07 ઓક્ટોબરના મહત્વના સમાચાર : મણીનગરની નવી LG હોસ્પિટલના નિર્માણાધીન બિલ્ડિંગમાં દિવાલ ધરાશાયી થતા શ્રમિકનું મોત

વડોદરાના શેરખી-ભીમપુરા કેનાલમાં ITIના 4 વિદ્યાર્થી પડ્યા, 2 ના મોત, 2 નો બચાવ

વડોદરાના શેરખી-ભીમપુરા કેનાલમાં ITIના 4 વિદ્યાર્થી પડ્યા, 2 ના મોત , 2 નો બચાવ થયો છે. સ્થાનિક લોકોએ બે વિદ્યાર્થીઓને હેમખેમ બચાવ્યા. બે વિદ્યાર્થીઓ કેનાલના ઊંડા પાણીમાં લાપતા થયા મૃતદેહ મળ્યા. ઘટનાસ્થળે વડોદરા ફાયર બ્રિગેડ તાત્કાલિક પહોંચી. કલાકો સુધી પાણીમાં શોધખોળ કામગીરી ચાલી. બંને લાપતા વિદ્યાર્થીઓના મૃતદેહો મળી આવ્યા. પોલીસે ઘટના અંગે વધુ તપાસ હાથ ધરી.

નવરાત્રી પૂર્વે દાહોદમાં ખંગેલા ચેકપોસ્ટ પરથી દારુ સહીતનો રૂ. 1. 40 કરોડથી વધુનો મુદ્દામાલ ઝડપાયો

દાહોદમાં નવરાત્રી પૂર્વે વિદેશી દારૂના નેટવર્ક પર પોલીસની મોટી તવાઈ. કતવારા પોલીસે ખંગેલા ચેકપોસ્ટ પરથી 1.40 કરોડથી વધુનો મુદ્દામાલ ઝડપ્યો. મધ્યપ્રદેશ તરફથી આવતી શંકાસ્પદ ટ્રકમાંથી વિદેશી દારૂનો જંગી જથ્થો મળ્યો. પોલીસે ટ્રકમાંથી 1.20 કરોડની કિંમતની 37,632 નંગ દારૂની બોટલો જપ્ત કરી. ભાગવા જતાં રાજસ્થાનના બાડમેરના ટ્રક ચાલક જશરાજ ચૌધરીને દબોચી લીધો. દારૂ, ટ્રક અને રોકડ સહિત કુલ 1 કરોડ 40 લાખ 25 હજારનો મુદ્દામાલ કબજે. નવરાત્રી પર્વ નજીક આવતાં જ બુટલેગરો ગુજરાતમાં દારૂ ઘુસાડવા સક્રિય થયા. તહેવારોને ધ્યાને રાખી સરહદી વિસ્તારોમાં દાહોદ પોલીસની કડક નાકાબંધી. દાહોદ એલસીબી ટીમે પ્રોહીબિશનનો ગુનો નોંધી વધુ તપાસ હાથ ધરી.

મણીનગરની નવી LG હોસ્પિટલના નિર્માણાધીન બિલ્ડિંગમાં દિવાલ ધરાશાયી થતા શ્રમિકનું મોત

અમદાવાદના મણીનગરની નવી LG હોસ્પિટલના નિર્માણાધીન બિલ્ડિંગમાં દિવાલ ધરાશાયી થતા 26 વર્ષીય શ્રમિક છોટુ મંડલનું મોત થયું છે. રેતી ચડાવવાનું કામ કરતા સમયે શ્રમિક પર દિવાલ ધરાશાયી થઈ. આશરે 20 ફૂટ લાંબી અને 6 ફૂટ ઊંચી દિવાલ ધરાશાયી થઈ. કાટમાળ નીચે દટાતા શ્રમિકનું ઘટનાસ્થળે જ મોત થયું છે. ઘટનાના આશરે 3 કલાક બાદ મણીનગર પોલીસને જાણ કરાઈ. સુરક્ષાના નિયમોનું પાલન થયું હતું કે કેમ તે અંગે તપાસ શરૂ. દિવાલ ધરાશાયી થવાનું ચોક્કસ કારણ જાણવા પોલીસની તપાસ ચાલુ.

વડાપ્રધાન મોદી, ભૂતપૂર્વ નાયબ વડાપ્રધાન એલ.કે. અડવાણીને મળ્યાં

વડાપ્રધાન નરેન્દ્ર મોદીએ, આજે બુધવારે ભાજપના વરિષ્ઠ નેતા અને ભૂતપૂર્વ નાયબ વડાપ્રધાન એલ.કે. અડવાણીના દિલ્હી સ્થિત નિવાસસ્થાને તેમની મુલાકાત લીધી હતી. સરકારના વડા તરીકે 25 વર્ષ પૂર્ણ કરવાના અવસરે તેમણે અડવાણી સાથે મુલાકાત કરી હતી.

Met Advani Ji at his residence and sought his blessings.

His decades of public service and contribution to our national life have left a lasting imprint.

He has played a pivotal role in strengthening India’s progress. https://t.co/ib51lx4CkU

— Narendra Modi (@narendramodi) October 7, 2026

જયેશ રાદડીયાનો વિરોધીઓને જવાબ, યાર્ડની ચૂંટણીમાં એવા લોકો તમારી પાસે આવશે જેને કંઇ કરવું નથી અને મત માંગવા છે

માર્કેટીંગ યાર્ડમાં સ્વર્ગસ્થ વિઠ્ઠલ રાદડિયાની પ્રતિમાના અનાવરણ અને શેડના લોકાર્પણ કાર્યક્રમમાં જયેશ રાદડિયાએ વિરોધીઓને આડેહાથ લીધા હતા. રાદડિયાએ કહ્યું પાંચ વર્ષ પહેલા કહ્યું હતું કે, લાગશે વાર પણ આવશે મજા. આગામી દિવસોમાં યાર્ડની ચૂંટણી આવશે. અમે કરેલા કામોને આધારે આપની પાસે મત માંગવા આવીશું. એવા લોકો પણ તમારી પાસે આવશે જેને કંઇ કરવું નથી અને મત માંગવા છે. રાજકોટ, લોધિકા અને પડધરી તાલુકાના ખેડૂતો અમારી સાથે છે.

અમદાવાદ નિકોલ પેવેલિયન મોલમાં કેક શોપમાં મારામારી

અમદાવાદ નિકોલ પેવેલિયન મોલમાં કેક શોપમાં મારામારી થવા પામી. કેક શોપમાં કામ કરતા શિવશંકર મુદલીયા અને ગ્રાહક રાજ શાહે મારામારી કરી. કેક પર વ્હાઈટ કલરથી નામ લખ્યું હતું, જે ગ્રાહક રાજ શાહ લાલ અક્ષર લખાવવામાં કહ્યું હતું. કેક શોપમાં લાલ અક્ષર ગ્રીમ ના હોવાથી ના પાડી હતી. રાજ શાહ દ્વારા ઉશ્કેરાઈ બોલાચાલી કરી હતી. આરોપી રાજ શાહ દ્વારા શોપનો કર્મચારી શિવશંકર સાથે મારમારી કરી. નિકોલ પોલીસે વધુ તપાસ શરૂ કરી.

દિલ્હીમાં CEC વિરુદ્ધ દેખાવ-ધરણા કરતા રાહુલની પોલીસે કરી અટકાયત

લોકસભા વિપક્ષના નેતા રાહુલ ગાંધીને આજે દિલ્હીમાં જંતર-મંતર જવાનો પ્રયાસ કરતી વખતે પોલીસે અટકાયતમાં લીધા હતા. તેમને ગઈકાલે પણ આકાશવાણી ભવનથી અટકાયતમાં લેવામાં આવ્યા હતા

રાજકોટમાં પાલતું શ્વાન દ્રારા હુમલો કરાવનાર દિપ જાડેજાની પોલીસે કરી ધરપકડ

રાજકોટમાં ગત 29મી સપ્ટેમ્બરના રોજ,  પાલતું શ્વાન દ્રારા હુમલો કરાવનાર દિપ જાડેજાની પોલીસે  ધરપકડ કરી છે. રાજકોટના મવડી વિસ્તારમાં ગત 29 સપ્ટેમ્બરના રોજ કરાયો હતો હુમલો. ચાર વર્ષ જૂની અદાવતને કારણે હુમલો કર્યાનું પ્રાથમિક તારણ સામે આવ્યુ છે. સમગ્ર મામલે પોલીસે વધુ તપાસ શરૂ કરી.

સુરતમાં લવ જેહાદનો કિસ્સો, વકીલ એવા રહીમે, રોહન બનીને મહિલાને જાસામાં લીધી

ચોક બજારમાં વકીલ મહિલા સાથે લવજેહાદનો મામલો સામે આવ્યો છે.  ચોક બજાર પોલીસે આરોપી વકીલ રહીમની ધરપકડ કરી છે. આરોપી વકીલ રહીમે રોહન બની મહિલાને જાસામાં લીધી. મહિલાને પ્રેમજાળમાં ફસાવી તેની સાથે કુકર્મ આચરવા માટે ગણપતિની પૂજા અને સત્યનારાયણની પૂજા પણ કરતો. ઓફિસમાં પણ તે તેની ઓળખ રોહન તરીકે આપતો. લગનની લાલચ આપી દુષ્કર્મ કરી મહિલાને તરછોડી. ત્યારબાદ લગ્ન માટે ઇન્કાર કરી દીધો. ઉપરાંત આરોપીએ બીજી મુસ્લિમ યુવતી સાથે લગ્ન કરી લીધા હોવાનું બહાર આવ્યું.  ચોક બજાર પોલીસ સ્ટેશનમાં સમગ્ર મામલે ગુનો નોંધાયો હતો. બાદમાં કેસમાં ભાગતા ફરતા વકીલે આગોતરા જામીન માટે કોર્ટમાં અરજી કરી હતી. કોર્ટે રહીમની અરજી ફગાવતા તેની ધરપકડનો માર્ગ મોકલો થયો હતો.

ગુજરાતના તમામ અભયારણ્ય અને નેશનલ પાર્ક આગામી તા. 9 ઓક્ટોબરથી સહેલાણીઓ માટે ખુલ્લા મુકાશે

આગામી સમયમાં નવરાત્રી અને દિવાળી જેવા તહેવારોને ધ્યાનમાં રાખીને દેશ-વિદેશના પ્રવાસીઓ- સહેલાણીઓ માટે રાજ્યના વન વિભાગે મહત્વનો નિર્ણય કર્યો છે. ગુજરાતના તમામ અભયારણ્ય અને નેશનલ પાર્ક આગામી તા.9 ઓક્ટોબર 2026થી સહેલાણીઓ માટે ખુલ્લા મુકવામાં આવશે. વન વિભાગની માર્ગદર્શિકા મુજબ વન્ય પ્રાણીઓને ખલેલ ના પહોંચે તે પ્રકારે પ્રવાસીઓને પ્રવેશ આપવામાં આવશે તેમ, વન વિભાગ દ્વારા જણાવ્યું છે.

વધુમાં જણાવ્યું છે કે,હાલમાં રાજ્યમાં વરસાદની સિઝન પૂર્ણ થતાં તેમજ અભયારણ્ય- નેશનલ પાર્કમાં રોડ- રસ્તાની અનૂકુળતા બનતા પ્રવાસીઓ સહેલાઈથી પ્રવાસ કરી શકશે. આ નિર્ણયથી આ વિસ્તારમાં નાના -મોટા રોજગાર સાથે જોડાયેલા સ્થાનિકોને રોજગારી પણ મળી રહેશે.

અરવલ્લીના માલપુરના નેસડામાં બે વર્ષની બાળકી સાથે માતાએ કૂવામાં ઝંપલાવ્યું

અરવલ્લીના માલપુરના નેસડામાં બે વર્ષની બાળકી સાથે માતાએ કૂવામાં ઝંપલાવ્યું. મહિલાએ ભરેલા પગલાને લઈ પ્રાથમિક તપાસ હાથ ધરાઈ. ફાયર ટીમે માતા-પુત્રી મૃતદેહ કૂવામાંથી બહાર નીકાળ્યા. માલપુર પોલીસે ઘટનાને લઈ તપાસ હાથ ધરી

