07 નવેમ્બરના મહત્વના સમાચાર : અયોધ્યા દીપોત્સવમાં ઉપરાષ્ટ્રપતિ, રાજ્યપાલ અને મુખ્યમંત્રી યોગી ફૂલોથી શણગારેલા રામ મંદિરમાં આરતી કરશે

વડોદરાના સમા વિસ્તારમાં તસ્કરોએ બે ફ્લેટને નિશાન બનાવી લાખો રૂપિયાની ચોરીને અંજામ આપ્યો છે. રામા રેસિડેન્સીમાં આવેલા બે ફ્લેટમાં તસ્કરોએ હાથફેરો કર્યો હતો. હોસ્પિટલમાં પરિવાર રોકાયેલો હોવાનો લાભ ઉઠાવી તસ્કરોએ ઘરમાંથી સોના-ચાંદીના દાગીના સહિત રૂ.37 હજારની રોકડ ચોરી કરી હતી. બંને ફ્લેટમાંથી કુલ અંદાજે રૂ.11 લાખની મત્તાની ચોરી થતાં વિસ્તારમાં ચકચાર મચી ગઈ છે. ઘટનાની જાણ થતાં પોલીસે ચોરી અંગે ગુનો નોંધી તસ્કરોને ઝડપી પાડવા વધુ તપાસ હાથ ધરી છે.

દિવાળી પહેલા અયોધ્યામાં શ્રી રામ જન્મભૂમિ મંદિરને ફૂલોથી શણગારવામાં આવ્યું છે. આજે, દીપોત્સવ ઉજવણીના ભાગ રૂપે, ઉપરાષ્ટ્રપતિ સી.પી. રાધાકૃષ્ણન, ઉત્તર પ્રદેશના રાજ્યપાલ આનંદીબેન પટેલ અને મુખ્યમંત્રી યોગી આદિત્યનાથ શ્રી રામ જન્મભૂમિ મંદિરમાં શ્રી રામ લલ્લાની આરતી કરવા માટે સાથે જોડાશે.