
આણંદ જિલ્લામાં બોરસદ નગરપાલિકાના ચૂંટણી પરિણામોમાં વોર્ડ નંબર-4માં ભાજપે શાનદાર પ્રદર્શન કરતાં પોતાની પેનલનો વિજય નોંધાવ્યો છે. આ વોર્ડમાં ભાજપના તમામ ઉમેદવારોને મતદારોનો વ્યાપક સમર્થન મળતા પાર્ટીએ એકતરફી જીત હાંસલ કરી છે.
મતગણતરી દરમિયાન શરૂઆતથી જ ભાજપના ઉમેદવારો આગળ રહ્યા હતા અને અંતે સમગ્ર પેનલ વિજેતા જાહેર થઈ. આ જીત સાથે બોરસદ નગરપાલિકામાં ભાજપની સ્થિતિ વધુ મજબૂત બની છે અને સ્થાનિક સ્તરે પાર્ટીની પકડ સ્પષ્ટ રીતે દેખાઈ રહી છે.
વિજય પછી ભાજપ કાર્યકરોમાં આનંદનો માહોલ જોવા મળી રહ્યો છે, જ્યારે આગામી સમયમાં નગરપાલિકાના વિકાસ માટે નવી દિશામાં કાર્ય કરવાની વાત પણ કરવામાં આવી રહી છે.
આજે રાજ્યમાં લોકશાહીના પર્વનો મહત્વપૂર્ણ દિવસ છે, જ્યાં સ્થાનિક સ્વરાજ્યની ચૂંટણીના પરિણામો સાથે હજારો ઉમેદવારોના રાજકીય ભાવિનો નિર્ણય થવાનો છે. મતગણતરી થોડા જ સમયમાં શરૂ થવાની છે અને લોકોમાં ભારે ઉત્સુકતા જોવા મળી રહી છે કે સત્તા કોના હાથમાં જશે. રવિવારે સરેરાશ 60 ટકા જેટલું મતદાન નોંધાયું હતું, જે મતદારોની સક્રિય ભાગીદારી દર્શાવે છે. રાજ્યભરમાં કુલ 9,297 બેઠકો માટે થયેલી આ ચૂંટણીમાં 25,579 ઉમેદવારો મેદાનમાં હતા, જેમાંથી 730 બેઠકો પહેલેથી જ બિનહરીફ જાહેર થઈ ચૂકી છે.