુભવાયા હતા. રિક્ટર સ્કેલ પર 5.7 ની તીવ્રતા નોંધાઈ હતી.

રાજકોટ: જસદણના પરિવાર પર જીવલેણ હુમલાના કેસમાં પોલીસે 18 આરોપીઓમાંથી 11 આરોપીઓને સકંજામાં લીધા. આરોપીઓને ઘટનાસ્થળે લઈ જઈ રિકન્સ્ટ્રક્શન કરાયું. રાણીંગપર ગામે મકરસંક્રાંતિએ બેફામ તત્વોએ મચાવ્યો ઉત્પાત હતો. એક જ પરિવારના ત્રણ સભ્યો પર 18 લોકોએ જીવલેણ હુમલો કર્યો હતો.

જામનગર જિલ્લામાં રવિપાકના વાવેતરના આંકડા સામે આવ્યા છે.જેમાં ચણાના વાવેતરમાં નોંધપાત્ર વધારો થયો છે જ્યારે જીરાના વાવેતરમાં ઘટાડો નોંધાયો છે.ઘઉંના પાકના વાવેતરમાં પણ વધારો નોંધાયો છે.ગત વર્ષે 36 હજાર 462 હેક્ટરમાં ઘઉંનું વાવેતર નોંધાયું હત જે આ વર્ષે વધીને 38 હજાર 321 હેક્ટર થયું છે..ઘઉંના વાવેતરમાં 2 હજાર હેક્ટરનો વધારો નોંધાયો છે.ગત વર્ષે 79 હજાર 140 હેક્ટરમાં ચણાના પાકનું વાવેતર થયું હતું જે આ વર્ષે વધીને 86 હજાર 145 હેક્ટર થયું છે.ચણાના વાવેતરમાં 7 હજાર હેક્ટરનો વધારો થયો છે..જીરાનું વાવેતર ગત વર્ષે 29,948 હેક્ટરમાં થયું હતું જે આ વર્ષે ઘટીને 22,755 હેક્ટર થયું છે.

અમદાવાદઃ પૂર્વ વિસ્તારમાં ચેઇન સ્નેચિંગનો બનાવ બન્યો છે. ખોખરા નજીક જીવન એપાર્ટમેન્ટમાં ઘુસીને ત્રણ શખ્સોએ ચેઇન સ્નેચિંગને અંજામ આપ્યો. ત્રણ શખ્સો CCTVમાં કેદ થયા. મહિલાના ગળામાંથી ચેઈન તોડી શખ્સો ભાગ્યા.

અમદાવાદ: ઘાટલોડિયામાં સ્કૂલ બહાર વિદ્યાર્થી પર હુમલો થયો છે. નેશનલ સ્કૂલ બહાર વિદ્યાર્થીએ અન્ય વિદ્યાર્થી પર હુમલો કર્યો. વિદ્યાર્થીએ જૂની અદાવતમાં ચપ્પુ વડે ઘાતકી હુમલો કર્યો. શાળાની બહાર વિદ્યાર્થીએ ચપ્પુ વડે હુમલો કરતાં એકને ઈજા પહોંચી છે. સમગ્ર મામલે વિદ્યાર્થીને પોલીસ સ્ટેશન લઈ જવામાં આવ્યો.

અમદાવાદ: સરદારનગર વિસ્તારમાંથી દેશી દારુની ભઠ્ઠી ઝડપાઈ છે. એલસીબીએ 1.73 લાખનો મુદ્દામાલ કબજે કર્યો. ઝોન 4 એલસીબીએ દેશી દારુની ભઠ્ઠી પર દરોડો પાડ્યો. એક મહિલા સહિત 3 બુટલેગરની ધરપકડ થઇ. મોટા પ્રમાણમાં દેશી દારુના વોશનો નાશ કરાયો.

વડોદરાઃ અટલાદરામાં એક કંપનીના કર્મચારીઓ વચ્ચે મારામારી થઇ. ડિલીવરી બોય વચ્ચે છૂટાહાથે મારામારી થઇ. અંગત કારણોસર કર્મચારી સામસામે આવ્યા હતા.

મોરબીઃ પીપળી ગામ પાસે સોસાયટીના રહીશોએ ચક્કાજામ કર્યો. માનસધામ, ત્રિલોકધામ સહિતની 4 સોસાયટીના લોકોએ કર્યો ચક્કાજામ. બિલ્ડરોએ પ્રાથમિક સુવિધાઓ ન આપતા લોકોમાં ભારે આક્રોશ જોવા મળી રહ્યો છે. અગાઉ તાલુકા પોલીસ સ્ટેશનમાં બિલ્ડરો વિરુદ્ધ છેતરપિંડીની ફરિયાદ કરી હતી. ફરિયાદ છતાં આરોપીઓની ધરપકડ ન થતા લોકોમાં રોષ જોવા મળી રહ્યો છે.

ગાંધીનગરઃ પશુઓને કતલખાને લઈ જતો ટેમ્પો પલટ્યો. કલોલના સિંદાબાદ બ્રિજ પર પશુઓ ભરેલો ટેમ્પો પલટ્યો. ગૌરક્ષકોએ ટેમ્પોના ડ્રાઈવરને પકડી પોલીસને સોંપ્યો. ગૌરક્ષકોએ નંદાસણ ટેમ્પાનો પીછો કર્યો હતો. ઓવર સ્પીડના કારણે બ્રિજ પર ટેમ્પો પલટ્યો હતો.

અમદાવાદ : શીલજ–થલતેજ રોડ પર મોડી રાત્રે અકસ્માત સર્જાયો. કારચાલકે પાંચથી વધુ વાહનો સાથે અકસ્માત સર્જ્યો. એમ ડિવિઝન ટ્રાફિક પોલીસે ગુનો દાખલ કર્યો. કારચાલક વિરુદ્ધ ડ્રિંક એન્ડ ડ્રાઇવનો ગુનો નોંધાયો. કારચાલક નિશિર શાહ શીલજનો રહેવાસી છે. અકસ્માત બાદ લોકોએ કારચાલકને માર માર્યો. કારચાલકને સારવાર માટે સોલા સિવિલ હોસ્પિટલ ખસેડાયો.

મુખ્યપ્રધાન ભુપેન્દ્ર પટેલ આજથી બે દિવસની દિલ્લી મુલાકાતે છે. નીતીન નબીનના ઉમેદવારી ફોર્મ અને જાહેરાત પ્રસંગે ઉપસ્થિત રહેશે. ભાજપના કાર્યકારી રાષ્ટ્રીય અધ્યક્ષ નીતીન નબીન આજે ઉમેદવારી ફોર્મ ભરશે. ભાજપ પ્રદેશ પ્રમુખ જગદીશ વિશ્વકર્મા અને સંગઠન મહામંત્રી પણ દિલ્લીમાં છે, દિલ્લી કમલમમાં ભાજપના કાર્યકારી અધ્યક્ષ નીતીન નબીન ઉમદવારી ફોર્મ ભરશે. આવતીકાલે રાષ્ટ્રીય અધ્યક્ષ તરીકે નીતીન નબીનની સત્તાવાર જાહેરાત થશે.

રાજ્યના અનેક જિલ્લામાં ઠંડીનો ચમકારો યથાવત જોવા મળી રહ્યો છે. 9.6 ડિગ્રી તાપમાન સાથે અમરેલી સૌથી ઠંડુ સ્થળ છે. નલિયામાં 11.2 ડિગ્રી, દીવમાં 12.2 ડિગ્રી તાપમાન છે. ડીસામાં 12.3 ડિગ્રી, પોરબંદર 12.8 ડિગ્રી તાપમાન નોંધાયું. રાજકોટમાં 13 ડિગ્રી, ગાંધીનગરમાં 13.5 ડિગ્રી તાપમાન છે. અમદાવાદ, વડોદરામાં પણ પારો 15 ડિગ્રીની નીચે છે.

ભરૂચઃ અંકલેશ્વર નજીક ટેમ્પો અને ટ્રક વચ્ચે અકસ્માત સર્જાયો. નેશનલ હાઈવે 48 પર અકસ્માત થયો, જેમાં ટેમ્પોચાલકનું મોત થયુ છે. કેબિનમાં ફસાઈ જવાથી ટેમ્પોચાલકનું મોત થયુ, ફાયર વિભાગની મદદથી મૃતદેહ બહાર કાઢવામાં આવ્યો.

