અમદાવાદના 11 વિસ્તારોને ટ્રાફિકથી મળશે છુટકારો, શહેરમાં આ જગ્યાએ બનશે નવા બ્રિજ અને એલિવેટેડ કોરિડોર

અમદાવાદ, ગુજરાતનું ઝડપથી વિકસતું શહેર, સતત પ્રગતિના માર્ગે આગળ વધી રહ્યું છે. 70 લાખથી વધુ વસ્તી ધરાવતા આ શહેરમાં ટ્રાફિકની સમસ્યા ગંભીર બની રહી છે. એ સમસ્યાને ઉકેલવા માટે અમદાવાદ મ્યુનિસિપલ કોર્પોરેશન (AMC) દ્વારા 5 નવા બ્રિજ અને અન્ય વિસ્તારોમાં એલિવેટેડ કોરિડોર બનાવવાનું આયોજન કરવામાં આવી રહ્યું છે.

નવા બ્રિજ માટેના લોકેશન અને ખર્ચ

• ઇસ્કોન જંક્શન – ₹250 કરોડના ખર્ચે ઓવરબ્રિજ
• ચાંદલોડિયા સિલ્વર સ્ટાર ચાર રસ્તા – ₹80 કરોડના ખર્ચે બ્રિજ
• રાજપથ રંગોલી રોડ – ₹35 કરોડના ખર્ચે અંડરપાસ
• પંચવટી સર્કલ – ₹90 કરોડના ખર્ચે ફ્લાયઓવર
• પીરાણાથી પિપડજ રોડ – ₹45 કરોડના ખર્ચે માઇનોર બ્રિજ

અન્ય મહત્વાકાંક્ષી પ્રોજેક્ટ્સ

AMC દ્વારા 7 સ્થળો પર વિશાળ ફ્લાયઓવર અને એલિવેટેડ કોરિડોર બનાવવા માટે પણ પ્રાથમિક અભ્યાસ કરવામાં આવી રહ્યો છે:

• IIM જંક્શન: BRTS માટે ડબલ ડેકર બ્રિજ
• શ્યામલથી SG હાઇવે: ઇસ્કોન-બોપલ-ઘુમા સુધી એલિવેટેડ કોરિડોર
• નહેરુનગરથી SG હાઇવે: એલિવેટેડ રોડ
• પાલડી જંક્શન: નવો બ્રિજ માટે ફિઝિબિલિટી સર્વે
• નરોડા-દહેગામ જંક્શન: સેકન્ડ લેવલ ફ્લાયઓવર માટે અભ્યાસ
• ઓઢવ-કઠવાડા રિંગ રોડ જંક્શન: સેકન્ડ લેવલ બ્રિજ માટે સંશોધન

AMCના આ આયોજનથી શહેરના મુખ્ય માર્ગો પર ટ્રાફિકનો ભાર ઓછો થશે અને પ્રવાસીઓ માટે મુસાફરી વધુ ઝડપી અને અનુકૂળ બનશે.