અમેરિકી રાષ્ટ્રપતિ ડોનાલ્ડ ટ્રમ્પના ગુજરાત પ્રવાસ દરમિયાન જાણો ગણતરીની કેટલી મિનિટ સુધી જશે ગાંધી આશ્રમ

અમેરિકી રાષ્ટ્રપ્રમુખ ડોનાલ્ડ ટ્રંપ અમદાવાદની મુલાકાત દરમિયાન ગાંધીઆશ્રમ પણ જશે અત્યાર સુધી ટ્રંપની ગાંધીઆશ્રમની મુલાકાત અંગે અનેક અટકળો ચાલી રહી હતી. જોકે ગાંધીઆશ્રમના ટ્રસ્ટી અમૃત મોદીએ તમામ અટકળોનો અંત લાવી દીધો છે. અને બંને મહાનુભવો, વડાપ્રધાન મોદી અને ડોનાલ્ડ ટ્રંપ 15 મિનિટ સુધી ગાંધીઆશ્રમમાં રોકાણ કરશે. મળતી માહિતી અનુસાર, બન્ને મહાનુભાવો બપોરે 12થી સાડા બાદની વચ્ચે આશ્રમ ખાતે આવશે. અને અહીં 15 મિનિટ સુધી રોકાણ કરશે. આ દરમિયાન તેઓ હ્રદયકુંજ સ્મારકની પણ તેઓ મુલાકાત લશે. જોકે શક્યતા એક એ પણ છે કે ટ્રંપ આશ્રમની મુલાકાત દરમિયાન ચરખો પણ કાંતી શકે છે.

આ પણ  વાંચોઃ અમેરિકી રાષ્ટ્રપતિ ડોનાલ્ડ ટ્રમ્પની અમદાવાદ મુલાકાત આ એક પરિવાર માટે વિઘ્નરૂપ

તો ગાંધીઆશ્રમની મોદી-ટ્રંપની મુલાકાત માટે હાલ તડામાર તૈયારીઓ ચાલી રહી છે. ખાસ બંને મહાનુભવો માટે એક સ્ટેજ તૈયાર કરવામાં આવ્યો છે. જ્યાં બે ખુરશીઓ પણ મુકવામાં આવી છે.  જ્યાં બેસીને ટ્રંપ રિવરફ્રંટનો નજારો પણ માણે તેવી શક્યતાઓ છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો