Bharuch : 24 કલાકમાં પેટ્રોલ પંપ ઉપર લૂંટના પ્રયાસની બીજી ઘટના સાથે લૂંટારુઓએ પોલીસને પડકાર ફેંક્યો, ફાયરિંગ કરી ભય ફેલાવવાનો પ્રયાસ કરાયો

ભરૂચ(Bharuch ) જિલ્લામાં ૨૪ કલાકમાં પેટ્રોલ પંપ ઉપર લૂંટ(Petrol Pump Loot )ની બીજી ઘટના સોમવારે મોડી રાતે બનતા પોલીસ તંત્ર દોડતું થઇ ગયું છે. રાતના સુમારે પંપ ઉપર કર્મચારીઓની સંખ્યા અને અવર – જ્વર ઓછી હોવાની તકનો લાભ ઉઠાવ લૂંટારૃઓએ લૂંટની ઘટનાને અંજામ આપવા પ્રયાસ કર્યો હતો જોકે લૂંટારુઓ સફળ રહ્યા ન હતા. ઘટનામાં ચિંતાની વાત એ છે કે લૂંટારૃઓએ ફાયરિંગ કરી કર્મચારીને ડરાવવાનો પ્રયાસ કર્યો હતો. આ અગાઉ રવિવારે રાતે પણ લૂંઆજ મોડ્સઓપરેન્ડીથી લૂંટની ઘટના ચાંચવેલ ગામમાં બની હતી જેમાં ૩૦ હજાર રૂપિયા લૂંટી બાઈક સવાર લૂંટારુઓ ફરાર થઇ ગયા હતા.

નબીપુર હિંગલ્લા રોડ ઉપર આવેલ બોરી ગામ નજીક પેટ્રોલ પંપ ઉપર મધરાતે મોટરસાઇકલમાં પેટ્રોલ પુરાવાના બહાને બેઠી ત્રણ બુકાનીધારી લૂંટારુઓ પેટ્રોલ પંપ ઉપર પહોંચ્યા હતા. કર્મચારી કામ પતાવી ઓફિસ તરફ જી રહ્યો હતો ત્યારે તેની પાછળ લૂંટારુઓ પણ પીછો કરવા લાગ્યા હતા. કર્મચારી તેમની પૂછપરછ કરે તે પહેલા લૂંટારૃઓએ પોતાની પાસેની બંદૂક બતાવી કર્મચારીને ડરાવવાનો પ્રયાસ કર્યો હતો. લૂંટારૃઓએ ફાયરિંગ પણ કરી નાખ્યું હતું જોકે આ દોડધામ દરમ્યાન બુમરાણ મચતાં લૂંટારુઓ નાસી છૂટ્યા હતા. સદનશીબે ઘટનામાં પેટ્રોલ પંપના કર્મચારીને કોઈપણ પ્રકારની ઈજાઓ પહોંચી ન હતી જયારે લૂંટારુઓ લૂંટ કરવામાં નિષ્ફ્ળ રહ્યા હતા.

ઘટનાની જાણ નબીપુર પોલીસને કરવામાં આવતા સમગ્ર જિલ્લાની પોલીસને એલર્ટ કરવામાં આવી હતી. આ અગાઉ રવિવારે રાતે પણ આ જ મોડ્સઓપરેન્ડીથી વાગરા તાલુકાના ચાંચવેલ ગામમાં લૂંટની ઘટના બની હતી. ભરૂચમાં હથિયારની નોક ઉપર લૂંટ કરતી ટોળી સક્રિય થઇ હોવાનું અનુમાન લગાવાઈ રહ્યું છે. રાતના સુમારે પેટ્રોલ પંપ ઉપર ઓછા કર્મચારીઓ હોવાની તકનો લાભ ઉઠાવી લૂંટારુઓ બાઈક ઉપર આવી બંદૂક બતાવી લૂંટના પ્રયાસ કરે છે. આ મોડ્સઓપરેંડીના આધારે પોલીસે ભૂતકાળમાં સક્રિય ટોળકીઓ અંગે પણ વિગતો મેળવવાના પ્રયાસ શરૂ કર્યા છે.

સોમવાર રાતની ઘટનામાં પણ પોલીસને સીસીટીવી ફૂટેજ મળ્યા છે. આ ઘટનામાં પણ રવિવારે ચાંચવેલની લૂંટમાં સક્રિય લૂંટારુઓ જ નજરે પડતા હોય તેમ લાગી રહ્યું છે. બોરી નજીક પેટ્રોલ પંપ ઉપર લૂંટની વાર્સાર બાબતે પોલીસે નબીપુર પોલીસ સ્ટેશનમાં ગુનો નોંધી પડકાર ફેંકનાર લૂંટારૂઓને ઝડપી પાડવા ચક્રો ગતિમાન કર્યા છે.