જામનગરમાં સસ્તા અનાજનાં જથ્થાની શંકાસ્પદ હેરફેર ઝડપાઈ

જામનગરમાં સસ્તા અનાજનાં જથ્થાની શંકાસ્પદ હેરફેર ઝડપાઈ છે. સિટી બી ડિવિઝન પોલીસે પાણાખાણથી બેડી બંદર રોડ પર સફળ કાર્યવાહી કરી.  માલવાહક વાહનમાંથી 3,000 કિલો ઘઉંનો શંકાસ્પદ જથ્થો મળી આવ્યો. ઘઉંનો જથ્થો સરકારી સસ્તા અનાજનો હોવાની આશંકા. પોલીસે સ્થળ પરથી બેડી વિસ્તારના રહેવાસી એવા પાંચ શખ્સોની અટકાયત કરી. પોલીસ દ્વારા BNSS કલમ 35(1)(e) હેઠળ કાયદેસરની કાર્યવાહી કરવામાં આવી. ઘઉં અને વાહન મળીને કુલ રૂ. 6,15,520નો મુદ્દામાલ સીઝ કરાયો. બનાવ અંગે જામનગર જિલ્લા પુરવઠા વિભાગને જાણ કરવામાં આવી. સસ્તા અનાજનો જથ્થો ક્યાંથી આવ્યો અને કોને પહોંચાડવાનો હતો તે અંગે તપાસ શરૂ કરાઈ છે. પુરવઠા વિભાગ અને પોલીસ દ્વારા સમગ્ર કૌભાંડનું મૂળ શોધવા આગળની કાર્યવાહી હાથ ધરાઈ છે.

અમરેલીના પૂર્વ સાંસદ વિરજી ઠુમ્મરનું ટૂંકી બિમારી બાદ નિધન

પુર્વ સાંસદ અને કોંગ્રેસના દિગ્ગજ નેતા વિરજી ઠુમમરનુ નિધન થયું છે. વર્ષ 2004 થી 2009 દરમિયાન અમરેલીના સાંસદ રહ્યા હતા. 2017 થી 2022 દરમ્યાન લાઠી/બાબરા મતવિસ્તારનાં ધારાસભ્ય રહ્યા હતા. અનેક સહકારી સંસ્થાઓમાં પણ સેવા આપી છે. કોંગ્રેસનાં આક્રમક નેતાની છાપ ધરાવતા હતા વિરજી ઠુમમર. ટૂંકી બિમારી બાદ વિરજી ઠુમમરનુ અમરેલી ખાતે નિધન થયું હતું.

નવસારીના વિજલપોરમાં જન્મદિવસની ઉજવણીને લઈને બે જૂથ વચ્ચે ઘર્ષણની સ્થિતિ

વિજલપોર વિસ્તારમાં મોડી રાતની ઘટના, ફરીવાર બે જૂથો વચ્ચે તળાવપૂર્ણ વાતાવરણ ઊભું થયું, નવસારીના વિજલપોર શિવાજી ચોક ખાતે RVD પ્રમુખના જન્મદિવસની ઉજવણીને લઈને બે જૂથો સામસામે આવી ગયા હતા. છત્રપતિ શિવાજી મહારાજની પ્રતિમાને હાર પહેરાવીને કેક કાપવાનો કાર્યક્રમ રાખવામાં આવ્યો. સ્થાનિક રહેવાસી ન હોય તેવા વ્યક્તિ દ્વારા જાહેર રોડ પર ઉજવણી કરવા સામે ગણેશ ગુટ્ટે અને સમર્થકોએ સખત વાંધો નોંધાવ્યો. બંને જૂથો વચ્ચે બોલાચાલી અને માથાકૂટ થવાના આ મામલે સોશિયલ મીડિયા પર પોલીસ દ્વારા ટોળાને ખદેડતો એક વીડિયો પણ વાયરલ થયો. ઘટનાની જાણ થતાં જ વિજલપોર પોલીસ સ્ટેશનના પી.આઈ. સચિન પવાર તુરંત પોલીસ કાફલા સાથે ઘટનાસ્થળે દોડી આવ્યા હતા. પોલીસે સમયસૂચકતા વાપરી ભેગા થયેલા ટોળાને વિખેરી નાખ્યું હતું અને RVD જૂથે સમજૂતી દાખવી કાર્યક્રમ મોકૂફ રાખતા મોટો વિવાદ ટળી ગયો.

સુરત એરપોર્ટ પર પાર્કિંગ ફી મુદ્દે વિવાદ

સુરત એરપોર્ટ પર પાર્કિંગ ફી અને એક્સ્ટ્રા ચાર્જને લઈને વાહનચાલકોમાં રોષ જોવા મળ્યો છે. પાર્કિંગ ફી ચૂકવ્યા બાદ પણ એક્ઝિટ સમયે ફરી ₹30 વસૂલવામાં આવતો હોવાનો આક્ષેપ છે, જ્યારે નિર્ધારિત સમય વીતતા ₹80થી ₹120 સુધીની વસૂલાત થતી હોવાનો પણ દાવો કરાયો છે. ખાનગી કારને ₹80માં ફિક્સ પાર્કિંગ આપવાના તેમજ વ્હાઇટ અને યલો નંબર પ્લેટવાળા વાહનોને પાર્કિંગ આપવાના આક્ષેપ વચ્ચે ફ્લાઇટના સમયે માત્ર બે બૂથ ખુલ્લાં રહેતાં લાંબી લાઈનો લાગતી હોવાની ફરિયાદ છે. મામલો ઉગ્ર બનતાં વાહનચાલકો અને કોન્ટ્રાક્ટર વચ્ચે બોલાચાલી અને અપશબ્દો સુધી વાત પહોંચી હતી, જેનો વીડિયો સોશિયલ મીડિયામાં વાયરલ થયો છે.

અમદાવાદમાં મહેસૂલી કર્મચારીઓની અચોક્કસ મુદ્દતની હડતાળનો પ્રારંભ

અમદાવાદમાં મહેસૂલી કર્મચારીઓએ 14 જેટલી વિવિધ માગણીઓને લઈને કલેક્ટર કચેરી બહાર ધરણાં સાથે અચોક્કસ મુદ્દતની હડતાળ શરૂ કરી છે. હડતાળના પ્રથમ દિવસે કર્મચારીઓએ મુખ્ય માગણીઓ સાથે બદલી કરાયેલા હોદ્દેદારોના ઓર્ડર રદ કરવાની પણ માંગ કરી છે. કર્મચારી મંડળનો આક્ષેપ છે કે સરકારે વાર્તાલાપ માટે તેમને બોલાવ્યા નથી અને આંદોલનને કચડી નાખવા માટે કર્મચારીઓની બદલી કરવામાં આવી છે. માગણીઓ અંગે ચર્ચા કે નિર્ણય ન લેવાતા રાજ્યભરના 9 હજારથી વધુ મહેસૂલી કર્મચારીઓ હડતાળ પર ઉતર્યા છે, જેને મામલતદાર એસોસિએશને પણ સમર્થન આપ્યું છે.

જૂનાગઢમાં પરિણામ સારું ન આવતા વિદ્યાર્થિનીએ આપઘાત કર્યો

જૂનાગઢ તાલુકાના માંડણપરા ગામમાં B.Scમાં અભ્યાસ કરતી ખુશાલી મકવાણાએ ઝેરી ટીકડા ખાઈ આપઘાત કર્યો હોવાની ઘટના સામે આવી છે. ખુશાલીને તબીબ બનવાની ઈચ્છા હતી, પરંતુ અભ્યાસમાં ATKT આવતા તે માનસિક તણાવમાં હોવાની પ્રાથમિક માહિતી સામે આવી છે. પરિણામ સારું ન આવતા તેણે અંતિમ પગલું ભર્યું હોવાનું અનુમાન છે. વિદ્યાર્થિનીના આપઘાતથી પરિવારજનોમાં શોકની લાગણી પ્રસરી છે.

રાજ્યની ચાર એન્જિનિયરિંગ કોલેજ માસ કોપી કેસમાં ઝડપાઈ, GTUની કડક કાર્યવાહી

GTUની તપાસમાં રાજ્યની ચાર એન્જિનિયરિંગ કોલેજમાં વિદ્યાર્થીઓને સામૂહિક ચોરી કરાવવામાં આવતી હોવાની ગેરરીતિ સામે આવી છે. રાજકોટની અર્પિત કોલેજ, સુરત જિલ્લાની માંડવી ઇન્સ્ટિટ્યૂટ, મહેસાણાના કડીની VK પટેલ કોલેજ અને જૂનાગઢના ગડુની દધીચી કોલેજ સામે કાર્યવાહી કરવામાં આવી છે. રાજકોટની અર્પિત કોલેજમાં પરીક્ષાના પહેલા દિવસે 19 અને બીજા દિવસે 23 વિદ્યાર્થીઓ કોપી કરતા ઝડપાયા હતા, જ્યારે સુરતની માંડવી ઇન્સ્ટિટ્યૂટના 41 વિદ્યાર્થીઓ માસ કોપી કેસમાં પકડાયા હતા. બંને કોલેજને ₹2 લાખનો દંડ ફટકારી બે વર્ષ માટે પરીક્ષા કેન્દ્ર રદ કરાયું છે. કડીની VK પટેલ અને ગડુની દધીચી કોલેજમાં ડિપ્લોમાના 13-13 વિદ્યાર્થીઓ માસ કોપી કરતા ઝડપાતા બંને કોલેજને ₹1 લાખનો દંડ અને એક વર્ષ માટે પરીક્ષા કેન્દ્ર રદ કરાયું છે. વિદ્યાર્થીઓની પુરવણીમાં સરખું લખાણ મળી આવતા CCTVની તપાસ કરવામાં આવી હતી, જેમાં વિદ્યાર્થીઓ એકબીજાને સાહિત્ય આપતા અને મોબાઈલથી લખતા હોવાનું પણ સામે આવ્યું હતું.

કલોલના સાંતેજમાં ફૂડ વિભાગના દરોડા, શંકાસ્પદ ઘી મામલે તપાસ

ગાંધીનગરના કલોલના સાંતેજ વિસ્તારમાં ફૂડ વિભાગ અને પોલીસે વેજિટેબલ ફૂડ પ્રોસેસ ફેક્ટરીમાં સંયુક્ત તપાસ હાથ ધરી છે. શંકાસ્પદ ઘી મામલે ગજાનંદ ફૂડ કંપનીમાં દરોડો પાડી ચેકિંગ કરવામાં આવ્યું હતું. તપાસ દરમિયાન કંપનીમાં ઇન્ટ્રેરેસ્ટિફાઇડ વેજિટેબલ ફેટનું ઉત્પાદન થતું હોવાનું સામે આવ્યું છે. ફૂડ વિભાગે રો મટીરિયલના 3 નમૂના તેમજ પામોલિન તેલ અને વનસ્પતિના આશરે 5 નમૂના લઈ લેબોરેટરીમાં મોકલ્યા છે. ફૂડ સેફ્ટી સ્ટાન્ડર્ડ એક્ટ-2006 હેઠળ કરવામાં આવેલી તપાસમાં ક્ષતિઓ મળી આવતા કંપનીને ઇમ્પ્રુવમેન્ટ નોટિસ ફટકારવામાં આવી છે. હવે લેબોરેટરીના રિપોર્ટ આવ્યા બાદ આગળની કાર્યવાહી કરવામાં આવશે.

સુરતમાં મહેસૂલી કર્મચારીઓની આરપારની લડાઈ, 500 કર્મચારીઓ અચોક્કસ મુદતની હડતાળ પર

સુરતમાં વિવિધ પડતર માંગણીઓને લઈને મહેસૂલી કર્મચારીઓએ આરપારની લડાઈ શરૂ કરી છે. કલેક્ટર કચેરી ખાતે નાયબ મામલતદાર, તલાટી સહિત આશરે 500 કર્મચારીઓ અચોક્કસ મુદતની હડતાળ પર બેઠા છે. કર્મચારીઓના જણાવ્યા મુજબ તેમની માંગણીઓ નાણાકીય નહીં પરંતુ વહીવટી છે. એક દિવસ અગાઉ કર્મચારીઓ માસ સીએલ પર ઉતર્યા હતા, પરંતુ વિવિધ માંગણીઓનો ઉકેલ ન આવતા હવે અચોક્કસ મુદતની હડતાળનું એલાન કરવામાં આવ્યું છે. કર્મચારીઓની હડતાળને પગલે સરકારી કચેરીઓમાં કામગીરી પર અસર પડી છે અને વિવિધ કામો માટે આવેલા અરજદારો પણ પરેશાનીમાં મુકાયા છે. મહેસૂલી કર્મચારીઓએ સરકાર તેમની વિવિધ માંગણીઓ સ્વીકારે તેવી માગ કરી છે.

અમદાવાદની 10થી વધુ શાળાઓને બોમ્બથી ઉડાવી દેવાની ધમકી, તંત્ર દોડતું થયું

અમદાવાદમાં ફરી એક વખત શાળાઓને બોમ્બથી ઉડાવી દેવાની ધમકી મળતા તંત્રમાં દોડધામ મચી છે. શહેરની 10થી વધુ શાળાઓને ધમકીભર્યો મેઈલ મળ્યો હોવાનું સામે આવ્યું છે. જીવરાજ પાર્ક પાસે આવેલી ઝાયડસ શાળા, બોડકદેવની સ્કૂલ ફોર ચિલ્ડ્રન, SGVP, સંત કબીર સ્કૂલ અને એશિયલ સ્કૂલ સહિતની શાળાઓને ધમકી મળી છે. ખાલિસ્તાની નેશનલ આર્મીના નામે ધમકીભર્યો મેઈલ મોકલવામાં આવ્યો હોવાનું સામે આવતા પોલીસ અને BDDSની ટીમે તપાસ હાથ ધરી છે. શાળાઓમાં તેમજ આસપાસના વિસ્તારોમાં તપાસનો ધમધમાટ શરૂ કરવામાં આવ્યો છે. આ ઉપરાંત નરેન્દ્ર મોદી સ્ટેડિયમમાં યોજાનારા દિલજીત દોસાંજના શોને લઈને પણ ધમકી આપવામાં આવી હોવાનું સામે આવ્યું છે.

ગીર ગઢડામાં કૂવામાં ખાબક્યું સિંહબાળ, રેસ્ક્યુ બાદ માતા સાથે કરાવાયું પુનઃમિલન

ગીર ગઢડા તાલુકાના બોડીદર રેવન્યુ વિસ્તારમાં વાડીના કૂવામાં આશરે દોઢથી બે માસનું સિંહબાળ અકસ્માતે ખાબકી ગયું હતું. મોડી રાત્રે 12:20 વાગ્યે જાણ થતાં વનવિભાગની ટીમે તાત્કાલિક રેસ્ક્યુ કામગીરી હાથ ધરી હતી અને 1:25 વાગ્યે સિંહબાળને સલામત રીતે કૂવામાંથી બહાર કાઢવામાં આવ્યું હતું. રેસ્ક્યુ બાદ સિંહબાળને જસાધાર એનિમલ કેર સેન્ટર ખાતે તબીબી દેખરેખ હેઠળ રાખવામાં આવ્યું હતું. તબીબી તપાસ બાદ સિંહબાળને તેની માતા સાથે પુનઃમિલન કરાવવા માટે બોડીદર રેવન્યુ વિસ્તારમાં જ મુક્ત કરવામાં આવ્યું હતું. બોડીદર ગામના લાખાભાઈ પુંજાભાઈ ઘાટિયાની જગ્યાએ સિંહબાળને તેની માતા સાથે સુરક્ષિત રીતે છોડવામાં આવ્યું હતું.

અમદાવાદના નરોડામાં જાહેર રસ્તા પર જન્મદિવસની ઉજવણી, વીડિયો વાયરલ

અમદાવાદના નરોડા વિસ્તારમાં જાહેર માર્ગ પર જન્મદિવસની ઉજવણીનો વીડિયો સોશિયલ મીડિયા પર વાયરલ થયો છે. નૈનેશ વ્યાસ નામના યુવકે જાહેર રોડ પર રસ્તો બાનમાં લઈને ફટાકડા ફોડી જન્મદિવસની ઉજવણી કરી હોવાનું સામે આવ્યું છે. કાર પર કેક મૂકીને હાથમાં ફટાકડા રાખી ઉજવણી કરવામાં આવી હતી. નૈનેશ વ્યાસ અને આકાશ ચતુર્વેદી દ્વારા જાહેર માર્ગ પર ઉજવણી કરાઈ હોવાનો વીડિયો સામે આવતા પોલીસે સમગ્ર મામલે તપાસ શરૂ કરી છે.

વડોદરામાં બેફામ કાર ચાલકે માતા-પુત્રીને અડફેટે લીધી, ગંભીર અકસ્માત બાદ ફરાર

વડોદરામાં ગુરુકુળ ચાર રસ્તાથી વાઘોડિયા તરફ જતા માર્ગ પર બેફામ કાર ચાલકે ગંભીર અકસ્માત સર્જ્યો હતો. કાર ચાલકે એક્ટિવા પર સવાર માતા-પુત્રીને અડફેટે લેતા માતાને ગંભીર ઈજા પહોંચી હતી. ઈજાગ્રસ્ત મહિલાને સારવાર માટે ખાનગી હોસ્પિટલમાં ખસેડવામાં આવી છે. અકસ્માત બાદ કાર ચાલક ફરાર થઈ ગયો હતો. સ્થાનિકોએ કાર ચાલક નશાની હાલતમાં હોવાની આશંકા વ્યક્ત કરી છે. સમગ્ર મામલે પોલીસે ફરાર કાર ચાલકને ઝડપી પાડવા તજવીજ હાથ ધરી છે.

