VIDEO: સ્ટેચ્યુ ઓફ યુનિટીએ સ્ટેચ્યુ ઓફ લિબર્ટીને રાખ્યું પાછળ, SOU આવનારા પ્રવાસીઓની સંખ્યામાં 74 ટકાનો વધારો
દેશવાસીઓ માટે એક ગૌરવની બાબત સામે આવી છે અને એ છે કે સ્ટેચ્યુ ઓફ યુનિટીને જોવા આવનારા દૈનિક પ્રવાસીઓએ સ્ટેચ્યુ ઓફ લિબર્ટીને પણ પાછળ રાખી દીધી હતી. સરદાર સરોવર નર્મદા નિગમે આપેલા આંકડા અનુસાર સ્ટેચ્યુ ઓફ યુનિટીને જોવા આવનારા પ્રવાસીઓની દૈનિક સંખ્યા 15 હજાર 36 થઇ ગઇ છે. જેની સામે અમેરિકાના ન્યૂયોર્કમાં આવેલી સ્ટેચ્યુ ઓફ […]
દેશવાસીઓ માટે એક ગૌરવની બાબત સામે આવી છે અને એ છે કે સ્ટેચ્યુ ઓફ યુનિટીને જોવા આવનારા દૈનિક પ્રવાસીઓએ સ્ટેચ્યુ ઓફ લિબર્ટીને પણ પાછળ રાખી દીધી હતી. સરદાર સરોવર નર્મદા નિગમે આપેલા આંકડા અનુસાર સ્ટેચ્યુ ઓફ યુનિટીને જોવા આવનારા પ્રવાસીઓની દૈનિક સંખ્યા 15 હજાર 36 થઇ ગઇ છે. જેની સામે અમેરિકાના ન્યૂયોર્કમાં આવેલી સ્ટેચ્યુ ઓફ લિબર્ટીને જોવા આવનારા પ્રવાસીઓની સંખ્યા માત્ર 10 હજાર જ છે.
આ પણ વાંચો: બગસરાના લુંઘીયા ગામે દીપડાના હુમલાની વધુ એક ઘટના, દિપડાના CCTV આવ્યા સામે
આ પ્રવાસન મારફતે રાજય સરકારને રૂ.85.57 કરોડની આવક થઇ છે. આમ સરદાર પટેલની આ પ્રતિમાને ભારતમાં દિવસેને દિવસે ખ્યાતિ મળી રહી છે. સરકારી આંકડા અનુસાર 1 નવેમ્બર 2018થી 31 ઓકટોબર 2019 સુધીમાં દરરોજ આવતા પ્રવાસીઓની સંખ્યામાં 74 ટકાનો વધારો જોવા મળ્યો છે. જેનું મુખ્ય કારણ સ્ટેચ્યુ ઓફ યુનિટીની આજુબાજુના વિસ્તારમાં બનાવવામાં આવેલા અન્ય આકર્ષણો પણ છે. 30 નવેમ્બર 2019 સુધીમાં કુલ 30 લાખ 90 હજાર 723 પ્રવાસીઓ કેવડિયાની મુલાકાત લઈ ચુક્યા છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો