ગુજરાત વિધાનસભાના ચોમાસુ સત્રનો પ્રારંભ થઇ રહ્યો છે. વિધાનસભા સત્ર પહેલાં જ કોરોનાએ સચિવાલયમાં પગપેસારો કર્યો છે. મુખ્યમંત્રી કાર્યાલય ઉપરાંત મંત્રીઓના સ્ટાફ સહિત કુલ નવ કર્મચારીઓને કોરોના પોઝિટીવ થયા હોવાનુ નિદાન થયુ છે. આ ઉપરાંત વિધાનસભાના પણ પાંચ કર્મચારીઓ કોરોના સંક્રમિત થયાં છે. જેના કારણે આજે મંત્રીઓના ય કોરોના ટેસ્ટ કરવામાં આવનારા છે. વિધાનસભા સંકુલમાં ફરજ બજાવતાં કર્મચારીઓ સહિત સલામતી સ્ટાફના કર્મચારીઓના કોરોના ટેસ્ટ કરવામાં આવ્યાં છે. કુલ 506 કર્મચારીઓ પૈકી પાંચ કર્મચારીઓને કોરોના પોઝિટીવ થયો છે. મહત્વનું છે કે આવતીકાલે કોરોના ટેસ્ટ નેગેટિવ હશે તે જ વ્યક્તિને વિધાનસભા સંકુલમાં પ્રવેશ આપવામાં આવશે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો