કોરોના મહામારી વચ્ચે 15 ઓક્ટોબરથી ખુલશે મલ્ટિપ્લેક્સ, 50% ક્ષમતા સાથે મલ્ટિપ્લેક્સ ખોલવાની મંજૂરી

માર્ચમાં લોકડાઉન આવ્યું ત્યાર બાદ અનલોક અને હવે 7 મહિના બાદ ખુલી રહેલા મલ્ટિપ્લેક્સ અને સિનેમા માટે સરકારે સ્ટાન્ડર્ડ ઓપરેટિંગ પ્રોસીઝર એટલે કે SOP બહાર પાડી છે. 15 ઓક્ટોબરથી 50 ટકા કેપેસિટીની સાથે મલ્ટિપ્લેક્સ ખોલવાની પરવાનગી છે. જોકે સોશિયલ ડિસ્ટન્સ રાખવું પડશે. બે લોકો બેસશે તેની વચ્ચેની સીટ ખાલી રહેશે. સિનેમા હોલની અંદર પેકેજ્ડ ફૂડની જ મંજૂરી આપવામાં આવશે. યોગ્ય વેન્ટિલેશનની વ્યવસ્થા કરવી પડશે. એસીનું ટેમ્પરેચર 23 ડિગ્રી પર રાખવામાં આવશે. શો પહેલાં અથવા ઈન્ટર્વલ પહેલાં કે પછી કોરોના અવેરનેસ માટે 1 મિનિટની ફિલ્મ દેખાડવી જરૂરી. કેન્દ્રીય મંત્રી પ્રકાશ જાવડેકરે SOP જાહેર કરતાં કહ્યું કે, મલ્ટિપ્લેક્સ ટિકિટ ઓનલાઈન બુક થાય તો વધારે સારું છે. જોકે સિંગલ સ્ક્રીન થિયેટર્સમાં બોક્સ ઓફિસ પણ ખુલ્લી રહેશે.

આ પણ વાંચો: કોઇ એક જ ટીમ તરફથી સૌથી વધુ મેચ રમવાનો વિરાટ કોહલીએ નોંધાવ્યો વિક્રમ, પ્રથમ ત્રણમાં ધોની અને રૈનાને પાછળ છોડ્યો

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો