VIDEO: માંડલમાં દલિત યુવકની હત્યાના કેસમાં નવો વળાંક, મુખ્યપ્રધાન સુધી આ મામલે રજૂઆત કરી હતી

અમદાવાદના માંડલમાં દલિત યુવકની હત્યા કેસમાં નવો વળાંક સામે આવ્યો છે. યુવતીએ માંડલ પોલીસ સ્ટેશન અને મુખ્યપ્રધાન સુધી આ મામલે રજૂઆત કરી હતી. યુવતીએ અરજીમાં પોતાના જ પરિવારજનો પર આરોપ લગાવ્યો હતો. દલિત પતિ અને તેમના પરિવારજનોને ધમકી મળતી હોવાનો અરજીમાં ઉલ્લેખ કર્યો હતો.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

જેને લઈને માંડલ પોલીસે આ અરજી મામલે કાયદેસરની કાર્યવાહી પણ કરી હતી. કલમ 151 અને 107 મુજબ પોલીસે યુવતીના પરિવારજનો પાસેથી પાંચ હજાર રૂપિયાની સિક્યોરિટી ભરાવીને બાંહેધરી લીધી હતી.

આ પણ વાંચોઃ ગુજરાતમાં ખેંચાયેલા વરસાદ વચ્ચે સારા સમાચાર, અલ-નીનો નબળું પડતા હવામાન વિભાગની આગાહી

આ ઉપરાંત તેઓ યુવતીઓના સાસરિયાઓને હેરાન નહીં કરે તેવી બાંહેધરી લેવડાવવામાં આવી હતી. યુવતીએ પોતાની અરજીમાં તેમના પતિ સહિત પાંચ પરિવારજનોના નામ લખ્યા હતા. જેમાં ઉલ્લેખ હતો કે, તેમના પતિ અને સાસરિયાઓ સાથે કોઈ અઘટિત ઘટના બને છે તો તેના માટે માત્ર તેમના પિતા જ જવાબદાર ગણાશે. ઉલ્લેખનીય છે કે પોલીસે આ હત્યા કેસમાં યુવતીના પિતા દશરથસિંહ ઝાલાની ધરપકડ કરી લીધી છે. જો કે યુવતીની હજુ સુધી કોઈ ભાળ નથી મળી.

[yop_poll id=”1″]