10 જૂનના મહત્વના સમાચાર : મોદી સરકારના 12 વર્ષ પૂર્ણ થવાના પ્રસંગે આજે દિલ્હીમાં NDAની એક મોટી બેઠક યોજાશે

અફઘાનિસ્તાન અને પાકિસ્તાન વચ્ચે સરહદી તણાવ વધુ ઉગ્ર બન્યો છે. પાકિસ્તાની સેનાએ અફઘાનિસ્તાનના કુનાર, ખોસ્ટ અને પક્તિકા પ્રાંતોમાં ઘૂસણખોરી કરીને હુમલા કર્યા હોવાના અહેવાલો સામે આવ્યા છે. આ હુમલામાં 11 બાળકો સહિત કુલ 13 લોકોના મોત થયા હોવાનું જણાવવામાં આવી રહ્યું છે. ઘટનાને લઈને અફઘાન સરકારે પાકિસ્તાનની કાર્યવાહી ની આકરી નિંદા કરી છે અને તેને આંતરરાષ્ટ્રીય નિયમો તથા અફઘાનિસ્તાનની સાર્વભૌમત્વનું ઉલ્લંઘન ગણાવ્યું છે. હુમલા બાદ બંને દેશો વચ્ચેનો તણાવ વધુ ઘેરો બન્યો છે.

અમેરિકા અને ઇરાન વચ્ચે તણાવ ફરી એકવાર ચરમસીમાએ પહોંચી ગયો છે. અમેરિકાએ ઇરાનના અનેક વ્યૂહાત્મક સ્થળોને નિશાન બનાવી ભીષણ હુમલા કર્યા હોવાના અહેવાલો સામે આવ્યા છે. કેશમ દ્વીપ અને હોર્મુઝ વિસ્તાર સહિત વિવિધ સ્થળોએ એકસાથે હુમલા થતા સમગ્ર વિસ્તારમાં ભયનો માહોલ સર્જાયો છે. હુમલાઓ બાદ ઇરાનના અનેક વિસ્તારોમાં સતત વિસ્ફોટોના અવાજ સંભળાઈ રહ્યા હોવાનું જણાવવામાં આવી રહ્યું છે. આ ઘટનાએ મધ્ય પૂર્વમાં ફરીથી યુદ્ધ જેવી સ્થિતિ ઊભી કરી દીધી છે અને વૈશ્વિક સ્તરે ચિંતામાં વધારો થયો છે.

મોદી સરકારના 12 વર્ષ પૂરા થવા પર આજે દિલ્હીમાં નેશનલ ડેમોક્રેટિક એલાયન્સ (NDA)ના મુખ્યમંત્રીઓ અને નાયબ મુખ્યમંત્રીઓની એક મોટી બેઠક યોજાઈ છે. જેમાં પીએમ નરેન્દ્ર મોદી, ગૃહમંત્રી અમિત શાહ અને ભાજપ અધ્યક્ષ નીતિન નવીન પણ સામેલ થશે.