02 નવેમ્બરના મહત્વના સમાચાર : 25 નવેમ્બરથી સંસદનું શિયાળુ સત્ર શરૂ, અનેક મહત્વપૂર્ણ બિલ પર થશે ચર્ચા

ઝારખંડ વિધાનસભા ચૂંટણીમાં ભાજપના નેતૃત્વમાં NDA સંપૂર્ણ તાકાત સાથે ચૂંટણી મેદાનમાં ઉતર્યું છે. રાજ્યમાં સત્તાધારી JMMને હટાવવા માટે NDA સંપૂર્ણ શક્તિનો ઉપયોગ કરવાની તૈયારી કરી રહ્યું.PM મોદી સહિત કેન્દ્રીય સ્તરના ભાજપના નેતાઓ ઝારખંડમાં પ્રચાર કરશે..વડાપ્રધાન મોદી 4 નવેમ્બરે ઝારખંડમાં બે ચૂંટણી રેલીઓ કરશે. પીએમની આ સભાઓ ચાઈબાસા અને ગઢવામાં યોજાશે.  ઝારખંડમાં પ્રથમ તબક્કાના મતદાન પહેલા પીએમ મોદી ત્રણ ચૂંટણી સભાઓ કરશે.

કોંગ્રેસ નેતા અને લોકસભામાં વિપક્ષના નેતા રાહુલ ગાંધી ફરી એકવાર ઉત્તરપ્રદેશની મુલાકાતે જવાના છે. માહિતી પ્રમાણે 5 નવેમ્બરે રાહુલ ગાંધી રાયબરેલીની મુલાકાતે જશે. રાયબરેલીમાં યોજાનારી જિલ્લા તકેદારી નિરીક્ષણ સમિતિની બેઠકમાં રાહુલ ગાંધી હાજર રહેશે. આ પ્રવાસ દરમિયાન રાહુલ ગાંધી વિધાનસભા પેટાચૂંટણીને લઈને પ્રદેશ નેતાઓ સાથે ચર્ચા કરી શકે છે.

અમદાવાદના મણિનગર સ્થિત સ્વામીનારાયણ મંદિરમાં નવા વર્ષના પ્રારંભે અન્નકૂટોત્સવ યોજાયો. મોટી સંખ્યામાં ભક્તો અન્નકૂટોત્સવમાં ઉત્સાહથી જોડાયા હતા. અન્નકૂટમાં ભક્ષ્ય, ભોજય, લેહ્ય તેમજ ચોષ્ય પ્રકારના ભોજન બનાવવામાં આવ્યાં હતા.

ભરૂચ : જંબુસરમાં લોકોના ટોળાએ યુવક પર હુમલો કર્યો. જૂની અદાવતને લઇને 15 થી 20 લોકોના ટોળાએ હુમલો કર્યો. લોકોના ટોળાએ યુવકના મકાનને નિશાન બનાવી પથ્થરમારો કર્યો. લોકોના ટોળાએ ઘરમાં મચાવી ભારે તોડફોડ. હુમલામાં 4 લોકો ઇજાગ્રસ્ત થયા. જંબુસર પોલીસે 5 લોકોની અટકાયત કરી.

અમદાવાદના મણિનગર સ્થિત સ્વામીનારાયણ મંદિરમાં નવા વર્ષના પ્રારંભે અન્નકૂટોત્સવ યોજાયો. મોટી સંખ્યામાં ભક્તો અન્નકૂટોત્સવમાં ઉત્સાહથી જોડાયા હતા. અન્નકૂટમાં ભક્ષ્ય, ભોજય, લેહ્ય તેમજ ચોષ્ય પ્રકારના ભોજન બનાવવામાં આવ્યાં હતા. સ્વામિનારાયણબાપાને 361 અનેકવિધ વાનગીમાં મીઠાઈનો રાજા મેસૂબ, મોહનથાળ, મિઠાઈઓ, ફરસાણ, મુખવાસ, ફળ સહિત ધરાવવામાં આવ્યાં.

બનાસકાંઠાઃ ડીસા-થરાદ હાઇવે પર હિટ એન્ડ રનની ઘટના બની છે. રામપુરા ગામના આધેડનું કારની અડફેટે મોત થયુ છે. આધેડના મૃતદેહને ડીસા સિવિલમાં પોસ્ટમોર્ટમ માટે ખસેડાયો.
ડીસા પોલીસે ઘટનાસ્થળે પહોંચી વધુ તપાસ હાથ ધરી છે.

નૂતન વર્ષ નિમિત્તે યાત્રાધામ શામળાજીમાં ભગવાન શામળિયાને સુવર્ણ ભેટ અર્પણ કરવામાં આવી. હિંમતનગર અને કચ્છના શિણાઈના પરિવારે શેઠ શામળિયાને સોનાની પાદુકા અર્પણ કરી. 400 ગ્રામ વજનની સોનાની પાદુકાની કિંમત 30 લાખ રૂપિયા છે. શિણાઈના પરિવારે સોનાનું દાન કરી પૂજા અર્ચના કરી. શેઠ શામળિયાના દર્શન કરવા માટે મોટી સંખ્યામાં ભક્તોનું ઘોડાપૂર ઉમટ્યું.

નવા વર્ષના દિવસે ગુજરાતના મંદિરોમાં શ્રદ્ધાળુઓનું ઘોડાપૂર જોવા મળ્યુ. સોમનાથથી લઈ સાળંગપુરમાં ભક્તો ઉમટ્યા. તો ગોંડલ BAPS સ્વામિનારાયણ મંદિરમાં અન્નકૂટ ધપાવાયો.

અમદાવાદઃ કેન્દ્રીય ગૃહપ્રધાન અમિત શાહે નવા વર્ષની ઉજવણી કરી. પરિવાર અને કાર્યકરો સાથે નવા વર્ષની ઉજવણી કરી. CM ભૂપેન્દ્ર પટેલે અમિત શાહને મળી  નવા વર્ષની શુભેચ્છા આપી.
શાહના નિવાસસ્થાને મોટી સંખ્યામાં નવા વર્ષની શુભકામના આપવા કાર્યકરો ઉમટ્યાં. શાહે તમામ કાર્યકરોનું અભિવાદન ઝીલી શુભકામના પાઠવી.

પાટણમાં મોડીરાત્રે કાપડની દુકાનમાં ભીષણ આગ લાગી. ફટાકડાના કારણે ભીષણ આગ લાગી, મેઈન બજારમાં કાપડના શોરૂમમાં વિકરાળ આગ લાગી. કપડાનો શોરૂમ જૂના ગંજ બજારમાં આવેલો છે. આગ ઓલવવા માટે JCBથી દુકાનની દિવાલ તોડવી પડી. પાંચથી વધુ ફાયર ફાયટરોએ આગ પર કાબૂ મેળવ્યો.

ગીર સોમનાથ: સોમનાથના દરિયામાં ગોંડલનો એક યુવાન ડૂબ્યો. ફાયર વિભાગ દ્વારા શોધખોળ હાથ ધરવામાં આવી. બે ભાઈઓ દરિયા નજીક હતા તે દરમિયાન બની ઘટના.બે ભાઈમાંથી એકનો હાથ છૂટી જતા યુવક ડૂબ્યો હોવાની માહિતી.

નવા વર્ષ નિમિતે PM મોદીએ શુભેચ્છા આપી, PM મોદીએ કહ્યા, “નવા વર્ષના રામ રામ !”. લખ્યુ “આજથી પ્રારંભ થતું આ નવું વર્ષ આપના જીવનમાં સુખ, સફળતા અને સમૃદ્ધિ લઈને આવે”, “આપનું આરોગ્ય નિરામય રહે એવી પ્રાર્થના,.આગામી વર્ષમાં આપના બધા સપનાઓ સાકાર થાય. દરેક દિવસ નવી ઊર્જા અને સકારાત્મકતાથી ભરેલો રહે એવી અભ્યર્થના. નવા વર્ષની અનેક અનેક શુભેચ્છાઓ. નૂતન વર્ષાભિનંદન.

સુરત: હર્ષ સંઘવીએ પોલીસ અધિકારીઓને સૂચના આપી. તેમણે સક્રિય રીતે ડ્રગ્સ વિરોધી ઝૂંબેશ ચલાવવા ટકોર કરી.કહ્યુ- ડ્રગ્સનું કોઇ સેવન ન કરે તે માટે વ્યવસ્થા ઉભી કરવી જોઇએ. ડ્રગ્સ અંગેની ઘટના બને તો આપણા માટે સારી વાત ન કહેવાય. આપણા વિસ્તારમાં કોઇ ઘટના ન બને તે માટે મહેનત કરવી જોઇએ. કાયદો વ્યવસ્થા સાથે સમાજની વ્યવસ્થા સાચવવાની જવાબદારી પોલીસની છે.

ખેડાના જિલ્લામાં આવેલા વડતાલ મંદિરમાં અનોખો શણગાર કરાયો. મંદિર રંગબેરંગી રોશનીથી ઝળહળી ઉઠ્યું હતું. રંગબેરંગી લાઈટના શણગારથી મંદિર પરિસરમાં ભવ્ય નજારો સર્જાયો હતો.મહત્વનું છે કે. વડતાલ મંદિરનો 200 વર્ષ પૂર્ણ થતા 7થી 15 નવેમ્બર દરમિયાન દ્વિશતાબ્દી મહોત્સવ યોજાવવાનો છે. મહોત્સવ પહેલા મંદિરમાં અનોખી શોભા જોવા મળી રહી છે.