VIDEO: હદ કરી હો.. ગુજરાત હાઈકોર્ટમાં જજની સામે જ ટોયલેટમાં બેસી સુનાવણીમાં હાજર થયો પક્ષકાર, આખો દેશ Live જોતો રહી ગયો

ગુજરાત હાઇકોર્ટમાં સુનાવણી દરમ્યાન ના અનેક વીડિયો તમે જોતાં હશો પરંતુ આજે વાયરલ થયેલો અ વીડિયો કઈક અલગ જ પ્રકારનો છે. આ ઘટના ન્યાયમૂર્તિ નિર્ઝર એસ. દેસાઈની કોર્ટમાં સુનાવણી દરમિયાન બની હતી.

હાલમાં એક વીડિયો વાયરલ થઈ રહ્યો છે. વીડિયોમાં જોવા મળે છે કે સર્મદ બેટરી નામે લોગ ઈન કરેલા વ્યક્તિએ બ્લૂટૂથ દ્વારા દલીલમાં ભાગ લીધો હતો. તે ટોઈલેટમાં બેઠો હતો, જ્યાંથી તેણે પોતાનો ફોન થોડો દૂર રાખી, ફ્લશ કર્યો, હાથ ધોયા, પેન્ટ પહેરી અને પછી લિવિંગ રૂમ તરફ ગયો – આ બધું લાઇવ જોઈ શકાય છે.

આ વીડિયો Bar & Bench નામના સોશિયલ મીડિયા હેન્ડલ પર પોસ્ટ થયો છે. મળતી માહિતી મુજબ, આ વ્યક્તિ એફઆઈઆર રદ કરવાની અરજી સાથે ચાલી રહેલા કેસમાં પ્રતિવાદી છે.

વીડિયો સામે આવતાં સોશિયલ મીડિયા પર લોકોનો ગુસ્સો ફાટી નીકળ્યો છે. ઘણા યુઝર્સે આ વર્તનને “કાયદાની સમસ્યા” નહીં પણ “માનસિકતા” સાથે જોડ્યું છે.

એક યુઝરે ટિપ્પણી કરી, “માનો કે તેને કબજિયાત હતી તો શું આખી સુનાવણી ટોઈલેટમાંથી સાંભળી લેત?” બીજાએ લખ્યું, “કોર્ટની સુનાવણી હવે ઓનલાઈન રાખવી ન જોઈએ, આવી ઘટનાઓથી કાયદાની ગંભીરતા પર પ્રશ્ન ઉઠે છે.”

બીજાં યુઝર્સે આ વ્યક્તિ સામે તાત્કાલિક કાર્યવાહી અને દંડાની માગ કરી છે. કેટલાકે તો આ ઘટનાને રાજકીય દિશામાં ખેંચવાનો પ્રયાસ કરતાં લખ્યું કે, “શું કાયદાની સ્થિતિ સામે વિરોધ વ્યક્ત કરવા માટે તેણે આવું કર્યું?”

આ ઘટનાએ ઓનલાઇન કોર્ટ પ્રથા ઉપર ફરીથી ચર્ચા શરૂ કરી છે – શું વર્ચ્યુઅલ સુનાવણી હંમેશાં યોગ્ય છે? અને શું આવા બનાવો કાયદાની પ્રતિષ્ઠાને હાનિ પહોંચાડી રહ્યાં છે?

(નોંધ : અહીં આપવામાં આવેલો વીડિયો સોશિયલ મીડિયામાં Bar and Bench નામના સોશિયલ મીડિયા પર વાયરલ થયો છે. Tv9 ગુજરાતી વીડિયોની પુષ્ટિ કરતું નથી.)