28 સપ્ટેમ્બરના મહત્વના સમાચાર : અમદાવાદ ક્રાઇમ બ્રાન્ચે  વટવા, ઓઢવ માટે નવા યુનિટ કાર્યરત કર્યા, હવે ચાંદખેડા અને બોડકદેવમાં પણ યુનિટ બનશે

ગુજરાત હાઇકોર્ટને આગામી સમયમાં મળી શકે નવા ચીફ જસ્ટિસ. ગુજરાત હાઇકોર્ટના ચીફ જસ્ટિસની સુપ્રીમ કોર્ટના ન્યાયાધીશ તરીકે ભલામણ. સુપ્રીમ કોર્ટની કોલેજીયમે કરી ભલામણ. ગુજરાત હાઇકોર્ટના અનેક ચીફ જસ્ટિસ પહોચ્યા છે સુપ્રીમ કોર્ટમાં. અગાઉ ચીફ જસ્ટિસ અરવિંદ કુમાર અને ચીફ જસ્ટિસ વિક્રમનાથ પણ પહોચ્યા છે સુપ્રીમ કોર્ટ.

નોર્થ વેસ્ટર્ન રેલવેના અજમેર ડિવિઝનના ઉદયપુર-હિંમતનગર સેક્શન પર નવી શામળાજી-નવી મોડાસા રેલ લાઇન પ્રોજેક્ટના ભાગરૂપે, શામળાજી યાર્ડમાં લાઇન નંબર 02 અને 03 વચ્ચે ક્રોસઓવર સ્થાપિત કરવા માટે નોન-ઇન્ટરલોકિંગ (NI) કામગીરીનું આયોજન કરવામાં આવ્યું છે. આ કામગીરીને કારણે કેટલીક ટ્રેનો આંશિક રીતે રદ રહેશે. તેની વિગતો નીચે મુજબ છે:

• ટ્રેન નં. 19822 કોટા-અસારવા એક્સપ્રેસ — 29 સપ્ટેમ્બર અને 02 ઓક્ટોબર 2026ના રોજ ઉદયપુર અને અસારવા વચ્ચે આંશિક રીતે રદ રહેશે.
• ટ્રેન નં. 19821 અસારવા-કોટા એક્સપ્રેસ — 30 સપ્ટેમ્બર અને 03 ઓક્ટોબર 2026ના રોજ અસારવા અને ઉદયપુર વચ્ચે આંશિક રીતે રદ રહેશે.
• ટ્રેન નં. 01905 કાનપુર-અસારવા સ્પેશિયલ — 28 સપ્ટેમ્બર અને 05 ઓક્ટોબર 2026ના રોજ ઉદયપુર અને અસારવા વચ્ચે આંશિક રીતે રદ રહેશે.
• ટ્રેન નં. 01906 અસારવા-કાનપુર સ્પેશિયલ — 29 સપ્ટેમ્બર અને 06 ઓક્ટોબર 2026ના રોજ અસારવા અને ઉદયપુર વચ્ચે આંશિક રીતે રદ રહેશે.

રેગ્યુલેટ કરાયેલ ટ્રેન

ટ્રેન નં. 69243 અસારવા-ચિત્તોડગઢ મેમુ (MEMU) — 04 અને 05 ઓક્ટોબર 2026ના રોજ મુસાફરી દરમિયાન 01 કલાક માટે નિયંત્રિત (રેગ્યુલેટ) કરવામાં આવશે.

અમદાવાદ ક્રાઇમ બ્રાન્ચના 2 નવા યુનિટ કાર્યરત કરાશે. આગામી સમયમાં વધુ 2 યુનિટ શરૂ કરાશે. વટવા, ઓઢવ સહિતના વિસ્તારોમાં નવી ટીમ કામગીરી કરશે. ચાંદખેડા અને બોડકદેવમાં પણ યુનિટ કાર્યરત કરાશે. ક્રાઇમ બ્રાન્ચની ફિલ્ડ પ્રેઝન્સ થશે વધુ મજબૂત. યુનિટ-1 અને યુનિટ-2નું 25 સપ્ટેમ્બરે પ્રારંભ કરાયો. નિયમિત પેટ્રોલિંગ અને સ્થાનિક માહિતીનું સંકલન કરાશે. ગંભીર બનાવોમાં ટીમો તાત્કાલિક સ્થળ પર પહોંચશે. બુટલેગર, જુગારી અને ડ્રગ્સના આરોપીઓ પર નજર રહેશે. વાહનચોરો અને ગેંગ સાથે સંકળાયેલા લોકો સામે કાર્યવાહી.

ગુજરાત રાજ્ય આરોગ્ય કર્મચારી મહાસઘના નેતાઓ મુખ્યમંત્રી અને નાયબ મુખ્યમંત્રીને મળ્યા. જુના પ્રમુખ વય મર્યાદાથી નિવૃત થતા નવા પ્રમુખની વરણી સાથે લેટર આપ્યો. સરકાર સમક્ષ આરોગ્ય કર્મચારીની બે પડતર માગોને લઈને કરી રજુઆત. ટેક્નિકલ કેડરમાં સમાવેશ અને ખતાકીય પરિક્ષાનો ઠરાવ સહિત આરોગ્ય કર્મચારીઓનું સર્વેલન્સ ભથ્થું ના કાપવા મુદે રજુઆત. સરકાર આરોગ્ય વિભાગની ઓનલાઈન કામગ્રીરી ના સંસાધન ના આપે ત્યાં સુધી ભથ્થું ના કાપવું તે મુદે રજુઆત કરી.

બનાસકાંઠા જિલ્લાની થરા નગરપાલિકા ચૂંટણી ઉમેદવાર ફોર્મ ચકાસણી બાદ ચિત્ર સ્પષ્ટ થયું છે. ચૂંટણી માટે 59 ફોર્મ માન્ય રહ્યાં છે. 119 ફોર્મ ભરાયા હતા તેમાંથી 60 ફોર્મ અમાન્ય અને 59 ફોર્મ માન્ય રહ્યા. ચકાસણી દરમ્યાન આમ આદમી પાર્ટીના 13 ફોર્મ માંથી 2 ફોર્મ રદ અને 11 ફોર્મ માન્ય રહ્યાં છે. ભાજપના 24 અને કોંગ્રેસના 24 ફોર્મ માન્ય રહ્યા. કોંગ્રેસ અને ભાજપ વચ્ચે સીધી ટક્કર થશે. 29 સપ્ટેમ્બરે ફોર્મ પરત ખેંચવાની અંતિમ તારીખ થરા નગરપાલિકાનું ચૂંટણીનું ચિત્ર સ્પષ્ટ થશે.

મહેસાણાના ઊંઝાના ગામ તળાવમાં બિનવારસી લાશ મળી આવી છે. જાણ થતાં ઊંઝા નગરપાલિકાની ફાયર ટીમ ઘટનાસ્થળે પહોંચી તળાવે. ફાયર ટીમે તળાવમાંથી લાશને બહાર કાઢીને ઊંઝા પોલીસને સોંપી. મૃતકના મોતનુ કારણ જાણવા અને અજાણ્યા મૃતકની ઓળખ માટે પોલીસે આગળની કાર્યવાહી કરી

સુરતના સરોલી સંગીની માર્કેટમાં લાગી આગ છે. માર્કેટના બીજા માળે આગ લાગતા અફરતફરી મચી જવા પામી હતી. ફાયર વિભાગની ટિમો ઘટના સ્થળે પહોચીને આગને કાબૂમાં લેવા માટે પ્રયાસ કર્યો હતો. આ દરમિયાન ફાયર બ્રિગેડના એક જવાનને ઈજા પહોચી હતી.

વડોદરામાં અશાંતધારો લાગુ કરવા માટે સ્થાનિકોએ રેલી યોજીને માંગ કરી છે. Tp13 સનાતન સંઘર્ષ સમિતિ દ્વારા રેલીનું આયોજન કરવામાં આવ્યું હતું. છાણી TP13 વિસ્તાર ને નિર્દીષ્ટ વિસ્તાર જાહેર કરવા માંગ કરવામાં આવી છે. 72 સોસાયટીઓ દ્વારા વિરોધ પ્રદર્શન કરવામા આવ્યું છે. સ્થાનિકોની માગણી અને ધ્યાનમાં લઈને યોગ્ય કાર્યવાહી નહીં કરવામાં આવે તો આગામી દિવસોમાં ઉગ્ર આંદોલનની ચીમકી પણ ઉચ્ચારવામાં આવી છે.

કોંગ્રેસ દ્વારા ચૂંટણી પંચ ઉપરના આરોપો અને વિરોધ પ્રદર્શનનો મામલે ભાજપ સામે આવ્યું છે. રાજકોટ શહેર ભાજપ કાર્યાલય ખાતે પત્રકાર પરિષદ યોજીને ભાજપે જાહેર કર્યુ કે,  સત્તા માટે કોંગ્રેસ હવે દેશની બંધારણીય સંસ્થાઓને નિશાન બનાવે છે. આવી સંસ્થાઓ ઉપર ખોટા આક્ષેપો કોંગ્રેસ બંધ કરે. કોંગ્રેસ અસત્ય નો સહારો લઈ રહી છે , એક કાલ્પનિક લેખને લઈને કોંગ્રેસ ચૂંટણી પંચ અને સરકાર ઉપર ખોટા આરોપ લગાવી રહી છે. સતત સત્તા માટે કોંગ્રેસ હવે દેશની બંધારણીય સંસ્થાઓ ઉપર ખોટા આક્ષેપો બંધ કરો. લોકો સામે કોંગ્રેસ ખુલ્લી પડી ગઈ છે , સત્તા મેળવવા હવે દેશનો પણ વિરોધ કોંગ્રેસ કરવા લાગી છે. કોંગ્રેસને દેશની પ્રજા ઓળખી ગઈ છે

સોના ચાંદીના ભાવમાં ફરી એક વખત કડાકો જોવા મળ્યો..MCX માર્કેટ ખુલતા જ સોના ચાંદીના ભાવ ઘટાડા સાથે ખુલ્યા. જેમાં 10 ગ્રામ સોના ભાવ 4 હજારના ઘટાડા સાથે 1.47 લાખે પહોંચ્યો. એક કિલો ચાંદીના ભાવ માં 8 હજારના ઘટાડા સાથે 2.26 લાખ ને ભાવ પહોંચ્યો છે.  ગત મહિને કરતા આ મહિને સોનાની કિંમત માં 8 હજાર અને ચાંદીમાં 15 હજાર ધટાડો થયો છે. સોના ચાંદીના ભાવ ઘટાડા પાછળનું કારણ વૈશ્વિક પરિસ્થિતિ છે. જે ઈરાન અને અમેરિકા વચ્ચે યુદ્ધ પરિસ્થિતિ હજી જોવા મળી રહી છે.

ઉજ્જૈનમાં આવેલી શાહી મસ્જિદ અંગે મ્યુનિસિપલ કોર્પોરેશનની કાર્યવાહી આગળ વધશે. મધ્ય પ્રદેશ હાઈકોર્ટે મુસ્લિમ પક્ષ દ્વારા દાખલ કરવામાં આવેલી અરજી ફગાવી દીધી છે. મધ્ય પ્રદેશ હાઈકોર્ટની ઈન્દોર ડિવિઝન બેન્ચે મસ્જિદના અમુક ભાગને તોડી પાડવાના આદેશ પર મનાઈ હુકમ આપવા માટે ઇનકાર કર્યો હતો.

સોહરાબુદ્દીન શેખ એન્કાઉન્ટર કેસમાં 22 આરોપીને નિર્દોષ છોડવાના નિર્ણયને પડકારતી અરજી સુપ્રીમ કોર્ટમાં દાખલ થઈ છે. જેના સંદર્ભમાં સુપ્રીમ કોર્ટે CBI, બોમ્બે હાઈકોર્ટ અને નિર્દોષ છુટેલા 22 આરોપીને કારણદર્શક નોટિસ પાઠવી છે. આ અરજી સોહરાબુદ્દીનના ભાઈ રૂબાબુદ્દીન શેખ દ્વારા દાખલ કરવામાં આવી છે. આ મામલે આગામી સુનાવણી 28 ઓક્ટોબરે નિર્ધારિત કરવામાં આવી છે.

બનાસકાંઠામાં ખેડૂતોના પડતર પ્રશ્નો અને વિવિધ માંગણીઓને લઈને ભારતીય કિસાન સંઘ દ્વારા આગામી 5 ઓક્ટોબરના રોજ ખેડૂત અધિકાર રેલી અને જાહેર સભાનું આયોજન કરવામાં આવ્યું છે. આ રેલીને લઈને આજે ખેડૂતોની બેઠક યોજાઈ હતી, જેમાં સરકાર સમક્ષ રજૂ કરવાના વિવિધ મુદ્દાઓ અંગે ચર્ચા કરવામાં આવી હતી.

અમદાવાદની સમરસ ગર્લ્સ હોસ્ટેલમાં ભોજનની ગુણવત્તાને લઈને વિદ્યાર્થિનીઓએ ગંભીર આક્ષેપો કર્યા છે. વિદ્યાર્થિનીઓના દાવા મુજબ છેલ્લા કેટલાક દિવસોથી ભોજનમાં સતત જીવાતો મળી રહી છે. એટલું જ નહીં, પીવાના પાણીમાં મરેલી ગરોળી મળી હોવાનો પણ આક્ષેપ કરવામાં આવ્યો છે. ભોજન અને પાણીની ગુણવત્તા સામે સવાલો ઉઠાવી વિદ્યાર્થિનીઓએ હોસ્ટેલ તંત્ર સામે ધરણાં શરૂ કરી વિરોધ નોંધાવ્યો છે.

સુપ્રીમ કોર્ટે કેન્દ્ર સરકારને નિર્દેશ આપ્યો છે કે, તેઓ તમામ સોશિયલ મીડિયા કંપનીઓને સૂચનાઓ આપે કે 18 વર્ષથી ઓછી ઉંમરની વ્યક્તિઓ સોશિયલ મીડિયા એકાઉન્ટ બનાવે નહીં. સુપ્રીમ કોર્ટે નોંધ્યું હતું કે માતા-પિતાની દેખરેખ હેઠળ ચોક્કસ ઉંમર પછી એકાઉન્ટ રાખવાની મંજૂરી આપી શકાય છે.

વડોદરાના ટીપી-13 વિસ્તારમાં અશાંતધારા કાયદો લાગુ કરવાની માંગ સાથે સ્થાનિકોએ વિરોધ પ્રદર્શન કર્યું હતું. સ્થાનિકોનો આક્ષેપ છે કે વિસ્તારમાં અન્ય ધર્મના લોકોની સંખ્યા વધવાને કારણે મુશ્કેલી ઊભી થઈ રહી છે. આ મુદ્દે યોગ્ય કાર્યવાહી કરવામાં નહીં આવે તો ઉગ્ર આંદોલન કરવાની ચીમકી આપવામાં આવી છે. સ્થાનિકોએ અકોટા સ્ટેડિયમથી કલેક્ટર કચેરી સુધી રેલી કાઢી વિરોધ નોંધાવ્યો હતો.

અમદાવાદમાં નકલી ઘી વેચતા વેપારીઓ સામે મનપાએ કાર્યવાહી શરૂ કરી છે. કોર્પોરેશન દ્વારા માધુપુરા માર્કેટમાં આવેલી એચ.પી. ફૂડ્સમાંથી અલગ-અલગ બ્રાન્ડના ઘીના સેમ્પલ લેવામાં આવ્યા હતા. તપાસ દરમિયાન એક જ દુકાનના પાંચેય સેમ્પલ ફેલ થયા હોવાનું સામે આવ્યું છે. એક જ વેપારી દ્વારા અલગ-અલગ બ્રાન્ડના નામે ઘી વેચવામાં આવતું હોવાનું પણ સામે આવતા મનપાએ એચ.પી. ફૂડ્સ સામે કાર્યવાહી હાથ ધરી છે.

વડોદરામાં CEC જ્ઞાનેશકુમારના રાજીનામાની માંગ સાથે કોંગ્રેસ દ્વારા વિરોધ પ્રદર્શન કરવામાં આવ્યું હતું. કોંગ્રેસના કાર્યકરોએ 2024ની લોકસભા ચૂંટણીમાં પણ ગેરરીતિ થઈ હોવાના આક્ષેપો કર્યા હતા અને ચૂંટણી પ્રક્રિયા અંગે સવાલો ઉઠાવ્યા હતા. કોંગ્રેસે જ્ઞાનેશકુમાર રાજીનામું આપે તેવી માંગ કરી છે. જો રાજીનામું નહીં આપવામાં આવે તો આગામી દિવસોમાં વધુ ઉગ્ર આંદોલન કરવાની ચીમકી કોંગ્રેસ દ્વારા આપવામાં આવી છે. કોંગ્રેસે દેશભરમાં CECના રાજીનામાની માંગ સાથે વિરોધ પ્રદર્શનનું આયોજન કર્યું છે.

અમદાવાદના ઠક્કરનગર વિસ્તારમાં સસ્તો દારૂ મોંઘી બ્રાન્ડની બોટલમાં ભરી વેચતી મીની ફેક્ટરીનો પોલીસે પર્દાફાશ કર્યો છે. ઝોન-5 LCB અને કૃષ્ણનગર પોલીસે સંયુક્ત રીતે દરોડો પાડી તપાસ હાથ ધરતા ત્રણ બુટલેગરોએ મકાન ભાડે રાખીને દારૂની ફેક્ટરી શરૂ કરી હોવાનું સામે આવ્યું હતું. પોલીસે સ્થળ પરથી દારૂના સ્ટીકર, બોટલો સહિત કુલ રૂ.1.40 લાખનો મુદ્દામાલ જપ્ત કર્યો છે. પોલીસે હેમલ ઉર્ફે હેમુ વાઘેલાની ધરપકડ કરી છે, જ્યારે બે વોન્ટેડ આરોપીઓને ઝડપી પાડવા પોલીસે શોધખોળ શરૂ કરી છે.

વડોદરાના માંડવી રોડ વિસ્તારમાં જૂની અદાવતને લઈને બે પક્ષો વચ્ચે મારામારીની ઘટના સામે આવી છે. બંને પક્ષો વચ્ચે થયેલી મારામારીના દ્રશ્યો કેમેરામાં કેદ થયા છે. ઘટનાની જાણ થતાં સિટી અને વાડી પોલીસનો કાફલો સ્થળ પર પહોંચ્યો હતો. પોલીસે ઘટનાસ્થળે પહોંચીને સમગ્ર મામલે તપાસ હાથ ધરી છે. મારામારી પાછળનું ચોક્કસ કારણ શું હતું અને ઘટનામાં કોણ-કોણ સામેલ હતું તે અંગે પોલીસે તપાસ શરૂ કરી છે.

મધ્યપ્રદેશના ઉજ્જૈનમાં મસ્જિદના કેટલાક હિસ્સાને તોડવાને લઈને વિવાદ સર્જાયો છે. પ્રશાસન દ્વારા મસ્જિદના 11 ફૂટના હિસ્સા સામે કાર્યવાહી કરવાની તૈયારી કરવામાં આવી રહી છે. કાર્યવાહી પહેલાં મસ્જિદની આસપાસ મોટી સંખ્યામાં લોકો એકત્ર થયા હતા. મુસ્લિમ સમાજ દ્વારા મસ્જિદનો હિસ્સો તોડવાની કાર્યવાહીનો વિરોધ કરવામાં આવી રહ્યો છે. પરિસ્થિતિને ધ્યાનમાં રાખીને પ્રશાસન દ્વારા સ્થળ પર જરૂરી વ્યવસ્થા ગોઠવવામાં આવી હોવાનું જાણવા મળ્યું છે.

આંતરરાષ્ટ્રીય માર્કેટમાં હલચલ વચ્ચે સોના અને ચાંદીના ભાવમાં મોટો ઘટાડો નોંધાયો છે. MCX માર્કેટ ખુલતાની સાથે જ સોનાના ભાવમાં ₹3,000નો ઘટાડો થયો હતો, જેના પગલે 10 ગ્રામ સોનાનો ભાવ ઘટીને ₹1.48 લાખ પર પહોંચ્યો છે. બીજી તરફ ચાંદીના ભાવમાં પણ ₹6,000નો કડાકો બોલાયો છે અને ચાંદીનો ભાવ ઘટીને ₹2.28 લાખ પ્રતિ કિલોગ્રામના સ્તરે પહોંચ્યો છે. આંતરરાષ્ટ્રીય બજારના ઉતાર-ચઢાવની સીધી અસર સ્થાનિક બુલિયન માર્કેટ પર જોવા મળી રહી છે.

ચાઈનીઝ ફટાકડાના ગેરકાયદે આયાત મામલે DRIએ મોટી કાર્યવાહી હાથ ધરી છે. મુંબઈના ન્હાવાશેવા પોર્ટ પર દરોડા પાડી તપાસ દરમિયાન વોલ પેપર અને બોટલના નામે મંગાવવામાં આવેલા પ્રતિબંધિત ચાઈનીઝ ફટાકડાનો જથ્થો ઝડપાયો છે. DRIએ અંદાજે ₹3 કરોડની કિંમતનો પ્રતિબંધિત ફટાકડાનો જથ્થો જપ્ત કર્યો છે. આ મામલે મુંબઈમાં એક એજન્ટની ધરપકડ કરવામાં આવી છે. તપાસમાં સૌરાષ્ટ્રના વેપારીઓ દ્વારા આ પ્રતિબંધિત ફટાકડા મંગાવવામાં આવ્યા હોવાની માહિતી સામે આવી છે. રાજકોટ, ધોરાજી અને જામનગરના વેપારીઓના નામ પણ તપાસમાં ખુલ્યા હોવાનું જાણવા મળ્યું છે. સમગ્ર મામલે DRI દ્વારા વધુ તપાસ હાથ ધરવામાં આવી છે.

નેપાળના મનાંગ જિલ્લામાં મોટી હિમસ્ખલનની દુર્ઘટના સર્જાઈ છે. નાર ફૂ વિસ્તારમાં 7,126 મીટરની ઊંચાઈએ આવેલા પર્વતના બેઝ કેમ્પ પર હિમસ્ખલન થતાં ટેન્ટ બરફમાં દટાઈ ગયો હતો. ઘટનાસમયે ટેન્ટમાં 9 પર્વતારોહકો અને 13 સહાયક કર્મચારીઓ સહિત કુલ 22 લોકો હાજર હોવાનું સામે આવ્યું છે. હિમસ્ખલનની આ ઘટનામાં પર્વતારોહકો સહિત 12 લોકો લાપતા થયા હોવાની માહિતી છે. ઘટના બાદ લાપતા લોકોને શોધવા માટે બચાવ કામગીરી હાથ ધરવામાં આવી છે.

ગુજરાતમાં નબળા ચોમાસા વચ્ચે અનેક જળાશયોમાં પાણીના સ્તરમાં ઘટાડો જોવા મળી રહ્યો છે. રાજ્યના કુલ 108 જળાશયોમાં 50 ટકાથી ઓછું જળસ્તર નોંધાયું છે, જ્યારે 72 જળાશયોમાં 25 ટકાથી પણ ઓછો પાણીનો જથ્થો ઉપલબ્ધ છે. કચ્છમાં સૌથી ઓછું 32.61 ટકા જળસ્તર નોંધાયું છે. જોકે, હાલ રાજ્યના 32 જળાશયો છલોછલ ભરાયેલા છે. સરદાર સરોવરમાં 99 ટકા જળસ્તર હોવાથી રાજ્ય માટે રાહત છે. ઝોન પ્રમાણે જોઈએ તો ઉત્તર ગુજરાતમાં 46.69 ટકા, મધ્ય ગુજરાતમાં 72.16 ટકા, દક્ષિણ ગુજરાતમાં સૌથી વધુ 85 ટકા અને સૌરાષ્ટ્રના જળાશયોમાં 51.84 ટકા પાણીનો જથ્થો ઉપલબ્ધ છે.

જામનગરમાં GSTની નોટિસો અને જટિલ કાયદાઓ સામે બ્રાસ ઉદ્યોગકારોમાં રોષ જોવા મળી રહ્યો છે. આ મુદ્દે ફેક્ટરી ઓનર્સ એસોસિએશન, ચેમ્બર અને પ્લોટ હોલ્ડર્સના આહ્વાનથી બ્રાસ ઉદ્યોગો બંધ રાખવાનો નિર્ણય લેવાયો છે. શંકરટેકરી, ફેઝ-2, ફેઝ-3 સહિતના ઔદ્યોગિક વિસ્તારોમાં 4,500થી વધુ એકમો બંધમાં જોડાશે. સવારે ફેક્ટરી ઓનર્સ એસોસિએશન ખાતેથી મૌન બાઇક રેલી યોજાશે, ત્યારબાદ કલેક્ટરને આવેદનપત્ર આપી GSTના નિયમોમાં જરૂરી સુધારા કરવાની રજૂઆત કરવામાં આવશે.

બેંકોમાં 5 દિવસ કામકાજની માંગને લઈને આજથી થનારી ત્રણ દિવસની બેંક હડતાળ મુલતવી રાખવામાં આવી છે. એટલે કે 28, 29 અને 30 સપ્ટેમ્બરે થનારી ત્રણ દિવસની દેશવ્યાપી હડતાળ હાલમાં નહીં થાય. ઇન્ડિયન બેંક એસોસિએશન અને યુનાઇટેડ ફોરમ ઑફ બેંક યુનિયન્સ વચ્ચે રવિવારે મોડી રાત્રે થયેલી બેઠકમાં આ નિર્ણય લેવામાં આવ્યો હતો. બેઠકમાં રજાઓની માંગને લઈને કમિટી બનાવવા પર સહમતિ બની છે.