સુરતના પાંડેસરા વિસ્તારમાં ફરી વળ્યા ખાડીના પાણી, 1000થી વધુ ઘરમાં 2 ફુટથી વધુ પાણી

સુરતમાં વરસેલા ભારે વરસાદ અને ઉપરવાસમાં વરસેલા વરસાદથી સુરતના કેટલાક વિસ્તારોમાં ખાડીના પાણીનુ સંકટ તોળાયુ છે. સુરતના પાંડેસરા વિસ્તારમાંથી પસાર થઈ રહેલ ભેદવાડી ખાડી ઓવરફ્લો થતા પાંડેસરા વિસ્તારની અનેક સોસાયટી અને ઘરમાં પાણી ફરી વળ્યા છે. પાંડેસરા વિસ્તારના આશરે 1000 ઘરમાં બે ફુટથી વધુ પાણી ભરાઈ ગયા છે. ઉપરવાસમાં વરસેલા વરસાદનુ પાણી ભેદવાડી ખાડીમાં વહી રહ્યું છે. અને ભેદવાડી ખાડીનું પાણી સુરતના પાંડેસરા વિસ્તારમા ફરી વળ્યું છે. ઉપરવાસમાં વરસાદ વરસવાનું ચાલુ રહે તો સુરતના અન્ય વિસ્તારોમાં પણ વરસાદી પાણી ફરી વળવાની સંભાવના હોવાનું જાણકારોનું કહેવુ છે.

આ પણ વાંચોઃસુરત પરવતપાટીયા-ઘોડદોડ રોડ પર 3 ફુટ પાણી, વાહનવ્યવહાર ઠપ્પ, લોકોના ઘરમાં ધૂસ્યા વરસાદી પાણી