અમદાવાદના ભાટ ખાતે આવેલી આનંદ નિકેતન સ્કૂલ ફરીથી વિવાદમાં આવી છે. સ્કૂલના સંચાલકો ફી મુદ્દે મનમાની કરી રહ્યા છે, જેનો પુરાવો સામે આવ્યો છે. એક વાલી અને સ્કૂલના સંચાલક વચ્ચે ફોન પર થયેલી વાતચીતની ઓડિયો ક્લિપ સામે આવી છે. જેમાં સ્કૂલના સંચાલક સ્પષ્ટ કહી કહે છે કે, પહેલા સત્રની ફી ભરો તો જ ઓનલાઈન ક્લાસ શરૂ થશે. પોતાના બાળકનું ઓનલાઈન એજ્યુકેશન બંધ થઈ જતા વાલીએ સ્કૂલમાં ફોન કર્યો હતો, પરંતુ સંચાલકે સ્પષ્ટ કહી દીધુ કે 6 માસની 38600 રૂપિયા ફી ભરશો તો જ ક્લાસ શરૂ કરાશે. વાલીએ સરકારે આપેલી 25 ટકા રાહતની વાત કરી તો તેમણે કહ્યું કે, હજુ સુધી તેમની પાસે કોઈ કાગળ નથી આવ્યો. શાળાએ કુલ 70 વિદ્યાર્થીઓનું ઓનલાઈન એજ્યુકેશન બંધ કરી દીધુ છે, જેને લઈ વાલીઓમાં રોષ વ્યાપ્યો છે.
આ પણ વાંચો: વડોદરા: 15મી ઓક્ટોબરથી ખુલશે થિયેટર, 50% ક્ષમતા સાથે ખુલશે મલ્ટિપ્લેક્સ
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો