Breaking News : અમદાવાદમાં ફટાકડા ફેક્ટરી વિસ્ફોટની તપાસ માટે SITની રચના, જુઓ Video
અમદાવાદના વસ્ત્રાલમાં ફટાકડા ફેક્ટરીમાં થયેલા બ્લાસ્ટ કેસની ગંભીરતાને પગલે અમદાવાદ પોલીસ કમિશનરે સ્પેશિયલ ઇન્વેસ્ટિગેશન ટીમ (SIT) ની રચના કરી છે.
અમદાવાદના વસ્ત્રાલ વિસ્તારમાં આવેલી ફટાકડાની ફેક્ટરીમાં થયેલા ભયાનક બ્લાસ્ટના મામલે અમદાવાદ પોલીસે કાર્યવાહી તેજ કરી છે. આ કેસની ગંભીરતાને ધ્યાનમાં રાખીને અમદાવાદ પોલીસ કમિશનરે એક સ્પેશિયલ ઇન્વેસ્ટિગેશન ટીમ (SIT) ની રચના કરી છે.
DCPની અધ્યક્ષતામાં કાર્યરત આ SITમાં DCP ઝોન-8, ACP S ડિવિઝન અને રામોલ પોલીસ ઇન્સ્પેક્ટર જેવા ઉચ્ચ અધિકારીઓનો સમાવેશ કરવામાં આવ્યો છે. આ SITને સમગ્ર ઘટનાક્રમની તલસ્પર્શી તપાસ કરવાની જવાબદારી સોંપવામાં આવી છે. ટીમ સુરક્ષા નિયમોના ભંગ, ગેરકાયદેસર કામગીરી, જવાબદારોની ભૂમિકા અને અન્ય તમામ પાસાઓની વિગતવાર તપાસ કરશે.
SITને માત્ર 10 દિવસમાં આ મામલે તપાસ અહેવાલ સુપ્રત કરવાની સૂચના આપવામાં આવી છે. આ તપાસમાં અત્યાર સુધી થયેલી ધરપકડો, ફેક્ટરીના લાયસન્સ, તેના સંચાલન અને અન્ય પુરાવાઓની પણ ઝીણવટભરી ચકાસણી કરવામાં આવશે. પોલીસનો હેતુ આ ઘટનામાં સંડોવાયેલા તમામ લોકોને ઝડપી પકડીને ભવિષ્યમાં આવા બનાવો ન બને તે સુનિશ્ચિત કરવાનો છે.
દુર્ઘટના બાદ તંત્રે ફેક્ટરી પર બુલડોઝર ફેરવી ગેરકાયદે બાંધકામનું ડિમોલિશન શરૂ કર્યું.
JCB સહિતના ભારે મશીનોની મદદથી ગેરકાયદે માળખાં તોડી પાડવામાં આવ્યા. આ કાર્યવાહી દરમિયાન સ્થાનિક તંત્ર અને AMCએ સંકલન કરીને સમગ્ર ઓપરેશન પૂર્ણ કર્યું.
અધિકારીઓએ જણાવ્યું કે આ માત્ર શરૂઆત છે. શહેરમાં ગેરકાયદે ચાલતી અન્ય ફટાકડા ફેક્ટરીઓની પણ તપાસ કરવામાં આવશે અને નિયમોનો ભંગ કરનાર સામે કડક કાર્યવાહી હાથ ધરાશે.
આણંદના વાસદમાં બાળકીનું અપહરણ બાદ રેલવે ટ્રેક પરથી મૃતદેહ મળતા ચકચાર
