અમદાવાદના આરોગ્ય વિભાગે AMTS અને BRTSના ચાલકો તથા કર્મચારીઓનું ટેસ્ટિંગ હાથ ધર્યું,અત્યાર સુધીમાં કુલ 210 જેટલા કર્મચારીઓના ટેસ્ટિંગ કરાયા, 2 કર્મચારીઓના રિપોર્ટ પોઝિટિવ

કોરોના મહામારી વચ્ચે અમદાવાદના આરોગ્ય વિભાગે AMTS અને BRTSના ચાલકો તથા કર્મચારીઓનું ટેસ્ટિંગ હાથ ધર્યું છે. જમાલપુર ખાતે AMTSના ચાલકો તથા કર્મચારીઓનું ટેસ્ટિંગ શરૂ કરાયું છે જ્યારે નારણપુરાખાતે BRTSના ચાલક તથા કર્મચારીઓનું ટેસ્ટિંગ ચાલી રહ્યું છે. AMTS અને BRTSના ચાલકો અને કર્મચારીઓના સંક્રમણના શિકાર ન બને અને તેમના દ્વારા અન્ય લોકોને ચેપ ન લાગે તે માટે તંત્ર દ્વારા આ કામગીરી હાથ ધરવામાં આવી છે. મહત્વપૂર્ણ છે કે અત્યાર સુધીમાં કુલ 210 જેટલા કર્મચારીઓના ટેસ્ટિંગ કરાયા છે જેમાંથી 2 કર્મચારીઓના રિપોર્ટ પોઝિટિવ આવ્યા છે જેમને સારવાર અર્થે સમરસ હોસ્પિટલ મોકલી અપાયા છે.