અમદાવાદના બાવળા માર્કેટ યાર્ડમાં ખેડૂતોનો હોબાળો, ડાંગરની હરાજીમાં ઓછા ભાવ મળતા હોવાની ખેડૂતોની રાવ

અમદાવાદના બાવળા માર્કેટ યાર્ડમાં ડાગરની હરાજીમાં ઓછા ભાવ મળતા ખેડૂતોએ હોબાળો મચાવ્યો. રાજ્ય સરકારે ડાંગરનો ટેકાનો ભાવ જાહેર કર્યો છે. આમ છતાં વેપારીઓ મનમાની ચલાવીને 270થી ઓછા રૂપિયા આપે છે. બાવળા માર્કેટયાર્ડ બહાર ડાંગરનો પાક ભરેલા 500 ટ્રેક્ટર સાથે ખેડૂતોએ હોબાળો મચાવ્યો. અને ડાંગરના અપૂરતા ભાવને લઈ તંત્ર સામે રોષ વ્યક્ત કરી હરાજી બંધ કરાવી દીધી. બાવળા APMCના ચેરમેને પણ ખેડૂતોને પૂરતા ભાવ ન મળતા હોવાનો એકરાર કર્યો.