Gandhinagar: વાઈબ્રન્ટ ગુજરાત સમિટ-2024 આગામી 11 થી 13 જાન્યુઆરી વચ્ચે યોજાવાની શક્યતા
Gandhinagar: રાજ્ય સરકારના ટોચના સૂત્રોના જણાવ્યા અનુસાર, ગુજરાત સરકારની ફ્લેગશિપ ઈન્વેસ્ટમેનેટ સમિટ, વાઈબ્રન્ટ ગુજરાત ગ્લોબલ સમિટ આગામી વર્ષે 11 થી 13 જાન્યુઆરી 2024 દરમિયાન આયોજિત થઈ શકે છે. વાઈબ્રન્ટ ગુજરાત ગ્લોબલ સમિટ છેલ્લે વર્ષ 2019માં આયોજિત થઈ હતી.
રાજ્ય સરકારના ટોચના સૂત્રોના જણાવ્યા મુજબ પાંચ વર્ષના વિરામ બાદ ગુજરાત સરકારની ફ્લેગશિપર ઈન્વેસ્ટમેન્ટ સમિટ, વાઈબ્રન્ટ ગુજરાત ગ્લોબલ સમિટ આગામી વર્ષે 11થી13 જાન્યુઆરી 2024 દરમિયાન આયોજિત થઈ શકે છે. છેલ્લે આ સમિટ વર્ષ 2019માં આયોજિત થઈ હતી. જેમા લગભગ 28,360 MOU પર હસ્તાક્ષર કરવામાં આવ્યા હતા. જેમા રિન્યુએબલ એનર્જી સેક્ટરમાં ઓછામાં ઓછા રૂપિયા એકર લાખ કરોડના MOU થયા હતા.
વાઈબ્રન્ટ ગુજરાતની યજમાની માટે રાજ્ય સરકાર દ્વારા તડામાર તૈયારીઓ ચાલી રહી છે. રાજ્ય વહીવટીતંત્ર દ્વારા વાઈબ્રન્ટ ગુજરાત ગ્લોબલ સમિટ -2024 ને પ્રમોટ કરવાની યોજનાની ફાઈનલ બ્લુપ્રિન્ટ તૈયાર કરવામાં આવી રહી છે. પ્રમોશન માટેની એક્ટિવિટી પણ જૂલાઈથી શરૂ થાય તેવી ગણતરી છે. રાજ્યના અધિકારીઓ મુખ્ય મેટ્રોપોલિટન શહેરો તેમજ રાજ્યની રાજધાનીઓમાં રોડ શો યોજશે તેવુ એક ઉચ્ચ અધિકારી દ્વારા જણાવવામા આવ્યુ હતુ.
કોરોના બાદ વાઈબ્રન્ટ ગુજરાત ગ્લોબલ સમિટ જાન્યુઆરી 2022માં યોજાવાની હતી. જો કે પાછળથી છેલ્લી ઘડીએ આ કાર્યક્રમ મોકુફ રાખવામાં આવ્યો હતો. ઉલ્લેખનીય છે કે તે સમયે રશિયા-યુક્રેન વચ્ચે તણાવ ચરમસીમા પર હતો જ્યારે કોરોનાના નવા સામે આવેલા ઓમિક્રોન વેરિયન્ટને કારણે કોરોના કેસમાં પણ ઉછાળો આવ્યો હતો.
વાઈબ્રન્ટ ગુજરાત ગ્લોબલ સમિટ માટે 127 કરોડ ફાળવવામાં આવ્યા
આ વર્ષે રાજ્ય વહીવટીતંત્ર આ સમિટનું આયોજન કરવા માટે સંપૂર્ણ રીતે સજ્જ છે. આ સમિટ માટે રાજ્યના મુખ્ય સચિવની અધ્યક્ષતામાં બે-ઉચ્ચ-સ્તરીય બેઠકો યોજાઈ ચુકી છે. તેમ આધારભૂત સૂત્રોએ જણાવ્યુ હતુ. સૂત્રો અનુસાર મેગા ઈન્વેસ્ટમેન્ટ સમિટની 10મી આવૃતિમાં સહભાગી થવા માટે યુ.એસ., યુકે, જાપાન, જર્મની, નેધરલેન્ડ ઉપરાંત ગલ્ફ દેશો અને આફ્રિકન દેશો સહિતના દેશોનો સંપર્ક કરવામાં આવશે.
VGGS 2024ને પ્રોત્સાહન આપવા માટે રાજ્ય સરકારે રૂ. 127 કરોડનું બજેટ નક્કી કર્યું છે. “કેન્દ્ર સરકારના અધિકારીઓ સાથે પણ ઇવેન્ટના આકાર અંગેના તેમના ઇનપુટ્સ માટે મુખ્ય ચર્ચાઓ કરવામાં આવી રહી છે. બિઝનેસ-ટુ-બિઝનેસ મીટિંગ્સનું નિયમિત ફોર્મેટ, દેશો વચ્ચે સેમિનાર અને ચર્ચાઓ ચાલુ રહેશે,” તેમ અધિકારીઓએ જણાવ્યુ હતુ.
આ પણ વાંચો: Big Breaking News : ગુજરાતમાં કોરોના કેસમાં ધરખમ વધારો, આજે નવા 304 કોરોના કેસ નોંધાયા
સૂત્રોએ જણાવ્યું હતું કે વિદેશી વેપાર અને રોકાણ કચેરીઓ સાથે પ્રારંભિક ચર્ચાઓ શરૂ થઈ ગઈ છે. અગાઉની આવૃત્તિમાં કેટલીક મુખ્ય ભાગીદાર સંસ્થાઓમાં ઓસ્ટ્રેલિયા ઈન્ડિયા બિઝનેસ કાઉન્સિલ (AIBC), કેનેડા ઈન્ડિયા ફાઉન્ડેશન, ઈન્ડો-અમેરિકન ચેમ્બર ઓફ કોમર્સ, ફિનલેન્ડ ચેમ્બર ઓફ કોમર્સ, જાપાન એક્સટર્નલ ટ્રેડ ઓર્ગેનાઈઝેશન, કોરિયા ટ્રેડ-ઈન્વેસ્ટમેન્ટ પ્રમોશન એજન્સી, નેધરલેન્ડનો બિઝનેસ સપોર્ટ ઓફિસ, અને યુએસ ઈન્ડિયા બિઝનેસ કાઉન્સિલ સહિતનાનો સમાવેશ થાય છે.
સમિટ માટે શહેરની હોટલોની પણ પ્રાથમિક પૂછપરછ શરૂ થઈ હોવાનું ઈન્ડસ્ટ્રીના સૂત્રોએ જણાવ્યું હતું. VGGS 2019 ની અગાઉની આવૃત્તિમાં, 135 દેશોમાંથી લગભગ 42,000 પ્રતિનિધિઓએ ભાગ લીધો હતો. વિવિધ દેશોના છ રાજ્યોના વડાઓ ઉપરાંત વિવિધ રાષ્ટ્રોના સાત મંત્રીઓ અને 30 રાજદ્વારીઓ ઉપસ્થિત રહ્યા હતા. VGGS 2019માં 15 દેશોને વાઈબ્રન્ટમાં સહભાગી દેશ બનાવવામાં આવ્યા હતા.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો…
Published On - 3:00 am, Tue, 18 April 23
