03 માર્ચના મહત્વના સમાચાર : ઇરાનનો પરમાણુ મિસાઇલ કાર્યક્રમ વિશ્વ માટે ખતરો, ઈઝરાયલના PMનું મોટું નિવેદન

રાજકોટમાં ઉનાળાની શરૂઆત સાથે આગના બનાવોમાં વધારો જોવા મળી રહ્યો છે. શહેરના મવડી વિસ્તારમાં આવેલી ડ્રીમ સિટી અપાર્ટમેન્ટમાં અચાનક આગ ભભૂકી ઊઠતા અફરાતફરી મચી ગઈ હતી. આગની ઘટનામાં 20થી વધુ વાહનો બળીને ખાખ થઈ ગયા હતા. ઘટનાની જાણ થતાં ફાયર બ્રિગેડની ટીમ તાત્કાલિક સ્થળ પર પહોંચી અને ફ્લેટમાં ફસાયેલા એક વૃદ્ધનું સલામત રેસ્ક્યૂ કર્યું હતું. પ્રાથમિક તપાસ મુજબ શોર્ટ સર્કિટને પગલે આગ લાગી હોવાનું સામે આવ્યું છે.

રાજકોટઃ ભગવતી પરા વિસ્તારમાં બે ટોળા વચ્ચે ઘર્ષણ થયુ. હોળીના તહેવાર પર બે જૂથ સામસામે આવ્યા. પોલીસનો કાફલો ઘટનાસ્થળે પહોંચ્યો. તહેવાર પર શાંતિ ન ડહોળાય તે માટે પોલીસ એલર્ટ છે.

મધ્ય પૂર્વમાં ઈરાન-ઈઝરાયલ વચ્ચે યુદ્ધથી વિમાની સેવા પ્રભાવિત છે અને જેના કારણે ગુજરાતમાંથી સાઉદી અરેબિયા ખાતે ઉમરાહ કરવા ગયેલા અનેક લોકો ફસાયા છે. ભાવનગર શહેર અને જિલ્લામાંથી સાઉદી અરેબિયા ખાતે ઉમરાહ કરવા ગયેલા શ્રદ્ધાળુઓ આંતરરાષ્ટ્રીય ફ્લાઈટ્સ રદ થવાને કારણે ત્યાં જ અટવાયા છે..ભાવનગર મેમણ સમાજના પ્રમુખે આ અંગે ચિંતા વ્યક્ત કરતા સરકારને અપીલ કરી કે ભારતીયોને પરત લાવવા માટે સરકાર મદદ કરે.

Iran સાથે વધતા યુદ્ધી તણાવને કારણે United Arab Emiratesમાં Mehsana જિલ્લાના અંદાજે 45 જેટલા લોકો ફસાઈ ગયા હોવાનું સામે આવ્યું છે. પરિસ્થિતિને ધ્યાનમાં રાખીને મહેસાણાના સાંસદ હરિ પટેલના કાર્યાલય દ્વારા વિશેષ હેલ્પલાઇન શરૂ કરવામાં આવી છે. ફસાયેલા તમામ લોકોની વિગતો ભારતના વિદેશ મંત્રાલય તેમજ જિલ્લા કલેક્ટરને મોકલી આપવામાં આવી છે. Bahucharaji APMCના પૂર્વ ચેરમેન વિજય પટેલ પણ પરિવાર સહિત ત્યાં ફસાયેલા હોવાનું જાણવા મળે છે. સાંસદ હરિ પટેલે વિશ્વાસ આપ્યો છે કે એર સ્પેસ ખુલતા જ તમામ નાગરિકોને સુરક્ષિત રીતે પરત લાવવા જરૂરી നടപടીઓ હાથ ધરવામાં આવશે.

2026 નું પહેલું ચંદ્રગ્રહણ આજે થવા જઈ રહ્યું છે. નોંધપાત્ર રીતે, આ ચંદ્રગ્રહણ ભારતમાં દેખાશે, તેથી સૂતક કાળ ગ્રહણના નવ કલાક પહેલા જ શરૂ થઈ ગયો છે. જ્યોતિષીય દ્રષ્ટિકોણથી, આ ગ્રહણનું વિશેષ મહત્વ છે અને તેની અસરો ઘણી રાશિઓ પર જોઈ શકાય છે.