Banaskantha: પ્રાથમિક શાળામાં ફરજમાં ગુલ્લી મારતા 44 શિક્ષકોને નોટિસ ફટકારાઈ

બનાસકાંઠા (Banaskantha) જિલ્લાના છેવાડાના વિસ્તારની સરકારી પ્રાથમિક શાળાઓ (primary school) માં બાળકોને શિક્ષણ આપવાના સમયે કેટલાક શિક્ષકો (teachers) ગુલ્લી મારતા હોવાની ફરિયાદો ઉઠી રહી છે જેના પગલે આજે જિલ્લા શિક્ષણ અધિકારીએ આકસ્મિક ચેકીંગ ધરતા વડગામ અને દાંતા તાલુકાની વિવિધ 11 શાળાના 44 શિક્ષકો ફરજમાં ગુલ્લી મારતા ઝડપાઇ જતાં આ શિક્ષકોને કારણદર્શક નોટિસ ફટકારવામાં આવી છે, જેને લઈ ફરજમાં લાપરવાહી દાખવતા શિક્ષકોમાં ફફડાટ ફેલાયો છે.

જિલ્લા શિક્ષણ અધિકારીના સર પ્રાઈઝ ચેકીંગમાં શિક્ષકોની અનિયમિતતા સામે આવી

બનાસકાંઠા જિલ્લાના છેવાડાના વિસ્તારમાં આવેલી સરકારી પ્રાથમિક શાળાઓમાં કેટલાક શિક્ષકો ફરજ પ્રત્યે લાપરવાહી દાખવતા હોય તેમજ ફરજ પર અનિયમિત હાજર રહી અને ફરજમાં ગુલ્લી મારતા હોઈ તેની અસર બાળકો પર પડતી હોય છે જેને લઈ જિલ્લા શિક્ષણ અધિકારી સંજયભાઈ પરમારે દાંતા તેમજ વડગામ તાલુકાની વિવિધ પ્રાથમિક શાળાઓમાં સરપ્રાઈઝ ચેકીંગ કર્યું હતું જેમાં દાંતા તાલુકાની આઠ સ્કૂલના 32 શિક્ષક અને વડગામ તાલુકાની ત્રણ સ્કૂલના 12 શિક્ષક મળી કુલ 44 શિક્ષકો ફરજમાં ગુલ્લી મારતા ઝડપાઇ જતા આ શિક્ષકોને કારણદર્શક નોટિસ ફટકારવામાં આવી છે જેને લઈ ફરજ પ્રત્યે બેદરકાર શિક્ષકોમાં ફફડાટ ફેલાયો છે.

અગાઉ પણ જિલ્લા શિક્ષણ અધિકારીના ચેકીંગમાં ગુલ્લી મારતા શિક્ષકોને નોટીસો ફટકારી હતી

બનાસકાંઠાના અંતરિયાળ અને સરહદી વિસ્તારોમાં મોટેભાગે શિક્ષકો અપડાઉન કરતા હોય છે અને જેને લઈને ફરજમાં અનિયમિતતા સામે આવતી હોય છે. બનાસકાંઠા જિલ્લામાં છાસવારે શાળાઓને તાળાબંધી પણ થાય છે તેમાં ક્યાંક શિક્ષકો પ્રત્યેનો અસંતોષ પણ હોય છે ત્યારે શિક્ષણની નિયમિતતા સુધારવા અને શિક્ષણનું માળખું સુધારવા જિલ્લા શિક્ષણ અધિકારી વારંવાર સરહદી અને અંતરિયાળ વિસ્તારોમાં સરપ્રાઈઝ ચેકિંગ કરીને અનિયમિત શિક્ષકોને નિયમિત કરવાના પ્રયાસ કરે છે. જોકે અગાઉ પણ છેલ્લા છ માસમાં 80 થી વધુ શિક્ષકોને અનિયમિત રહેવાને બદલે નોટીસો ફટકારાઈ છે. આમ છતાં અલગ અલગ સ્કૂલોમાં

કઈ શાળાના શિક્ષકોને નોટિસ ફટકારાઈ

1. છનિયાણા પ્રા. શાળા વડગામ
2. પરખડી પ્રા. શાળા વડગામ
3. ઓડપૂરા (છનીયાણા) પ્રા. શાળા વડગામ
4. વડવેરા(૨)પ્રા. શાળા દાંતા
5. વદ્રમાળ પ્રા. શાળા દાંતા
6. રૂપવાસ પ્રા. શાળા દાંતા
7. જૂફાળી પ્રા. શાળા દાંતા
8. મણવા પ્રા. શાળા દાંતા
9. વડનાર પ્રા. શાળા દાંતા
10. કુવારસી પ્રા. શાળા દાંતા
11. તળેટી પ્રા. શાળા દાંતા