PM મોદીના શાસનકાળના 25 વર્ષ

વડાપ્રધાન નરેન્દ્ર મોદીના શાસનકાળના આજે 25 વર્ષ પૂર્ણ થયા છે. ત્યારે આ અવસરે PM મોદી દિલ્લીના શ્રી વિનાયક મંદિરમાં પહોંચ્યા હતા. અહીં તેમણે દર્શન કરી. પૂજા-અર્ચના કરી હતી  અને આશીર્વાદ મેળવ્યા. PM મોદીએ  સો. મીડિયા પર આ વીડિયો શેર કર્યો. અને સાથે જ દેશવાસીઓ માટે સુખ-સમૃદ્ધિની કામના વ્યક્ત કરી હતી.

ફિક્સ્ડ ડિપોઝિટ પર મનમાની રીતે વ્યાજ ઘટાડી નહીં શકે બેંક

ફિક્સ્ડ ડિપોઝિટ (FD)ના વ્યાજદરને લઈને હાઈકોર્ટે મહત્વનો નિર્ણય આપ્યો છે. હીરો એક્સપોર્ટ્સ અને ટિફિન્સ બેરીટ્સ વચ્ચેના વિવાદ મામલે કોર્ટે સ્પષ્ટ કર્યું છે કે કોર્ટના આદેશ પર બનાવવામાં આવેલી FD પર બેંક મનમાની રીતે વ્યાજ ઘટાડી શકશે નહીં. જો બેંકે વ્યાજદર ઘટાડવો હોય તો તેના માટે યોગ્ય અને કાયદેસર કારણ હોવું જરૂરી રહેશે. આ નિર્ણયથી કોર્ટના આદેશ હેઠળ FD કરાવનારા પક્ષકારોના વ્યાજના હક્કને મહત્વપૂર્ણ સુરક્ષા મળી છે.

ગાંધીનગર મનપા ચૂંટણીમાં 295માંથી 90 બુથ સંવેદનશીલ જાહેર

ગાંધીનગર મનપા ચૂંટણીને લઈને 295માંથી 90 મતદાન બુથને સંવેદનશીલ જાહેર કરવામાં આવ્યા છે. વોર્ડ નંબર 2માં 24માંથી 14 બુથ સંવેદનશીલ જાહેર કરાયા છે, જ્યારે વોર્ડ નંબર 4માં 13 અને વોર્ડ નંબર 9માં 12 બુથ સંવેદનશીલ છે. વોર્ડ નંબર 10માં 10 બુથ સંવેદનશીલ જાહેર કરાયા છે. બાકીના વોર્ડમાં સંવેદનશીલ બુથનો આંકડો સિંગલ ડિજિટમાં છે. જોકે, વોર્ડ નંબર 6માં કુલ 22 બુથમાંથી એકપણ બુથને સંવેદનશીલ જાહેર કરવામાં આવ્યું નથી

નવરાત્રીમાં રાત્રે 10થી 12 વાગ્યા સુધી જ લાઉડસ્પીકરની મંજૂરી

અમદાવાદમાં નવરાત્રીને લઈને 11થી 20 ઓક્ટોબર સુધી જાહેરનામું બહાર પાડવામાં આવ્યું છે. જાહેરનામા મુજબ રાત્રે 10થી 12 વાગ્યા સુધી લાઉડસ્પીકર વગાડી શકાશે, જ્યારે રાત્રે 12 વાગ્યા બાદ માઇક, લાઉડસ્પીકર અને પબ્લિક એડ્રેસ સિસ્ટમના ઉપયોગ પર પ્રતિબંધ રહેશે. આયોજકોએ નોઇઝ પોલ્યુશનના નિયમોનું પાલન કરવું પડશે. તેમજ હોસ્પિટલ, શૈક્ષણિક સંસ્થાઓ અને કોર્ટની આસપાસના સાયલન્સ ઝોનમાં સાઉન્ડ સિસ્ટમ વગાડવા પર પ્રતિબંધ રહેશે.

અમદાવાદ: એરપોર્ટ પર ₹47 લાખનું સોનું ઝડપાયું