Banaskantha : આંતરરાષ્ટ્રીય સીમા પર BSF ની સદભાવના, અજાણતા ફેંસિંગ સુધી પહોંચેલા યુવકને પાકિસ્તાન સેનાને પરત સોંપ્યો
BSF ના જવાનોએ ફરી એકવાર આંતરરાષ્ટ્રીય સીમા પર શાંતિ અને સૌહાર્દ નું વાતાવરણ ઉભું કરી સદભાવના પ્રસ્થાપિત કરી છે. એક અજાણ યુવકને પાકિસ્તાન સેનાને સુપ્રત કર્યો હતો. BSF ફર્સ્ટ લાઇન ઓફ ડિફેન્સ તરીકે 24 કલાક આંતરરાષ્ટ્રીય સીમા પર કાર્યરત છે.
Banaskantha : ગુજરાત રાજ્યમાં આવેલી ભારત પાકિસ્તાન (India-Pakistan Border) સીમા લોકોના અવરજવર માટે બંધ છે. પરંતુ આજે પણ કેટલાય પાકિસ્તાન (Pakistani) નાગરિકો અજાણતા આંતરરાષ્ટ્રીય સીમા ક્રોસ કરી ફેંસિંગ સુધી પોહચી જતાં હોય છે. જે પાકિસ્તાની નાગરિકોની BSF દ્વારા અટકાયત કરી કાયદેસરની કાર્યવાહી કરવામાં આવતી હોય છે. આવી જ એક ઘટના સામે આવી છે બનાસકાંઠા કચ્છ બોર્ડર પર આવેલા બાલાસર વિસ્તારમાં જ્યાં અજાણતા પાકિસ્તાની નાગરિક આંતરરાષ્ટ્રીય સીમા હદ વિસ્તાર વટાવી ફેંસિંગ સુધી પહોંચ્યો હતો.
મૂળ પાકિસ્તાનના નગરપારકર તાલુકાના મેડો ગામનો રહેવાસી અહેસાન માસ્ટર ઉંમર :- 25 વર્ષ અજાણતા આંતરરાષ્ટ્રીય સીમા સુધી પહોંચ્યો હતો. જેને BSF ના જવાનોએ પકડી પાડ્યો હતો. જેની પાકિસ્તાન સેના દ્વારા શોધખોળ કરવામાં આવતા પાકિસ્તાન સેનાએ ભારતીય સેનાનો સંપર્ક કર્યો હતો. જે બાદ બોર્ડર પિલર નંબર 1029/3 પર BSF અને પાકિસ્તાન સેનાની ફ્લેગ મીટિંગનું આયોજન કરવામાં આવ્યું હતું. જે મીટિંગમાં BSF દ્વારા આ પાકિસ્તાન નાગરિકને પાકિસ્તાન સેનાને સોંપવામાં આવ્યો હતો.
BSF ના જવાનોએ ફરી એકવાર આંતરરાષ્ટ્રીય સીમા પર શાંતિ અને સૌહાર્દ નું વાતાવરણ ઉભું કરી સદભાવના પ્રસ્થાપિત કરી છે. એક અજાણ યુવકને પાકિસ્તાન સેનાને સુપ્રત કર્યો હતો. BSF ફર્સ્ટ લાઇન ઓફ ડિફેન્સ તરીકે 24 કલાક આંતરરાષ્ટ્રીય સીમા પર કાર્યરત છે. જેના કારણે આજે આપણે સુરક્ષિત છીએ. BSF ના આંતરરાષ્ટ્રીય સીમા પર ફ્લેગ માર્ચ દરમ્યાન પાકિસ્તાન યુવકને સોંપી ફરી માનવતા મહેકાવી છે.
આ પણ વાંચો : Surat: કેમિકલ લિકેજની દુર્ઘટના મામલે સીએમ અને ગૃહપ્રધાનનું Twitt, દુર્ઘટના અંગે દુ:ખ વ્યક્ત કર્યુ
આ પણ વાંચો : Surat : સગીરા પર બળાત્કાર કેસમાં આરોપીને 20 વર્ષની અને સહઆરોપીને 5 વર્ષની સજા
