બોટાદ માર્કેટ યાર્ડમાં પ્રથમવાર મગફળીની ટેકાના ભાવે ખરીદી શરૂ, ખેડૂતોમાં ખુશાલીનો માહોલ

કોટન માર્કેટિંગ યાર્ડની ઓળખ ધરાવતા બોટાદ માર્કેટિંગ યાર્ડમાં પ્રથમવાર મગફળીની ટેકાના ભાવે ખરીદી શરૂ કરવામાં આવી છે. અત્યારસુધી બોટાદ યાર્ડમાં માત્ર કપાસની જ ખરીદી કરાતી હતી. જેના પગલે મગફળી પકવતા ખેડૂતોને અન્ય સ્થળો પર મગફળીના વેચાણ માટે જવુ પડતું હતું. જોકે સરકાર અને યાર્ડ સંચાલકોના પ્રયાસ દ્વારા હવે બોટાદ માર્કેટિંગ યાર્ડમાં પણ મગફળીની ટેકાના ભાવે ખરીદી શરૂ કરાતા ખેડૂતોમાં આનંદ છવાયો છે. ખેડૂતો ખુશ છે. અને તેઓને યોગ્ય ભાવ મળતો હોવાનો રાજીપો છે. મહત્વપૂર્ણ છે કે મગફળીની ખરીદી શરૂ થતા જ ખેડૂતોએ માલ વેચવા માટે ભીડ જમાવી. જેના પગલે હાલ રોજની 25 હજાર ગુણી મગફળીની માતબર આવક નોંધાઇ રહી છે.