મોરબીઃ મેફેડ્રોન ડ્રગ્સ સાથે બે શખ્સ ઝડપાયા છે. માળિયા ફાટક નજીકથી LCBએ આરોપીને ઝડપ્યા. 50 ગ્રામ 13 મિલિગ્રામ ડ્રગ્સ જપ્ત કરાયુ. કાર અને મોબાઈલ સહિત રૂપિયા ૬.૫૫ લાખનો મુદ્દામાલ કબજે કરાયો. તોસિફ હુશેન બુખારી અને ઈકબાલ મુસાભાઈ ચાવડા બે આરોપીની ધરપકડ.અન્ય બે આરોપી વોન્ટેડ જાહેર.

અમદાવાદની મેજિક્વીન સટ્ટાબાજી કેસમાં EDની મોટી કાર્યવાહી. EDએ PMLA કોર્ટમાં પ્રોસિક્યુશન ફરિયાદ દાખલ કરી. મેજિક્વીન કેસમાં 14 આરોપીઓ સામે કાર્યવાહી હાથ ધરાઇ. સાયબર ક્રાઈમ FIRના આધારે ED દ્વારા તપાસ હાથ ધરાઇ. મેજિક્વીન વેબસાઇટ અને એપથી ગેરકાયદે સ્પોર્ટ્સ સટ્ટાબાજીનો આક્ષેપ છે. ક્રિકેટ અને ફૂટબોલ મેચો પર ઓનલાઇન સટ્ટો ચલાવાતો હતો. લાઇવ કેસિનોમાં તીન પટ્ટી અને રૂલેટ જેવી રમતો રમાતી. UKમાં નોંધાયેલી કંપની મારફતે સટ્ટાબાજી નેટવર્ક ચાલતુ. ED દ્વારા રૂ. 2.5 કરોડની જપ્તી કરાઈ. ડિજિટલ ઉપકરણો અને ગુનાહિત દસ્તાવેજો કબજે કરાયુ.

ઈરાન સંકટ વચ્ચે, UAE ના રાષ્ટ્રપતિ શેખ મોહમ્મદ બિન ઝાયેદ અલ નાહ્યાન 19 જાન્યુઆરીએ ભારતની મુલાકાતે આવી રહ્યા છે. રાષ્ટ્રપતિ બન્યા પછી આ તેમની ત્રીજી સત્તાવાર ભારત મુલાકાત છે. તેઓ પીએમ મોદીના આમંત્રણ પર આ મુલાકાત લઈ રહ્યા છે.

રાહુલ ગાંધી આજથી રાયબરેલીની 3 દિવસની મુલાકાતે રહેશે. રાયબરેલીમાં પાર્ટીના નેતાઓ સાથે સમીક્ષા બેઠક કરશે. સુલ્તાનપુર કોર્ટ સમક્ષ આજે રાહુલ ગાંધી હાજર થશે. ગૃહપ્રધાન અમિત શાહ સાથે જોડાયેલા કેસમાં હાજર થશે.

જમ્મુ-કાશ્મીરઃ કિશ્તવાડમાં આતંકીઓ સાથે અથડામણ યથાવત છે. આતંકીઓ સાથે અથડામણમાં સેનાના સાત જવાનો ઘાયલ થયા છે. કિશ્તવાડ વિસ્તારમાં સુરક્ષા દળોએ 3 આતંકીઓને ઘેર્યા.

ભાજપના રાષ્ટ્રીય અધ્યક્ષ પદ માટે આજે ઉમેદવારી નોંધાવાશે. ભાજપ કાર્યાલયમાં બપોરે 2થી 4 વચ્ચે ઉમેદવારી પત્ર ભરાશે. નીતિન નબીન રાષ્ટ્રીય અધ્યક્ષ પદ માટે ઉમેદવારી નોંધાવશે. ભાજપના રાષ્ટ્રીય અધ્યક્ષ તરીકે નીતિન નબીનનું નામ નક્કી. ભાજપના નવા અધ્યક્ષના નામની આવતીકાલે સત્તાવાર જાહેરાત થશે.