ભાજપના બલરામ થાવાણી બાદ અરવિંદ રૈયાણીનો પણ મહિલા સામે દુર્વ્યવહાર કિસ્સો સામે આવ્યો. આ બંને ઘટનાને લઈને રાજ્ય સરકારના પ્રધાન RC ફળદુએ કંઈ પણ કેહવાનું ટાળ્યું. અને લૂલો બચાવ કરતા કહ્યું કે, આ મુદ્દે પ્રદેશ ભાજપ અધ્યક્ષને પૂછો તે જવાબ આપશે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
મહત્વનું છે કે, અમદાવાદમાં કોર્પોરેશનની યજમાનીમાં યોજાયેલી ક્રિકેટ મેચમાં ભાજપના ધારાસભ્યે મહિલા કોમેન્ટેટર સાથે અભદ્ર વર્તન કર્યાનો આક્ષેપ કરાયો છે. મહિલા કોમેન્ટેટરે ધારાસભ્યનું નામ અરવિંદ રૈયાણીને બદલે અરવિંદ પટેલ બોલતા મામલો બિચકાયો હતો. અને ધારાસભ્યે સ્થળ પર જ ગાળાગાળી કરી હોવાનો આક્ષેપ કરાયો છે. સાથે જ ધારાસભ્ય જૂથના કોર્પોરેટરે મહિલા કોમેન્ટેટરના બોક્સમાં જઈ કાંઠલો પકડવા દોડ્યા હોવાનો અને અભદ્ર ભાષામાં ધમકાવ્યા હોવાની ચર્ચા ચાલી રહી છે.
સૂત્રો પ્રમાણે મહિલા કોમેન્ટેટરે પોતે લિસ્ટમાં લખ્યા મુજબ જ નામ બોલ્યા હોવાનું વર્ણવ્યુ છે. તો બીજી તરફ ધારાસભ્યે તમામ આક્ષેપો ફગાવ્યા છે. અને તમામ વાતો ઉપજાવી કાઢેલી હોવાનું જણાવ્યું છે.