Rakshabandhan 2023: પોસ્ટમાં રાખડી મોકલવાની સંખ્યામાં 15થી 20 ટકાનો વધારો, પોસ્ટ દ્વારા ભારત સહિત 36 દેશમાં મોકલવામાં આવે છે રાખડી
ઘણા કિસ્સાઓમાં બહેન પોતાના ભાઈને રાખડી પોસ્ટ કે કુરિયર (Courier) કરીને મોકલી આપતી હોય છે. જેના કારણે છેલ્લા ઘણા સમયથી પોસ્ટ અને કુરિયરમાં રાખડી મોકલવાની સંખ્યામાં વધારો થઈ રહ્યો છે. પોસ્ટ વિભાગમાં (Post Departments) ગત વર્ષની સરખામણીએ આ વર્ષે રાખડી મોકલવાની સંખ્યામાં 15 થી 20 ટકા જેટલો વધારો નોંધાયો છે.
Ahmedabad : રક્ષાબંધન (Rakshabandhan) પર્વને ગણતરીના દિવસો બાકી રહ્યા છે. જે પર્વ પર બહેન ભાઈને રાખડી બાંધવા તેના ઘરે જતી હોય છે અને રક્ષાબંધનની ઉજવણી કરતી હોય છે, પરંતુ કેટલાક કિસ્સામાં બહેન અને ભાઈ અલગ અલગ શહેરમાં કે અલગ અલગ રાજ્ય અને અલગ અલગ દેશમાં રહેતા હોવાથી બંનેને મળવું અઘરું પડતું હોય છે. આવા કિસ્સાઓમાં બહેન પોતાના ભાઈને રાખડી પોસ્ટ કે કુરિયર (Courier) કરીને મોકલી આપતી હોય છે. જેના કારણે છેલ્લા ઘણા સમયથી પોસ્ટ અને કુરિયરમાં રાખડી મોકલવાની સંખ્યામાં વધારો થઈ રહ્યો છે. પોસ્ટ વિભાગમાં (Post Departments) ગત વર્ષની સરખામણીએ આ વર્ષે રાખડી મોકલવાની સંખ્યામાં 15થી 20 ટકા જેટલો વધારો નોંધાયો છે. જે પોસ્ટ વિભાગ માત્ર ભારત જ નહીં, પરંતુ 36 દેશોમાં બહેનની રાખડી તેના ભાઈ સુધી પહોંચાડે છે.
આમ તો પોસ્ટ વિભાગ કન્યા કુમારથી કાશ્મીર સુધી દુનિયાના તમામ દેશમાં રાખડી પહોંચાડે છે. પોસ્ટ વિભાગમાં પોસ્ટલ સર્વિસના આસિસ્ટન્ટ ડાયરેક્ટર અલ્પેશ શાહના જણાવ્યા અનુસાર ત વર્ષની સરખામણીએ આ વર્ષે રાખડી મોકલવાની સંખ્યામાં પોસ્ટ વિભાગમાં 15થી 20 ટકાનો વધારો થયો છે. જેમાં સૌથી વધારે રાખડી બહેન વિદેશમાં રહેતા તેમના ભાઈઓને મોકલી રહી હોવાનું સામે આવ્યું છે.
શા માટે પોસ્ટમાં કુરિયરમાં વધારો?
તહેવાર આવે એટલે કુરિયર કંપનીઓમાં કુરિયર મોકલવાની સંખ્યામાં વધારો થતો હોય છે. જેમાં ખાનગી કુરિયર સર્વિસ કંપનીના ચાર્જ લોકોને વધુ લાગતા હોય છે. જેની સામે પોસ્ટ વિભાગ દ્વારા નક્કી કરવામાં આવેલા ચાર્જ લોકોને ઓછા લાગી રહ્યા છે. માટે જ શહેરીજનો ખાનગી કંપનીની સામે હવે કુરિયર માટે પોસ્ટ વિભાગ તરફ વળ્યા છે. ગત વર્ષની સરખામણીએ આ વર્ષે પોસ્ટ વિભાગમાં રાખડી કુરિયરની સંખ્યામાં 15 થી 20 ટકા વધારો થયો છે અને તેમાં પણ કેનેડા, અમેરિકા જેવા વિદેશ સહિત કુલ 36 દેશો એટલે કે કન્યાકુમારી થી કાશ્મીર સુધી અને વિદેશોમાં તમામ જગ્યા ઉપર પોસ્ટ વિભાગ અન્ય કંપનીઓ કરતા ઓછા ચાર્જમાં રાખડીઓ પહોંચાડી રહ્યું છે.
જાણો કેટલો છે ચાર્જ ?
પોસ્ટ વિભાગ દ્વારા સામાન્ય કુરિયર માટે 50 ગ્રામ વજન કુરિયરના 41 રૂપિયા ચાર્જ લેવાઈ રહ્યો છે. જે અન્ય કુરિયર કંપની કરતાં ઘણો ઓછો છે. તેમજ sms દ્વારા કુરિયર ક્યાં પહોંચ્યું છે તેનું અપડેટ પણ મળતું રહે છે સાથે જ વિદેશોમાં મોકલવામાં આવતી રાખડી કુરિયરમાં પણ અલગ અલગ દેશ પ્રમાણે અલગ અલગ ચાર્જ નક્કી કર્યા છે, પરંતુ તે ચાર્જ પણ અન્ય કંપનીઓ કરતા ઓછા હોવાથી લોકો પોસ્ટ વિભાગની પસંદગી કરી રહ્યા છે. અને માટે જ હવે લોકો પોસ્ટ વિભાગમાં રાખડી મોકલવાનું પસંદ કરી રહ્યા છે.
પોસ્ટ વિભાગનો રક્ષાબંધનને લઈને નવતર પ્રયાસ
પોસ્ટ વિભાગમાં દર વર્ષે રાખડી મોકલવાની સંખ્યામાં વધારો થાય છે. જેમાં ગત વર્ષની સરખામણીએ આ વર્ષે 15થી 20 ટકાનો વધારો નોંધાયો છે. જેને જોતા પોસ્ટ વિભાગ દ્વારા આ વર્ષે વોટર પ્રુફ રાખડી મોકલવાના 1,00,000 ઉપર કવર બનાવાયા છે. જે દરેક પોસ્ટ વિભાગમાં ફાળવી દેવાયા છે. સાથે જ પોસ્ટ વિભાગે આ વર્ષે એક નવતર પ્રયાસ હાથ ધર્યો છે. જે પ્રયાસમાં પોસ્ટ વિભાગ દ્વારા બહેનને ગિફ્ટ આપી શકાય તેવી બ્રાસની પ્લેટ બનાવી છે. જેમાં ખાસ રક્ષાબંધન અને પોસ્ટનો સિમ્બોલ વાળી છબી લગાવાઇ છે. જેની પણ લોકો પસંદગી કરી રહ્યા છે. સામાન્ય રીતે બહેન ભાઈને રાખડી બાંધે એટલે ભાઈ બહેનને કોઈને કોઈ વસ્તુ આપે આ જ બાબતને ધ્યાન રાખીને પોસ્ટ વિભાગ દ્વારા આ વર્ષે બ્રાસની પ્લેટ બનાવી છે. જેમાં પોસ્ટ વિભાગને સારો પ્રતિસાદ પણ મળી રહ્યો છે.
અમદાવાદ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો
