19 એપ્રિલના મહત્વના સમાચાર : મુંબઈમાં લેન્સકાર્ટની ટ્રેનિંગ દરમિયાન ચોટલી અને તિલક દૂર કરવા માટે દબાણ કરાયું હોવાનો સુરતના યુવાને કર્યો આક્ષેપ

સાબરકાંઠાના ઈડરના રાણી તળાવ પાસે સ્કોર્પિયો કાર અકસ્માત બાદ આગમાં લપેટાઈ. ઈડર-અંબાજી સ્ટેટ હાઇવે રોડ પર સ્કોર્પિયો કારને નડ્યો અકસ્માત. ચાલકે સ્ટિયરિંગ પરથી કાબુ ગુમાવતા અકસ્માત સર્જાયો. સ્કોર્પિયો કાર રોડ સાઈડ ટી સ્ટોલમાં ઘૂસી જતા આગમાં લપેટાઈ. અકસ્માતમાં ટી સ્ટોલ પણ આગમાં ખાખ થઈ ગયો. સ્થાનિકોએ ફાયર બ્રિગેડ ટીમને જાણ કરતા ઘટના સ્થળે દોડી આવી હતી. કારમાં સવાર લોકો સમયસર બહાર નીકળી જતા કોઈ જાનહાની નહીં

સુરતના યુવક સાથે લેન્સકાર્ટની તાલિમ દરમિયાન ગંભીર ઘટના બની હોવાનો આક્ષેપ કરાયો છે. સુરતના ઝીલ સોઘાસિયા નામના યુવાનને મુંબઈમાં લેન્સકાર્ટની ટ્રેનિંગ દરમિયાન શીખા (ચોટલી) અને તિલક દૂર કરવા માટે દબાણ કરવામાં આવ્યું હતું. યુવાને હિન્દુ ધાર્મિક ચિહ્નો દૂર કરવાનો ઇન્કાર કરતા, તેને ટ્રેનિંગમાંથી બહાર કાઢી મૂકવામાં આવ્યો હોવાનો દાવો છે. યુવાને કંપનીની આ નીતિ સામે કાનૂની કાર્યવાહી શરૂ કરી છે. મુંબઈમાં ટ્રેનિંગ દરમિયાન એક યુવાને ધાર્મિક ભેદભાવનો આક્ષેપ કર્યો યુવકે. સુરતના યુવકે ઇન્ટરવ્યૂ દરમ્યાન શીખા અને તિલક દૂર કરવા કહેતા તેણે ઇન્કાર કર્યો. ખાનગી કંપની દ્વારા તેને બહાર કાઢવામાં આવ્યો હોવાનો દાવો કર્યો. યુવાને હવે કંપની સામે કાનૂની કાર્યવાહી શરૂ કરી છે. નોકરીમાં સમાનતા અને અધિકારો અંગે ચર્ચા તેજ થઈ છે. આ ઘટના બાદ કોર્પોરેટ સેક્ટરમાં ધાર્મિક ચિહ્નો પહેરવાની સ્વતંત્રતા અને ભેદભાવ મુક્ત વાતાવરણ અંગે સવાલો ઉભા થયા છે.

સુરતમાં ભાજપના ઉમેદવારનો ઠેર ઠેર વિરોધ થઈ રહ્યો છે. ચૂંટણી પ્રચાર દરમિયાન વોર્ડ નંબર 29 ના ઉમેદવાર નો વિરોધ થયો છે. અલથાણ ખાતે આવેલી સોહમ સોસાયટીના લોકોએ ભાજપ ઉમેદવાર ધર્મેશ પટેલનો કર્યો વિરોધ. પ્રચાર કરવાની પહેલા ઉમેદવારને પરત ફરવું પડ્યું. સ્થાનિક લોકોએ ઉમેદવાર અને ભાજપ કાર્યકારોનો બરોબરનો ઉધલો લીધો. સ્થાનિકોએ ઉમેદવારને પૂછ્યા સવાલ.
રસ્તા બનાવવા માટે કેટલી અરજી આપી છે છતાં કેમ ના બન્યા તેના માંગ્યો જવાબ. પાંચ વર્ષમાં પહેલી વખત જોવા મળ્યા. તમારો વોર્ડ નંબર છે તમારે ધ્યાન રાખવાનું હોય કે લોકોને શું મુશ્કેલી પડે છે.

સુરતમાં, ગોલ્ડ સ્કીમના નામે વેપારી સાથે રૂપિયા 26 લાખની છેતરપિંડી કરનાર ઝડપાયો. સુરત સાયબર ક્રાઇમ સેલ પોલીસે આરોપી ઘનશ્યામ ઠક્કરને ઝડપી પાડ્યો છે. આરોપીના બેન્ક એકાઉન્ટમાં છેતરપિંડીના રૂપિયા 1.72 લાખ ટ્રાન્સફર થયા હતા. જે બેન્ક એકાઉન્ટ સાયબર ફ્રોડ કરનાર ટોળકીને ભાડે આપ્યું હતું. છેતરપિંડી કરનાર ટોળકીએ ઘોડદોડ રોડના વેપારીને સાયબર ક્રાઇમનો શિકાર બનાવ્યો હતો.

સુરતના બારડોલી તાલુકા પંચાયત ચૂંટણીની અસ્તાન બેઠકની ચૂંટણી મોકૂફ રાખવામાં આવી છે. તાલુકા પંચાયતના અસ્તાન બેઠકના કોંગ્રેસના ઉમેદવારનું અવસાન થયું છે. કોંગ્રેસમાંથી ધર્મેશ રાઠોડે ઉમેદવારી નોંધાવી હતી. ધર્મેશ રાઠોડ કોંગ્રેસના વર્ષો જુના યુવા નેતા હતાં. તબિયત નાદુરસ્ત થતાં સુરત ખાનગી હોસ્પિટલમાં સારવાર ચાલી રહી હતી. ગત રોજ રાત્રે સુરતથી ફરી બારડોલી સરદાર હોસ્પિટલમાં દાખલ કરાયા હતા. હવે અસ્તાન બેઠક પર ઉમેદવાર નું અવસાન થતાં ચૂંટણી મોકૂફ રાખવામાં આવી છે.

ગુજરાતમાં  આજે PSI કેડરની 858 જગ્યા માટે લેખિત પરીક્ષાનું આયોજન કરવામાં આવ્યું છે. અમદાવાદ, સુરત, વડોદરા અને રાજકોટમાં 1.10 લાખ ઉમેદવારો પરીક્ષા આપશે.

અમરેલીમાં 2.8 ની તીવ્રતાનો ભૂકંપનો આંચકો અનુભવાયો છે. ભૂકંપનું કેન્દ્રબિંદુ અમરેલીથી 41km દૂર નોંધાયું છે.

ધંધુકામાં યુવાનીન કરપીણ હત્યા થયા બાદ, કેટલીક આગજનીની ઘટના બની છે. આખા અમદાવાદ જિલ્લામાંથી પોલીસના ધાડે ધાડે ઉતારી દેવામાં આવ્યા છે. આમ છતા સમગ્ર ધંધુકામાં ભારેલા અગ્નિ જેવી સ્થિતિ સર્જાઈ છે. પોલીસે મોડી રાત્રે ઘંઘુકાના સંવેદનશીલ વિસ્તારોમાં કોમ્બિગ હાથ ધર્યું હતું. ધંધુકાના એન્ટ્રી પોઈન્ટ પર ચેકિંગ પોઈન્ટ ઊભા કરવામાં આવ્યા છે. એસપી, dysp, એલસીબી, sog સહિતની ટીમ દ્વારા કોમ્બિંગ કરવામાં આવ્યું છે. હાઇવે પર આવતા જતા વાહનોનું પણ પોલીસ દ્વારા ચેકિંગ કરવામાં આવી રહ્યાં છે.